السلام وعليكم ورحمة الله وبركاتة شخباركم خواتى ممكن تساعدونى بمشكلتى انا عمرى18سنة متزوجة لى شهر وربى دخلت عالم الزواج بالغلط ما افهم شى وكلمايطلب منى زوجى اى حاجة استحى وماعندى فكره اصلا عن الزواج وما عندى احد اسالة اهلى بسعودية وانا مع زوجى بالخارج عندو دوره سالت زوجى كم راح نجلس فى هذا الدولة قال مايقارب السنه والله راح أموت ايش اسوى الحمد لله عندى النت يمكن الاقى الى يحل مشكلتى جامعنى زوجى مره وحده وكل ماينادى اخر الليل اتهرب استحى طلب منى استحم ويايه ما ادرى ايش اسوى وما البس قمصان نوم ابى الحل كيف البى طلاباته
ولله انتي نفسي انا متزوجه وعمري 18 ومااعرف شي متغربه اهلي سعوديه وانا بلكويت بس عشت اقمت اسال زوجي وتعلم عليه عرفت امور الزواج من جلست صراحه مع زوجي والحين للي ثلاث سنوات معاها انتي حاولي تقولينه الي في قلبج انك صغيره وانك ماتعرفين شي اذا اهو يحبك راح يساعدك صدقيني
هلا اختي ربي يبارك لج في حياتج الزوجية الجديدة الانترنت عالم واسع ابحثي فيه عن اللي تبينه والامور سهالة يعني خلج على طبيعتج مع زوجج انتي سكن له وهو سكن لج وله عليج حقوق يعني ليش تتهربين منه هذا زوجج ومتزوجج بالحلال ولما يطلبج للفراش لازم تكونين مستعدة مو تجينه بدشداشة البيت !! ومع الايام بيزول الحياااء بفعل العشرة لاتشيلين هم الحيااا والمستحااا قولي لزوجج إنج تستحين منه ولازم يصبر عليج ويجرأج شوي شوي واتمنى أكون افدتج
حبيبتي صاااااااااااااااااااااااااارحيه اهم شي وهووووووووو مارررررررررررررررااااح يبخل بالعكس يستانس عن تجرباااااااااااااااااااا
موفقة يارب ماقصرو الاخوات نعم البسي وتمتعي لاتستحين منه كثير البسي قمصان اذا جاء الليل اكشخي له من غر مايطلب منك البسي ملابس اغراء له وسبحيه وراح تحسين بوناسه معه اكثر موفقة يارب
بصراحة .... وبدون زعل ... اللي عرفت كيف تدخل المنتديات عن طريق النت .. ما في شي يصعب عليها انها تعرفه . ( مجرد راي )
حبيبتي الله سبحانه وتعالى قال في كتابه العزيز ازواجا لتسكنوا اليها وما يحل مشكلتج الا زوجج هو سكن لج الجئي له وراح يستانس وايد حاولي تصارحيه ولا تخبين عليه شي من اللي في قلبج وصدقيني مع الأيام ما راح تحسين بهالاحساس وكل شي بيصير سهالة انشالله
عزيزتي : هذه فرصتك لتجعليه ملكك طول العمر انشاء الله حاولي بطرق غير مباشرة ان تعرفي ماذا يحب وماذا يكره وفاجئيه دائما بأمور تجعله ينبهر بها فالأنترنت يجعل التعلم على المرأة اسهل وهي في منزلها تواصلي مع المواقع الخليجية المتخصصة في الأمور الزوجية واتركي الخجل خلفك فسوف تتعلمين بعد فترة أن ماتخجلين أن تقدميه لزوجك هناك من ستمنحه اياه بكل سهولة فكما قلت لك هذه فرصتك ليتعلق بك
