هلا وغلا حبايب قلبي مادري اشوف هالموضوع مهم من وجهة نظري خصوصا حق اللي قاعده عند حموله ومعاها مرت حماها لأنها تقارن من المواقف اللي تصير جدامها 24ساعه لأنهم ابيت واحد... الحين اللي عندها موقف حاز بقلبها يخص هالموضوع تتفضل تففض +شنو ردة فعلج وشعورج اذا كانو يحبون ولا يستانسون على عيال حماج أكثر من عيالج لأنهم مهما حاولو يخشون يبيبن +شلون تحببين الناس بعيالج؟؟ +اذا ولدج أو بنتج شياطين وتصرفاتهم تفشلج بالذات بيمعة حمولتج شلون تتصرفين معاهم؟؟ مع العلم عيال حماج اللي معاكم بنفس البيت هادين ومالهم حس هالله هالله بالمشاركات الحلوه ورجاءا الطل والتطلطل ممنوع
موفقه بموضوعج انا ولله الحمد حمولتي يحبون عيالي اكثر من عيال حماي مع ان شطانتهم وحده بس الفرق بيني وبينها اني اذا غلطو او قلو ادبهم اعاقبهم جدامهم واذا احد هاوشهم بسبب ماازعل ولايصير بخاطري لانهم يبون مصلحتهم اكيد اما هي اذا احد كلم عيالها تزعل عشان جذي في حزازيات تصير واكيد يبي يقل غلاهم يعني من وجهة نظري تثقين باللي جدامج بس طبعا مو كل من هب ودب يهاوشهم وعلى اسباب تافهه بس عماتهم وجدتهم واتمنى فدتج
انزين اشرايج باللى نشترى لعيالها كل شى حت اللعب الغاليه كله تاخذه لبيت أهلها واخوانها يلعبون فيهاااا قطيعه عمرهاااااا ماقالت الله يعطيكم العافيه على العمووووووووم اعيال اخوانى مانفرق بين معاملتهم مشكووره
الحمدلله انا زوجي وحيد اهله بس عندي بنت حماتي بالنسبه لي عادي الحب من الله ما اقدر اغصبهم يحبون ولدي اكثر اهم شيء انا مرتاحه مع زوجي هذا كافي
اهـــــــــم شىء اشوف عيوبى لاااازم ما اقث اهل البيت اذا اعيالى شياطين مانزلهم 24 ساعه عساس احنا مانتحملهم اشلون العمات او الجده انا اعرف وحده علاااااااااطول اعيالها وخداماتها غاثين حمولتهاااا اكيد اعيالهااا مالهم ذاك الغاله بس ابتلشووو حسبياللله عليهاااا الرفله
صراحه شيء يقهر ويحز بالصدر بس مدام زوجي عازني ورازني عندهم هذا اهم شيء وانا اكتشفت شيء ان اللي ماتحترم عيالها ودايم تهاوشهم مستحيل احد يحترمهم
اكيد شي يقهر بس اهم شي اني مااخلي ها الشي ياثر على عيالي لان الاطفال حساسين حييييل وماينسون مثل هالمواقف
بالنسبة لي عيااالي محبوين جدا من حمولتي وخاااصة خااالتي . . . يعني لما أروح لأهلي تبجي خااالتي تبي عيااالي وماتصبر عنهم . . . المعاااملة الحسنة مع الحمولة وخصوصا الخالة وعيااالها يحببهم فيج وبعيااالج . . . وبالنسبة للعقاااب إذا واحد من اطفااالي طول لسااانه على إللي أكبر منه يكفي الزجر وكلمة عيب ماما مايصير مو لازم طراااقااات وفناااقر علشان التأديب . . . شااااكرة لج هالمووووضوع أختي
ما تحب عيالي وايد تحب عيال بناتها أكثر من عيال أولادها........... بس محط في خاطري لأني في بيت هلي يحبونهم وااااااااااااايد ..........والحب من الله ....و أنا قد ما أقدر ما أشل في قلبي عليها .........بالعكس
مو مهم يحبون منو اكثر المهم اني انا اغرق عيالي حب واشبعهم فمعاد يهمهم حب الباقي لانهم مكتفين وطبعا مهما الام قست .. قسوته دوم من محبة عيالها وخوفها عليهم من الخطر ............................ لاتصيرين حساسه من هالجانب هم اكيد يحبونهم بس يفضلون احد على احد خاااالتي تحب ولدي البكر اكثر شي وعيالي وعيال حمواني الباقين ............. غلاهم عادي والمحبه من الله والله يهدي المسلمين
أنا معا كلام ام يوسف كفايه حب الام والاب وعلمي اعيالج جذيه لان الجده الله يهداها مرات تفرق حيل بلمعامله الاحفاد واللي يجرح لما الموقف يكون قدامج مثل الترحيب الزايد لناس عن ناس او تطق واحد عشان حفيدها الغالي من دون لا تكون عارفه شنو صار بينهم اييييييييييييه فتحتي جرح قديم ومستمر من 10 سنين لدرجة الحين بنتي كبرت وهي قامت تلاحظ بنفسها بس دايم اقولها عيب هذي جدتج والله ياجرنا
بصراحه فعلا موضوع حساس بالذات اذا كنتي تحبين حمولتج بس هم ما يبادلونج نفس الشعور لان عندج في البيت سوسه تحرش وراج وطبعا هذا ياثر حتى على حبهم لعيالج بس مو مهم حبهم اهم شي انا اغمرهم بحبي والله يخلي لهم ابوهم ويغنيهم عن الدنيا كلها
الحمد لله حمولتي يحبون عيالي..وحمواني المتزوجين هم اللي يغارووون من محبتهم لنا...تصير شوية غيره وتفرقه اذا اجتمعوا انا اتحاشاهم وقتها واسكر على عيالي منعا للمشاكل...ومنعا من نار الغيره......
انا احس مرات بخالتي انها تفرق بالمعامله يعني تغلي بنت حماي اكثر من ولدي يمكن لانها اول حفيده بالعايله وبنت ولدها الكبير بس من كلامها دايما انه غلاتهم وحده بس في مواقف مرات تبين العكس فمادري مو مهم المهم ان انا وابوه نعطيه الحب وكافي انه خواله مدلعينه ويموتون عليه حبيبي الله يخليه لنا يارب
اول شي الله يعينكم على البدل وتكشيخهم كل حزه والميزانيه رايحه على ملابس الاطفال 00000وثانى شي انا مع اختى اللى تقول اهم شي انى اشبعهم حب وحنان 00 وهم حلو اخلى الناس تشتاق لاطفالى مو كل شي تحت واحرص حزه االظهر ما يلعبون تحت ويزعجون الناس 00
مو مهم احد يحب عيالي المهم انا احبهم و ربيهم عدل شوفي انا حماتي تموت غيرة من بناتي لا واذا جينا لحمولتي يوم الجمعة لازم سوي مشكلة بس مو معانا وتقول ان صارت حزازات من عيالي وعيال ختاها الان عيال ختاها ما يحبون عيالها واذا شافو عيالي مايكلمون عيالها بعد عيالها ثقلين طينة لا وتزعل هي وختاها بس مايهمني صدقين مرة طقت بنتاها جان تقولي طقي بنتج ليش مادري والله لحب عيالي وعزهم ورزهم
