السلام عليكم حبايب قلبي اقل شي ابي منكم دعاء وانشالله يستجاب والله عن جد احس بموت انا صغيره واخذت الي مايخاف من ربه كنت احاول اجمله قد مااقدر بس مو نافع شقولكم وين ابدي خلوني اقولكم عن المشكله الي صارت قبل شوي مع اني مو متعوده اتكلم عن مشاكلي الزوجيه ابدا صارلي سنه والله ماسولفت عن شي لا بالزين ولابشين بس ماقدرت ابي اسولف خصوصا انه الناس ملت من مشاكلي سواء اهله او اهلي تخيلوا احس اني عدوه له مو زوجه مايحب يفرحني والله ماعمره فرحني بشي وكله يخش عني اول ماهمني الفلوس كنت دوم اجكه يخون يعني بالاسبوع اجكه 3 4 مرات شوي عليه واعاتبه ونتهاوش وتوصل السوالف للكل بس الحين زهقت منه زهقت قلت ربي فوقه بس انه يحرمني من الطلعه والوناسه لا لا لا اهني وربي قهر اروح زواره الخميس عند اهلي الكل يسولف عن الطلعات الي تصيرلهم بالاسبوع الا انا 24 ساعه مقابله الطوف واذا فتحت معاه الموضوع يقولي ماعندي فلوس لو عندي اطلعج ومااعرف ايش واهو يطلع مع ربعه كل مكان مايخلي شي بنفسه منساع بطلت بوكه والله يابنات شفت فلوس مااشوفها عند اغنى شخص من كثرهم ماقدرت اعدهم قلت له في فلوس بوكك ليش ماتطلعني مو انت تقول ماعندك وفضحني انا مو عدوج عشان اخش عليج انتي وانتي وحط عيوب الدنيا فيني وطبعا نفس كل مره من القهر ابجي ويضيع حقي وبالاخير اهو الي مرتاح الحين افكر انتقم منه ودي اشوفه بأردى حالته وللعلم قبلها فاتحته بموضوع الوضيفه مارضى قال الي تبينه موجوده عندج اااااااخ واذا رحت رفيجاتي عصب وقال هذه اخر طلعه لج ياترى ليش يحقد علي ليش والله لاعت جبدي بنات انا عمري 21 يعني ماابي ادفن نفسي ابي اعيش ابي استانس قولولي شسوي ؟؟؟
علا اختي . . . هدي الامور يبيلها صبر وتكتيك اغلب الازواج ما يعرفون ولا يحبون يطلعون مع زوجاتهم ينحرجون مو متعودين ما يعرفون وين يروحون ما يستانسون يعني انتي اصبري شوي شوي قوليله ودني الجمعية - خل نروح نتعشى بره بيرفض بيعصب لكن هدي كلهم جذي بأول الزواج دم ضروسهم تقولين لهم خل نطلع والا ودني والا اشتريلي والا والا لغاية ما يتعودون . . . الان استخدمي ابسط سلاح البجي قوليله انا يضيق خلقي ابي اطلع لو بس نقعد ع البحر وداخل السيارة . . . وشوفي ردة فعله يعني ماكو مخاسير ماله عذر
هلا ام عبدالله الله يسعد مساج يالطيبه والله صارلي سنه عالحال حتى لما حملت ماقدر يعني كان يضيق خلقي اكثر والله يطلعني ويدخلني بصراخ ليش انا حظي جذي استغفر الله والله مو ناقصني اي شي والكمال لرب العالمين يعني جماعتهم لمن شافوني بالعرس والله انهبلوا علي وحتى شخصيتي حيل حلوه اقدر املك الشخص يعني ملكت اهله وصاروا يموتون فيني الا اهو مو عارفه له باب بس خل يرجع بعد شوي بطلب منه الطلاق مااقدر اقعد مع شخص شبه كرهته
الله يعينج حبيبتي حاولي معاه وشوفي الشغلات اللي يحبها سوويها ولاتفكرين بالطلاق انتي صغيرةوحامل حرام تطلقين.....حاولي وادعي ربج ولا تيأسين
