ليش اكثر الزوجات .. تكون تكلم غير زوجها او ترتبط مع شخص ثاني واهيا متزوجه ؟ يعني بسبب زوجها مقصر معاهااا بشي.! او يعني ما يعطيها الشي اللي تبيه ..! تحياتي لكم
صباح الخير سؤالج عصبني شوي انا شفت بحياتي زوجات جذيه يعني بذمة زوجها وعايشه معه وتكلم غيره وطبعا هالشي اسمه خيانه وصدقيني مهما كانت ظروفها حتى لوقاسي ولاتحبه ومقصر معها بكل شي ماتسوي هالشي لانه قبل كل شي المفروض تحترم نفسها وتعتبر نفسها وجسمها غالي عليها وتحاول تحل مشاكلها مع زوجها وتكلمه بدل المره الف مره ولاتسوي هالشي وتكلم غير زوجها واذا مافاد في كل الحلول تطلب الطلاق وتحاول تبدي حياتها مع غيره عشان صدقيني الي تكلمه واهو يدري انها متزوجه اول شي بيفكر فيه تدرين شنو انها تبي جنس بس وهذي نظرة كل شخص يكلم وحده على ذمة رجال وعايشه في بيته واسفه طولت بس صج هالموضوع حيل يضايقني الخيانه مالها مبرر بالحياة الزوجية ولا لها غفران بالنسبة لي
صح لسانج اصيله بس ابي اضيف شي على كلامج المراه المتزوجه نلتمس العذر لها انا ما ابرر خيانتها بس نلتمس العذر لها لان الريال لو اهمل زوجته بالبيت تحس الزوجه بانها عايشه بجحيم اهمال ولا مبالة من ناحية الريال لا تكفيه الكلامات او التعبيرات وطبعا احساس المراه او الزوجه لاهمال زوجها لها راح يكون له رد فعال عكسي (( ورغم ذلك لا التمس لها الغفران بالخيانه )) بس الاكثرية من النساء المتزوجات يحسون بحالة نقص حالة فسيولوجية تبي تعوض تبي تحس انها انثى وهالاحساس طبعا مو موجود ببيتها واتمنى ان اكون وصلتلج وجهة نظرى وليس اعتراض على كلامج ( ولا مبررات للخيانة )
والله دايما اسال نفسي هالسؤال ليش المره تخون ريلها وتكون علاقات مع غيره اعتقد نفس كلام خواتي لمن مايعطيها حقها المادي او المعنوي وحتى الشرعي تطلع بره تدور اللي ناقصها بشخص ثاني وهذا اشوفه يزيد الطين بله فوق ما اهيا مسويه جريمه وخاينه ريلها ممكن حتى اللي لجات له ما يسد النقص اللي فيها وتضيييع ... مشكووره حبيبتي
موضوعج حلو قولي ليش لان همن انا شفت بنيه جذي وقلت لها ليش جذي وانتي زووجج على اساس مو مقصر معاج والحمدلله الله رازقج بولد والحمدلله قالت لا اهو يخون انا اخون مو الله قال اصبر ف حاولي معاه ادعي ربج يهديه وكلميه بينج وبينه بس للاسف اهي طاف وغيرت الموضوع وقلت لها الله يهديج بس ومن يومها وهي منفسه معاي جني سبيتها وعلى راحتها
والله اللي تخوون زوجها وتكلم غيره هذي وحده مريـــــــــــــــــــــــــضه نفسياااا ولا يجووز نلتمس لها العذر لانها مال حرق بصرااحه لان البنت اللي مومتزوجه نلتمس لها العذر لانها مراهقه وتبي تجرب وماعندها وازع ديني ولا اخلااق تربة عليها اما المتزوجه حتى بالاسلااام الزاني المحصن ان كان انثى والا ذكر يرجم حتى الموووووووووووووووووووووووووووت هذ1ا دليل ان فعلتهم شنيعه ومالها حل مهما كان زوجها معاها سيء المفروووض تحمد ربها ان الله رزقها برجال وانها بعااافيه وانه منعم عليها كثير من النعم مو تجازي نعمة الله بعصيااااااان وزنى والعيااااذ بالله وعلى فكره اللي تكلم بس كلااام يعتبر زنت بلسانها وهذا نوع من انوااع الزنى يعني مو بس الجنس يعتبر زناا للزنا انوااااااع .. والله تقهرني هالمواضيع .. واللي يقهر زيااده اللي تقول زوجي يخون انا اخوون واذا هو واطي وغضب ربه ليش اصير اوطى منه واغضب ربي على شي مايسوى وغير هذا انزل رااس اخواني اللي كنت رافعته وانا بنت وراااس عياالي واحطم مستقبلهم واذا عندي بنات هم خلاااص محد راح يتزوجهم لان سمعة البنت من سمعة امهاااااااااااا مو ابوهاا انا اعتبر الشخص الخاين شخص واطي وغير محترم ومرييييييييييض ومااحب اوصل لمواصيله احب اترفع عنه واصوون نفسي واعف نفسي .. مااقول الا >> الحمدلله الذي عفانا مما ابتلااهم وفضلنا عن كثير من خلقه تفضيلا الحمدلله الحمدلله الحمدلله << لان هذي يبلوووه والواحد يخاف على نفسه وعلى عيااله ..
