أبي أعترف وساعدوني شلون أعدل أغلاطي أول شي أنا وحده توني متخرجه من الثانوية لكن سويت بلاوي أكلت فلوس حرام و شهادتي ماخذتها بغش وأشرب زقاير ,دخان من ورا أهلي و أطلع مع شباب و عندي موبايلات بالسر ومسوية وشم لكن مو بالكويت لكن أنا مو بروحي معاي أصدقاء السوء اللي وصلوني لهدرجه و أنا ترى ما أعرف شي اسمه صلاه أنا أصغر وحده بالبيت و خواني و خواتي كلهم متزوجين و خواني خارج الكويت بنات للأمانة أنا ياما دزيت فايروسات و بلاوي بس خلاص تعبت أبي أتوب علموني أنا قاعده بطريق الهلاك أنا أمام أهلي شي ومن وراهم شي ثاني لكن بدون تجريح و أنا ندمانة قد شعر راسي حتى الموبايلات رميتهم بال**اله بنات أنا حلمت بالرسول زعلان علي وشكثر أحلم اني قاعده أتعذب بجهنم بس والله تعبت بنات أنا لو مابي أتوب كان ما كتبت بهالمنتدى المحترم بس والله أبي أتوب وتبون تضحكون بعد أنا من أوائل الثانوية و أهلي وثاقين فيني للحين ما يدرون صدقوني أنا بنت من عايله محترمه أهلي لو يدرون كان قصوا راسي * وفوق هذا ظلمت مدرسات و تعاملت بالرشوة كذا مره وفوق هذا أنا فككت أسره بكاملها أبي أعتذر وأرد الأسره اللي خربتها و صاروا مشتتين بسبتي أنا ميته من البجي على كل شي سويته بليز الردود بدون تجريح أدري اني غلطانة
ياقلبي دام عرفتي بغلطتك توبي باب التوبه مفتوح واتركي كل صديقات السوء وسوي كل شي يرضي ربك وتذكري ان الله أشد فرحا بتوبة عبده حين يتوب إليه حبيبتي ماتعرفين تصلين ؟ او تقصدين تتجاهلين الصلاه؟ توضي وقومي صلي ركعتين توبه صادقه وزوري بيت الله اعتمري والاسره اللي فككتيها حاولي تردينها مثل قبل ادعيلهم وبطريقتك يمديك تردينهم عسى الله يجمعهم واي شي تبينه انا حاضره قلبي الله يهديك يارب ويصلح حالك
ليش سويتي جذي ؟ بعدين إذا انتي بالكويت ما أتوقع ما تعرفين تصلين!! لكن الله يهديج و يثبتج والأسره اللي فرقتيها حاولي تردينها
الله يريح بالج شي طيب احساسج بالذنب حبيبتي انتي صغيره ابتعدي بتدريج عن رفقا السوا وخليج مع أسرتك اندمجي معاهم بروحاتهم وجياتهم قبل كل شي ارجعي لربج وصدقيني وعن تجربه توضي وافرشي سجادتج وصلي وادعي ربج وراح ترتاحين واذا ماتعرفين الصلاه دشي قوقل وكتبي كيفية الصلاة واذا تبين انا اعلمج وارد وقول ربي يثبتك
الله يعينج ويهديج يارب شوفي حبيبتي محد راح ينفعج ويفيدج لان انتي اللي لازم تتوجهين لربج وتتوبين من قلبج حاولي انج تغيرين من روتينج والبنات اللي تماشينهم خصصي وقت الصبح او المغرب اللي يناسبج تقرين فيه القران عالاقل صفحتين دشي دور القران وختمي القران او حظري ندواتهم وبتشوفين البنات اللي هناك ماشاءالله عليهم ربي يتمم عليهم غير عن كل البنات كافي صحبتهم صج صج تغير من تفكيرج ونفسج وقبل لاتنامين ادعي ان الله يتقبل توبتج ويثبتج على هالطريج وان شاءالله يارب يوفقج ويهديج