تسلمين تولي للعلم انا عندي ولد مو حامل صار عمره 5 شهور اللله يخليه لي بس يابنات ادعولي ادعولي والله تعبانه
هلا حبيبتي لا تفكرين جذي والله اغلبنا مثلج ما تسنع حالهم الا بعد سنين انا عندج ريلي مو من النوع اللي يحب الطلعات بيتوتي حده ويقول المرة اذا عندها شي مهم تطلع واذا لا تقعد في بيتها واذا طلعت وياه اول زواجنا بس يبي يردني البيت كانه شايلني ع ظهره !! والا اذا طلعت مع حماتي كل شوي متصل تعالي تاخرتي يعني لا من طلعه وياه ولا من طلعه مع حماتي لكن الان تغير وللاحسن هالامر ما صار بين سنة وسنتين وثلاث لا سنين طولي بالج بس وشيلي فكرة الطلاق انتي تستخدمينها كورقة ضغط عليه لكن الشيطان شاطر يدش بينكم ترى
الله يكووون بعونج يااارب ويسخر زوجج لج انا توني دخلت مشوااار الزواج فما اقدر انصحج بامووور انا ما اعرفها بس خواتي ماقصرن والله موجود دايم ادعيه وربي يكون بالعووون
الله يعين قلبج الحلو ياصغيره على هالمشاكل......... شوفي البنات قالوا كلام عدل وحلو بس....ماينفع مع شباب هالوقت انتي تقولين باخر كل مشكله ابجي...طيب ليش تبجين؟ شوفي في مثل يقول ((الريل يبيج قويه والاهل يبونج غنيه))مافي ريال يحب مرته تبجي كل حزه ولاتتطلب اي شي قبل لاتقولين شسوي مع ريلي انا اقولج شتسوين مع نفسج...ان الله لايغير مابقوم حتى يغيروا مابانفسهم تغيري قبل لاتطلبين منه يتغير سالفه المغازل وانج صايدته جم مره انا ما اقولج عادي بس هذا نظام عيال هالوقت وصدقيني راج يجيله يوم يمل وتطق جبده ويرجع للورده اللي بالبيت تنطره من اليوم قعدي مع نفسج وفكري عدل وصارحي روحج...شنو اللي تعودتي تسوينه كل هالسنه له؟وشنو كانت ردة فعلج على تصرفاته؟ غيري ...غيري كلللللل شي شكلج ....لبسج....طريقة كلامج.....طلباتج....طريقة كلامج معاه....اكثري من الدعاء له والاستغفار... لاتيبين طاري الطلعات اذا كان عندج ولاتقارنينه بغيره ولاتقولين فلانه طلعت وشافت وانت ماتطلعني اذا بغى يطلع من الباب ناديه بالاسم اللي يحبه ..دلعيه وقولي له تامر على شي ولو من ورى قلبج ماعلي تعبي بالاول وبتجنين بالتالي راح يتغير ...اضمن لج تغيره بس يبيله صبر ربي يكون بالعون...ربس يسخره لج ويهديه ويهون ويمسح على قلبج الطيب
المزاين يابعد قلبي انتي والله كلامج عالعين والراس بس وربي كرهته ماعرف اجامله طقت روحي تدرين الحين ماصدق قاعد تحت بالديوانيه وطاليحله مغازل مرتاح الاخ عسى ربي يريحني منه وتسلمين عالمرور غاليتي
افا يانونه يالغاليه هذا كلام في مثل يقول من عنده ولد منهم ما استغنى عنهم وانتي عندج ضنى منه يعني لاتغامرين او بالاصح تستهترين وتفكرين انه ربي ياخذه او تطلقين منه لانه بتظلمين نفسج وبتظلمين هالياهل معاج انتي لانج منقهره منه تقولين هالكلام بس لو يتعدل ويتسنع بتغيرين رايج علشان هالياهل اللي بينكم حاولي معاه وجبري نفسج عليه والله راح يتغيرصدقيني ربي معاج