انسانه واطيه لا ذمه ولا دين--- واهيه الشيطان لانها افتحت الباب لللشيطان الاكبر مهما الزوج اهملها او خانها لا تسمح باهانة نفسها وكرامتهاودينها واهلها واولادها الحل تصبر وتفرش سجادتها وتطلب العون من ربها وهو يتكفل بها وشنو هذى التفاهات انتقم منه والي تقول مادري شنو صج موضوع ينرفز لا حول ولا قوه الا بالله الله يستر علينا
والله كل الكلام اللى قالوه البنات صح بس اتوقع اللي تكلم وهي متزوجه حتى لو مهما صارت الضروف السيئه مع زوجها فهذا مرض بالزوجه نفسها وذا الله ستر عليج وانتي متزوجه بالزواج والريل شله تروح تكلم ريال ثاني اقول الله يهدي الجميع
وانا مع كلام اخواتي ومانلتمس العذر لاحد بس مو احنا اللي نقرر جزائها يابنات الله اللي يقرر والله يحب التوابين والتائبات لازم نوعي اكثر ونستخدم اسلوب الترغيب ولترهيب معا والله يهدي الكل وانا عن نفسي اعرف وحده طول زواجها ما خانت بس تدري عنه يخون ولا اهتمت بس تدرون شنو اللي هز كيانها درت انه يعشق بنت قبلها والبنت طلعت مو مالت خرابيط وتزوجت هههههههههههههههه وهذا اللي خلاه يخونها لاتها مو هي الللي فباله
صراحة انا شايفة حريم كبار بالثلاثينات ويخونون ازواجهم وبعضهم خيانة تامة موبس كلام بالتلفون وبعضهم حجي بالتلفون ولما سالت قالوا يبون فلوس مع ان ريلها مومقصر وبعضهم مدرسات مربيات اجيال مع الاسف ومعاشها قوي بس الطمع تبي الماركات والسفرات اللي تفوق طاقتها المادية مع الاسف بس الله يستر علينا والله يجيرنا من غضب الله عسى بس ما يخسف فينا الله بس ادعوا الله معاي انهم يرجعون لدينهم ويتركون عنهم السوالف الوسخة
تدروون انتي أعرف وحدة اتخوون زووجهاا و هوو مو مقصر وياها؟ اللهم عافنا يارب في حريم متعوديين عالمغازل قبل الزوااج و ما يقدرون يتركوون هالشي و هذا سبب ثاني بعد لهالظاهرة الشنيعة
يا أخواتي سواء متزوجة أو غير متزوجة هذا نقص في الدين والأخلاق وخيانة لنفسهم ولأولادهم وان لم تكن متزوجة فهي تخون آباها وأمها ، فأما المتزوجة أول شيء راح يصير أن الأنسان اللي تكلمه هو نفسه راح يوصفها بأنها مثل ما خانت زوجها بتخونه وبتخون غيره حتى وإن كان صادق معاها وتزوجها والله راح يجي يوم يقولها انتي خنتي زوجك معاي واكيد راح تخونيني مع غيري يعني عمره ما راح يوثق فيها، الحمدلله أن الله غفور رحيم ويقبل التوبة في أي وقت بالله لو في أخت تفعل أي شيء من هذا ترجع لربها التواب الرحيم وتستغفر وهو يحب التوابين ويفرح سبحانه بتوبة عبده
