امبيييييييييييييييييييييييييييييه من صجج حملتي منه مرتين استغفر الله شنو هالجراة الله يستر علينا وبعدين حرام اسم عايلتج كشخة جبتيه للارض لاحول ولا قوة الا بالله بصراحة مع احترامي لج انتي مو حاطة احترام لا لنفسج ولا لاهلج الله يهديج بصراحة صعقت من كلامج وجراتج بافعالج المحرمة كلها لا تزعلين من ردي بس عنجد شي يرعب ويخوف ان الوحدة تحمل من رفيجها وكاننا قاعدين بمسلس مدبلج اللي يحملون بعدين يتزوجون وبعدين مو خايفة من ربج والله اللي غيرج يدور الحمل ويدور العيال وانتو ا تحملون علي كيفكم وتقطون علي كيفكم خااااااااااوفوا ربكم
اقول استغفري ربج اتخيلي ماكانج هو ماكان زوجته يعني جالس في البيت وزوجج يخونج مع وحده شنو رده فعلج حرام عليج والله حرام حتى ادا تزوجتي مارح تكونبن سعيده معه ا حتمال كبير يتعرفه على وحده مثل ماتعرف عليج فهمتي علي جلسي في البيت لمن يجي رزقج وانتي قالتي لااحد يجرحني بس قصتج اجبرتني على دالك الله يهديج
مرحبا بنصحج وبقولج شي ونتي فكري فيه ادري تحبينه ادري مريتي بوقات صعبه بحياتج وماكان احد بقربج ادري انج خايفه من الدنيا وتبين رفيق لج بدنيتج ايواسيج وهم ترتاحين معاه ادري ضروفج هي اللي حطتج بالموقف هذا ادري قاعده تقولين ليه انا بذات حضي جذي شنو الناس اللي مرتاحين احسن مني فيه بس كل هذا بصوب وقدرت ربج بصوب ممكن لانج انتي الاحسن ربي اختارلج هذي الظروف كله تدرين ليه عشان يحبج ربج ويبي ايخفف ذنوبج ربي يحب العبد اللي يخطي ثم يتوب انتي تقولين انج تحبينه وماتقدرين فرقاه انا بعطيج حل جربي انتي ادري ابتبجين ابتفقدينه اول شي بس مع الوقت راح يخف كل هذا وذا كان هو صحيح يبيج ونتي مريحته ولاقي عندج اللي مو لاقيه عند غيرج صدقيني بيردلج لان الرجال طبعه اناني ومايحب اللي نفسه وراح يحج ابعدج وفقدانج ويردلج بس يبيله وقت هم ايتحملون اكثر منها لان تركيبتهم وغير وبعد لانه متاكد انج ماراح اتحملين وبترديله مع الوقت عشان جذي راح يقول في نفسه خليني اصبر عنها وهي راح تردلي بس اذا زادت عليه المده وشافج انج خلاص هذا قرارج النهائي راح هو يردلج لا وبشروطج بس يبيله وقت وصبر منج شوفي هو اذا حس انج صاجه وخلاص متخذه قرارج وماغيره قرار راح يرسلج وراح يدق عليج وراح يقولج ميخالف عندي ضروف وستحملي اذا تحبيني بس دربالج اتنازلين ولو اشوي وخليج عند موقفج ممكن هم راح يبجي او يزعل ويعصب بس لاتنازلين ونتي اذا دق عليج او ارسلج لاتناقشينه كثير ولا اطنشينه خلي كلامج واحد انا احبك ومووت عليك بس ماعندي حل غير جذي وهم من وقت لي وقت اذا ارسلج ذكريه بحبك ووقاتكم الحلو عشان يحن لها ويشتاق اما المقابلات لا نهائي وتلفون قليل جذا بس انا ابيك وحبك بس لازم يكون رسمي مو سوالف ونقاشات وهذي نصيحتي لج وتمنى اني اسمع منج اخبار حلو طمنيني
هلا اختي . . . 33 سنة يعني تعرفين اللي سويتيه زنااااااااااااااا لو متي فانت زانية يا أختي نفسج تستحق احسن شي ونفسج لها حق عليج ولرب العالمين حق ربج حقه عليج انج توبين عن الزنا ونفسج حقها عليج انج تصونينها وتحفظينها وتبعدينها عن الحرام انتي تبين تستقرين ويكون لج اطفال وبيت وتكونين زوجة لك هالنذل قاعد يلعب فيج ويستغلج حبيبتي يحب = يتزوجج غير جذي مافي حب وحجته البايخة يعايروني الناس انه تزوج رفيجته ليش منو يدري عن علاقتكم الحرام ؟ يا أختي توبي توبي واخذيلج رقم خطابة ثقة وإذا ربج كاتب لج نصيب بتضبطج ويا رجل يصونج ويحفظج عن الحرام وعندي تساؤل لما حملتي وفرضا استمر حملج ولدتي في المستشفى شنو بتقولين لهم ؟ وين عقد الزواج ؟ الطفل من باسمه بيتسجل ؟ وإلا بتقطينه دار رعاية وإلا يم اقرب مسجد !! اصحي اصحي انتي مو صغيرة خل هالنذل وانتبهي لنفسج وسمعتج وسمعة ولدج في لمستقبل
بقول شغله قلبي ماطوعني سوي اختبار بسيط قول انه تقدم لج واح يبي يتزوجج وشوفي قدرج عنده مع اني متاكده انج مالج اي قدر مجرد وناسه له فقط لا غير والا الحب والدلع حق زوجته والا انتي متمصلح من وراج تصرفين عليه من لقاها جربي وشوفي
لاحول رلا قوة الا بالله امبييييييييه وين عقلج لهالدرجه من كثر ماتحبينه موقادره تستوعبين تصرفاتج حبيبتي واحد يقول انا مابتزوجج يعني حاطج تسلايه متى مامل منج خلاج يابنت الناس استغفري ربج اذا انت موحاطه هيبه لاهلج ياختي حطيها لربج شوفي كبر الذنب اللي سويتيه بنفسج زنيتي وقتلتي روحين مالهم ذنب استغفر الله يابنت دامج عايشه توبي عل الله يتقبل توبتج الدنيا فانيه وبالاخر في حساب وعقاب انا لله وانا اليه راجعون حبيبتي راجعي نفسج عدل ...
