أول موضوع إلي.. نعومة خدود روعة مع إشراقة مميزة

السلام عليكم

كيفكم جميعا؟
حاسة حالي هيك خجلانة شوي ..أول مرة بدخل و بكتب موضوع رسمي هون.......
بس لولا صارت معي بالتجربة و أكيد يعني ما بكتب..


بلا طول مقدمات ....

اللي عملته ..إني ببساطة حاولت كون مبسوطة .... تانيا: أنه أطلع بالمراية و حس بالحب لشكلي.....
تالتا : صار لي فترة طويلة مريحة وجهي من كريمات الأساس و البودرة و هالخرابيط..
ثم صرت يوميا أمسح وجهي بماء الورد ... الصبح أصلا صرت اغسل وجهي بقطنة مشبعة بماء الورد و أتركه ينشف على وجهي .. و على فكرة الجلد بيمتصه كله...

و بالنهار كل ما تذكرت امسح وجهي كمان بماء الورد....

ثم فيه عنا مستحضر قديم ، يمكن من زمن الجدات و محطوط بعلب صغيرة ...كريم بلون وردي أو ابيض.. اسمه زبدة الزهور... و هو عبارة عن خليط من خلاصة زبدة الزهور مع العسل الطبيعي ... ريحته بتجنن..
بس المسا حط منه على وجهي شوي بس...

و النتيجة فعلا وجه ناعم كالحرير و مشرق... لدرجة استغربوا شو عاملة لوجهي.. مع انه ربي يشهد لا مبيض و لا مقشر ..ما في غير هالماء الورد و زبدة الزهور و شوية راحة نفسية...

طبعا رغم اني ما عم حط ماكياج ..لكن لا يمنع إني بين فترة و اخرى انضف وجهي بالحليب المغذي...

اتمنالكم جميعا وجوه مشرقة كالأقمار.... هو انتم أساسا كلكم حلوات ..أنا بعرف.. أصلا كل البنات حلوين بس لا يمنع نصير أحلى ... و نحب شكلنا ......​