مساء الخير جميعا ياصبايا ممكن ماتبخلون علي انا بنوتة سعودية اتفائل خير بأراء خواتي الكويتيات اهل السنع والذوووق بحتفل بنهاية الشهر بعيد زواجي الاول بصراحة ماني قادرة افكر بشي اللي توصلت لة اني بحتفل بشالية بس محتارررة كثير ابي افكار حلوة سواء بشكلي او ترتيب الشالية او حركات جديدة ومميزة بالهدية واللي ترد علي راح ادعي لها من كل قلبي
هلاااا والله بخواتنا السعوديات اول خطوه حلو انج بتحتفلين بشاليه بعدين نجي للزينه والترتيب ترسي الغرفه بالبالونات ولزقي بالطوفه بالونات الحجم الصغير لون احمر علا شكل قلب حب وسوي حرفج وحرفه بورقه وقصيهم علا حجم الحرف ولصقيهم داخل البالون وحطي شموع علا شكل قلب ونجمه لون احمر وسلفر ويكونون بصحون صغار يطلع شكلهم اذرب ووزعيهم حوالين السرير ونثري ورد علا السرير جوري وفي شغله بعد الوان باعواد لما تلفين العود تشب اضأءة وتقصينها بالمقص وتنثرينه عالطوف والسرير وبعدها طفي اليت وتشب روعه روعه بمعنه الكلمه بس ماادري اذا تحصلينهم عندكم ونجي البسج طبعن لبسي الستايل الي يحبه زوجج وحطي ميك اب خفيف وكلووس لامع ورفعي شعرج بطريقه غجريه وحطي اكتسوار ناعم علا جنب والهديه انتي شوفي شنو خااطره بشغله موعنده انتي اشتريها واتمني اني فدتج وسامحيني عالقصور واذا ذكرت شي راح ابلغج
مشكوووووووووووووووووووووووووووووووورة ياذوق اللة يسعدك ياقمر افكارك حلوة وبالنسبة للا عواد موجودة وحطيتها من قبل انا بشاورك بشغلة عندي فستان زواجي وش رأيك البسة والا اخلية السنوات الجاية احسن ونفس الشي قميص نوم اول ليلية بزواجي موجود
ربي يتمم عليج ويسعدج وتحتفلين مليون سنه بعد مو بس سنه يالغاليه انا عندي عاده سنويه لازم البس قميصي النوم مال يوم عرسي واقعد فيه لوقت اللي احط فيه العشى واقص الكيكه معاه واعطيه الهديه وبعدين اغير البس عاد شي يديد تبين الصج بعد استمراري بالطريقه هذي لاكثر من 15 سنه اكتشتف انه زوجي وايد عاجبته هالطريقه وماكان قايل لي وانا اللي كنت ابتديت امل منها ههههههه
مبروووك مقدما وعقبال الميه حلوووه فكرة تلبسين قميص اول زواجكم يحسج عروس انا احب فكرة شموع من الباب لما غرفة النوم احسها رومانسيه والاضاءه تكون خفيفه حطي نقش حنه على الصدر او الفخذ من فوق احم احم فوق الركبه بشبر مكان يفررررر الرجال فوق تحت يصير مايركز او قلب حب يم اذنج صوب الرقبه بعد يخليه يدعم طوف وحطي على الكيكه صورته يستانس بعد
سوري حبيبتي عالتاخير اي لبسي قميص اول ليله انا اتبع هالطريقه ويستانس يقول لما اشوفه اتذكر احلي ليله بعمرررري هههههههههههههههههههههههههههههه
اولا ياقلبي لاتقولين عيد مايجوز لان مالنا الا عيدين الاضحى والفطر قولي يوم زواجنا ثانيا الله يسعدك سوي كيك واطلبي ايس كريم وسلة فواكه واكشخي وووووووووغيري بشكلش بسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس خليش ناعمه احسن من الخبه
البنااات ماقصرووو كفوو ووفووو .. النقش ع الجسم حلووو عن جد والكيكه اللي على صووورته واهووو معرس هم بيستااانس عليهاااا وكل اللي جربووو الكيكه اللي على صووورت الزووووج اكدوو نفس ردة الفعل .. وحلوو قميص اول ليله وبعدهاا تغيرينه .. وربي يتمم عليج على خييييير ويخليكم لبعض ..
يا هلا وغلا بالسعوديه كلها والله وكل عام وانتى بألف خير حبيبتى والله الخوات ماقصروا .....................فوق هذا جيبي مفرش خام قطن واطبعى على وجه المخده صورتج وانتى عروس والمخدة الثانيه صورته وهو معرس وخلى حولها شوارفسكى ناعم واطراف المخدات دانتيل ابيض واطراف الشرشف هم دانتيل ابيض ويا تدخلين عليه لون الشوارفسكى يا الاحمر او الوردى شكله روعه والبسي بدلتج وخليه يلبس بشته وشغلى كامرة الفيديو وثبتيها على التواليت وشغلى شريط زفه وامشوا مع بعض والله روعه انا سويتها واستانس عليها حييل وبعدها طفى الكامره والبسي قميصج وروبج وعطرج اول ليله وتكونين مسويه كيكه على صورته معرس وتاكلونها بالعافيه مع العصير ولازم تكونين مهتمه بالمنطقه ونظافتها ادخلى موضوع الطرق حلو وراح يفيدج........وجيبي خامة مخمل أحمر وحطيها من باب الشقة الى سرير النوم وهذى ذكرتها بمواضيع ارد على البنات بس لازم تثبتينها بسيلكون عشان ما تتطايرون هههههههههه وعليج باللمعه الى تكتبين على جسمج كلمات واسهم عشان يدل الطريق هههههه متاهات وطفى اليت تشب اللمعه على جسمج بالكلام المكتوب...وموفقه يالغلا نتمنى نكون عند حسن ظنج
مشكووووووووووووووووووووووووووورين ياحلوات ماقصروتي عسى السعادة وراحة الباااال ماتفارقكم احرجتوني كل وحدة ردها احلى من الثانبة