اكثري من الاستغفار وقراه القران والصلاه والصلاة في اخر الليل واسال الله ان يفرج كربك ويفتح على بصيرتك
سلام عيكم اصراحه اشك انج مطيريه المطران فيهم الزين والشين بس مو اغبياء انهم يحطون اسم عايلتهم ويتكلمون بهاذى الكلام حبيبتي روحي طبيب نفسي والمطران ارفع من الهل المستوى
سمعيني يا قلبي صدقيني والله العظيم اهو لعب معاج وشبع وما قدراج انتي مجرد لا تزعلين وناسه له انتي كم مره قلتيله ان يتزوجج صدقيني نظره الريال للمرا الي تنام معاه بالحرام ما تصلح زوجه لانه عمره ما يثق فيها وراح يشك حتى لو جبتيله اعيال انا اقولج خليه يولج الله يوفقه مع بنت عمه وانتي اصبري يمكن سبحان الله يجيلج واحد احسن منه لا تثقين باي رجل تلعبين معاه بالحرام لانه عمره الريال الخليجي ما تكون زوجته صديقته الي زنا معاها الريال الخليجي ذكي اذا اختار زوجه له يختارها تكون ام لعياله وثقه بينهم
استغفرالله ؤالله يهديج ان شاء الله ؤيكملج بعقلج يااااااااااااااااااااارب .. 33 سنه يعني بكامل قؤاج العقليه ؤفكري بعقلج مؤبقلبج .. استغفري الله حبيبتي ؤالله يستر عليج دنيآ ؤآخره .. اللهم امين يارب العالمين ..
لاحول ولاقوة الا بالله الله يهديج بس ويستر على بناتنا اللهم استر عوراتنا وامن روعاتنا..استغفري ربج حبيبتي توبي قبل فوات الاوان ترا الموت قاعد يفاجأ الناس وهم بفراشهم والا بين اهلهم قاعدين وهم مافيهم الا العافيه ماتخافين يباغتج الموت وانتي بعلاقه محرمه تفرغي لربج ووليدج وربيه احسن تربيه واذا الله كاتبلج نصيب مع شخص ثاني بتزوجين والا الشخص اللي ذكرتيه مااعتقد ومثل ماقالوا خواتي الرجل اللي عنده كرامه ماياخذ وحده تسلم له نفسها بسهوله ويخليها تربي اولاده وانشاءالله تبشرينا بالقريب العاجل انج خليتي هنذل ورجعتي لربج...امين يارب العالمين
مشكورين على هالردود الجارحة منها واللى تراعى احساسي وانا لو مااحس انى ضايعة مالجات لكم انا تركتة فترة ولحقنى وجرنى جدام الناس بالشارع ولا راعى اي شخص يقول انا احبج انا نفس ما انا عاجبج والا لا ؟؟ حاولت اتركة بس مافى فايدة ؟؟؟؟
مرحبا اختي كنت انتظر منج مسج اذا قريتي ردي لج بالاول ارد وقولج جربي مره ثانيه وصبري وتحملي والله ايوفقج ويسخره لج ويهدي الجميع
نصيحتي لك من قلب مشفق اتركي هالطريق اللي ماراح يوديك الا في التهلكه وراح يروح عمرك وتندمين على كل شي ضيعتيه بسبب انسان انا ني يحب نفسه وذاته فوق كل شي صدقيني هو المستفيد متزوج ومستقر ومخليك انتي بالهوى يفرغ فيك شهواته ونزواته ولا لو كان يحبك مارضى هالشي وش استفدتي في الخمس سنوات الماضيه زاد شي بحياتك ولا صرتي ملكه ولا مالكه هالكون صدقيني البدايه فقط هي الصعبه بعد ماتبعدين عنه وبعدها راح تنسين نصيحه احت استغفري ربك وتوبي وبيرزقك ربي الاحسن منه اللي يدللك ويخاف عليك ويحترمك ويفتخر انه متزوجك موهذا اللي مثل الشيطان يوم طحتي بحبه تبراء منك وقال مااقدر اتزوج وحده رفيجتي عذر اقبح من ذنب نصيحه اعزمي وتوكلي على الله وصلي