هلا اختي . . . لما كنتي تسوين الامور الغلط كنتي عارفة انها غلط والدليل احلامج ونفسج الامارة بالخير تنبهج هالشي زين توبي وخلاص اللي فات فات لا تذكرينه مرة ثانية ولا تردين له لانج تبين توبة نصوحة ولا رجعة للسوء . . . الاهم الان الاسرة اللي شتتيها رديهم لبعض تحملي إثم اللي سويته واجهي الاسرة واهلج وقولي لهم اي انا تسببت في هالشي لهم وعواقب التوبة تحمليها وباب السوء سكريه خلاص وانطلقي لحياة امنة ومطمئنة صلاتج واستغفارج حافظي عليهم ابليس بيقولج لا ردي سقارة ردي طلعة مع فلان وسالفة مع علان سكري الباب واطرديه من تفكيرج وتذكري انج تبتي لوجه الله ومن ترك شيئا لله عوضه الله بخير منه . . . وربي يثبتج يارب ويغفر لج
لا حول ولا قوة الا بالله أتقي الله ياأختي مو زين تقولين بنتحر حرام انتي بجذيه تخربين اللي تبي توصلي له اللي هي التوبة ترى الله غفور رحيم وتذكري قول النبي عليه افضل الصلاة والسلام التائب من الذنب كمن لا ذنب له" كثري من الاستغفار وزوري البيت الحرام والله راح تحسين براااحة والاسرة اللي تشتت حاولي ترجعيهم وتعترفي انج غلطتي معاهم عسى الله يهديج ويريحج ويثبتج
اختي الغاليه الحمدلله انج حسيتي قبل ما يفووت الاواان عليج بالصلاوااة الخمس وبعدين عليج بقرااأة سورة البقرة كل يووم وبعدين قيمي الليل ياااختي الغاليه واذاا تبين اعلمج بالتفصيل قوليلي ارسلج على الخاااص واذا تبين اي شي قوليلي واعتبريني اختج موفقة حيااتي
الله يهديك حبيبتي ربنا اسمو الغفار الرحيم اللهم انت ربي لا اله الا انت خلقتني وانا عبدك وانا على عهدك ووعدك ما استطعت اعود بك من شر ما صنعت أبوء لك بنعمتك علي وابوء بدنبي فاغفر لي فانه لا يغفر الدنوب الا انت
لاحول الله ماتوصل انتحار دام نويتي التوبه ربي يغفر وبابه مفتوح لتائبين وماتدرين شلون فرحت الله سبحان في التائب من ياتيني بشبر اتيه بذراع بما معنى الحديث تعوذي من ابليس بنات غيرج بالثانويه سوو **ايب وربي خليها ستاير انتي ولا شي عندهم
استغفري 100 مره اول ما تنشين و قبل لا ترقدين " عسب تنغفر ذنوبج " و حاولي يوميا تقرين سورة " يوسف " و اقري الاذكار و شغلي قران قبل لا ترقدين و اهم شي انج اتوبين توبه صادقه
اولا اختي حلمك بالرسول عليه الصلاة والسلام ربي يحبك ويعطي فيكي فرصة للتوبة ومازال مافات الاوان وبعدين حاولي الاصلاح اذا في الامكان وردي الاسرة لبعضها وربنا اكثر فرحا بعودت عبده إليه وشروط التوبة& الاقلاع عن الذنب &الندم &عازم علي عدم العودة وتفضلى اذا احتجتى اي شئ تلقينا خواتك
لا حول و لا قوه الا بالله يا حبيبتي فكره الانتحار شيليها من بالج اللي تبغي تتوب ما تفكر في الانتحار . شوفي يا قلبي استغفري و صلي و اقري قرءان و تصدقي والله غفور رحيم يغفر كل شي غير الشرك بالله . قومي الحين و توضي و صلي ركعتين والله يثبت ان شاء الله
