هل تايدون او ترفضون اتمنى اتساعدوني مثلا اخوج قال يبي يتزوج وحده ابوه صايع ضايع حرامي يشرب خمر يعني رايح فيه واحن من عائله محترمه البنت مانعرفه بس شكله محترمه هدا اظاهر المشكله في ابوه انا من رايي ارفض بشده الي اعرفه العرق دساس احتمال يصيرون العيال على جدهم وتصير سمعتن في الارض هدا البنت تقدموا له 3مرات بس لمن اعرفو ابوه اتركوه وهي اسمه صابرين وهو يبيه حيال حاولن معه بس ماكو ماندري شنو انسوي علموني ابي حل لمن ننصائح يعصب ولايحترم امه لاكبير ولا صغير يعني ارجال تغير واحد ثاني احن مستغربين من طريقته حتى لدرجت ان نشك مسوين له عمل يعني سحر ابي حل ارجوكم
فديتج عادي اذا البنت ما فيها شيئ انا ولد عمتي خذا وحده ابوها الله يستر عليه بس اخوها واماها وختها مدينين ومحترمين وينحبون والحين الحمدالله ولد عمتي مرتاح معاها وهي ماشاءالله عليها ادب واخلاق وجمال
مشكورين حبايبي بس للحين مو قادر اتقبله ملج عليه واحن ماندرري ولي اعرفه العرق دساس انا خايفه على المستقبل ابي معلومات اكثر يعني ابي حل وينكم بنات ساعدوني
اصابعج مو سوى حياتي الحين تلاقين اخوان وهم اخوان في بيت واحد ومن بطن وحده غير عن تصرفات بعض واذا انت حيل خايفه انصحج تكثرين استخاره ربج بيخيرج افضل مننا ..
صباح الورد... لاتضايقين نفسج اكثر من جذيه واخذيها مني نصيحه الحين اخوج ملج عليها يعني مرته ولا رد لكم الشور صح او لا بس قال ابي اتزوج فلانه وسوى الي يبي حبيبتي والله اعرف بنات واجد ابوهم لا بعد امهم الله يستر عليهم والبنات مافيهم الا العافيه وتزوجوا وبعدين يمكن البنت زينه وموذنبها انه ابوها جذيه موبيدنا نختار الا ب او الام صح ياام عبدالله انتي دقي على اخوج وباركي له ولاتخلين فرحته مكسوره حرام واكسبي اخوج ولاتخسرينه واذا موزينه ولا له نصيب معها بيطلقها والوقت كفيل بهذا .... وعلى قولج العرق دساس لا ياحبيبتي اعذريني ياكثر ماشفت العيال من احسن مايكون واهلهم اعوذ بالله والعكس بعد... اكسبي اخوج وفرحيه لاتخلينه جدام البنت واهلها صغير قوي اخوج بوقفتج معه... وبالعكس الحين المفروض تقربين منه عشان ماتسيطر عليه فهمتي ولو صار بينهم سالفه يجي يقولج يشتكي لج فهمتي لاتخسرين اخوج لا تركبه المرا فهمتي وربي بتدمين لو مابركتي له بتحترين على اخوج .... وهذا رايي ومجرد راي وانتي شوفي الي يريحك
أنا بعد شفت ناس بناتهم وعيالهم من احسن ما يكونون بس الأبو الله يستر عليه ...ما ناخذ الأبو مقايس حرام ويندرج تحت لائحة الظلم فلا تكونونين ظالمه .....ةتحكمين على البنت شو ذنبها إذا أبوها طلع جذي حطي نفسج مكانها وتخيلي شو بيكون شعورج ....الله يسعد أخوج وياها
حبيبتي اذااااا الاخوان اللي يطلعون من بطن واحد مو مثل بعض سبحان الله واحد صالح و واحد فاسد مااا يصير تحكمين على البنت من ابوها حراااااااااام هذا ظلم ........... يمكن البنت طيبه وفيها خير ودااام اخووج يبيه خلاص الله يوفقه معاااهااااا
ياقلبي دام البنت زينه وطيبه وخلوقه شنو ذنبها اصابعك موب سوا ياقلبي خلاص باركي لاخوك وافرحيله الله يوفقهم ويهنيهم ويسعدهم يارب واللي الله كاتبه راح يصييييييييير
يا عمري يام عبد الله و الله اني حاسه فيج بس بعد كلام البنات الي قبلي ما عندي شي اقوله اهو ملج و خلاص و انتهى الامر الباقي انج تدعين لهم و اذا اهي مو زينه بيبين كل شي بعدين بس كثري استخارة و قولي اذا هالبنت فيها خير له الله يسر زواجهم و اذا فيها شر يارب ابعدها عنه و الله يهدي اخوج و اخواننا و الله الي عندج عندنا
مو شرط اذا الاهل مو زينين معناته ان البنت لازم تطلع مو زينه اذا الاب مو زين البنت شنو ذنبها بعدين اذا اخوج يبيها خلوه يتزوجها لا تمنعونه هو اللي راح يتزوجها مو انتو خلو الولد يختار البنت اللي تعجبه لان اذا غصبتوه على بنت هو ما يبيها راح تظلمونه هو والبنت واذا لا سمح الله صارت بينهم مشاكل و تطلقوا انتو راح تكونون السبب لانكم جبرتوه على وحده ما يبيها دام هو اللي يبي يتزوج خلوه يتزوج اللي يبيها ولا تغصبونه على شي هو ما يبيه ولا تقولين اشك انهم مسويله عمل لا تظلمين الناس وانتي ما تدرين عنهم راح تحاسبين على كل شي تقولينه و تكتبينه واذا كل واحد يبي يتزوج وحده ويبيها معناته انها ساحرته؟ دام جذي معناته كل الحريم يسوون سحر وانتي اذا متزوجه لما زوجج كان يبيج هم سويتيله سحر؟ خلوا الولد على راحته ولا تظلمون الناس دام هو اللي يبي لا تعورون راسكم خلوه يتزوج