لك ركعتين في جوف الليل وابكي في السجود لربك واحكي له كل اللي بخاطرك وراح يعوضك باللي احسن منه لان من يرزقنا هو الله سبحانه وتعالى وليس البشر اللي مايملكون لنفسهم نفع ولا ضررررررررر اكثرررررررري من الاستغفار عن الذنوب اللي وقعتي فيها والله انسان مايستاهلك والله مايستاهلك والله مايستاهلك لانه مصلحجي وهم نفسه فقط فقط فقط وانتي بستين داهيه ولا تنغرين بكلامه لك ومواقفه معك وتظنين انه يحبك كل هالاشياء يسويها علشان نفسه مايقدر يخسر انسانه على كيفه ويستفيد منه دووون مقابل ويغير معها جوه
حبيبتي محد جرحج ؤالبنات خافؤا عليج لا تضيعين اكثر ؤحياتي خلج قد تؤقيعج اللي حاطته آنا يابنت لي هيبـه ولـي سلطـه مـن لسآنـي وفعلّـي كـل خلـق الله تقـولـه فــي حكآويـهـآ انا مثل الجبال الشامخـه فـي كـل الاوطانـي عزيز النفس والهامه لو ان الوقت مشقيهآ
هلا أختي . . . الكلام الصج والحق يجرح وانتي اخطأتي يا أختي وخطأج شنيع وحرااام ومافي بنت تقبل تسويه والبنات انصدموا انج مسوية هالشغلات بنفسج ! أختي هالنذل يبي يتسلى ويبي يونس عمره وياخذ اللي يبيه منج دوووم مخليج عشيقة له وعندنا في الخليج مسمى آخر لعشيقة يبدأ بــ قــ اعتقد فهمتي الكلمة ومتأكدة إنج ما ترضين احد يقولج هالكلمة لكن هذي حقيقة وضعج وياهالنذل وقت ما بغى الحرام راحلج وهو اناني لدرجة انه يبي هالعشيقة له بروحه حبيبتي وأختي والله ثم والله انصحج نصيحة لوجه الله اتركيه وماعليج من كلامه وسوالفه اللي يحب يا أختي يتزوج حبيبته حطي هالشي في بالج ولجل ربج ونفسج ولعيون ولدج وحيدج صوني عمرج وحالج طالعي بعيون ولدج اليوم وقوليله بين نفسج امك زانية يا ولدي امك تعرف رجل بطريقة غير شرعية شوفي نفسج هل قدرتي تحطين عينج بعينه من غير ما تحسين بالذنب أو الألم ؟ تخيلي ولدج يطيح عليكم تخيلي ولدج يسمعج تسولفين وياه ويشوفه شنو بتقولين له هذا منو ؟ وتأكدي من شغلة الطفل ما ينسى ابداااااااااااااااااا واتمنى تكونين صحيتي وفهمتي ان هالنذل اناني وكوني قوية وخليه وفي رقم للداخلية للاشكال هذي ان تعرض لج مرة ثانية اصلي بالداخلية
حبيبتي مافي انسان مايغلط احنا بشر مو ملائكه بس تدرين عين الغلط شنو ان الواحد يستمر بالغلط ويكابر بس مو عيب لما يعرف الغلط ويتخلص منه هذا هو الصح وان حسيتي كلام البنات فيه تجريح لاتلومينهم من الكلام والافعال اللي سويتيها اكيد بتلاقين ردود سلبيه ارد واقول راجعي نفسج .. ترى حرام النفس لوامه .. حلج الوحيد انج اول شي تلجئين لربج لان لازيد ولا عبيد بينفعج والله اذا تقربتي من ربج راح تحسين انج طهرتي وبراحه نفسيه وثاني شغله غيري اسلوب الحياة اللي عايشتها ابعدي كل شي يذكرج فيه حاولي تلهين نفسج بأشياء ثانيه تحبينها تنسيج بهالنذل حبيبتي الريال بطبعه ذيب ياخذج لحم ويقطج عظم والمره تحكمها مشاعرها مع الاسف شفتي تقولين جرني بالشارع اشدراج ان مشاعره تجاهج صادقه صدقيني لو كان يحبج جان لزم ان ياخذج لو على عناد اهله بس صدقيني هذا خسيس ونذل..
