سلام بنات عساكم بالف خير انا مشكلتي مااتمناها حت للعدو انا وحده متزوجه الحمدالله وزوجي على زلاته في بدايه زواجنا بس الحمدالله في اشياء تعدل فيها بس المشكله فيني انا حملت بعد سنه من زواجنا والله ماكتب ان الحمل يستمر ومن يومها لي الحين ماحملت وكل مارحت عند دكتور يقول مافي سبب يمنع الحمل يمكن نفسيه مابقى واحد مارحت له نفس الكلام زوجي بالبدايه كان راضي بقسمه الله واهو اصلا عنده ولد من زواجه الاول وانفصلوا بعدها بفتره تزوجنا المشكله هالايام قاعده اشوفه وايد متغير قبل علاقته مع ولده كانت عاديه موشي مهم كنت انا بالغصب اقوله يلا روح ييبه خل نطلعه يقعد جم يوم عندنا يستانس ونرده عند امه كان اول الايام عادي بعدين قام يحبه ومايقدر يفارقه كل يوم معاه وقام يدق على طليقته عشان يكلم ولده اذا ماكان عندنا قلت عادي يتطمن على ولده مافيها شي وبيوم رن تلفوني والا وحده تقولي روحي المجمع الفلاني شوفي ريلج قاعد مع منو انا مااهتميت زفيتها وصكيت التلفون شوي والا تدزلي مسج ان مع وحده معاها ولد انا اهني صكت فيني الدنيا منو واشلون وليش انا ماقصرت رحت المجمع شفته مع طليقته تمنيت الارض تنشق وتبلعني ولااشوف الي شفته رحت يمه سلمت ارتبك قالي انا ييت اييبلج هديه سبرايز والا اشوفهم واقعد العب ولدي بهالالعاب انا سكت ماتحجيت خليته يكمل لعبه قالي خلاص خلصنا قلتله لا خلك ولدك يستاهل تونسه المهم رديت البيت وانا احس اني مخنوقه مومصدقه شنو صار لمن رد البيت بعد ساعتين تخيلوا ماهميته يا بعد ساعتين انا سويت نفسي جنه ماصار شي وعادي بس من داخلي احترق مره اقول غلطتي جمعتهم مع بعض ومره اقول انا سويت خير قصدي اجمعه مع ولده موطليقته الريال من بعد ماكان لازق فيني قام مااشوف ويهه الا فيور الله نفسيتي تعبت ليما امس ياني وقالي انه بيردها عشان الياهل انا انصدمت ماعرفت شقول اطلب الطلاق مع اني احبه والا اظل معاه انا ادري يمكن المشكله مني لاني ماحملت واهو يبي عيال بس ايي يقولي مو يلعب من وراي ويستغفلني ويقرر بعدين ايي يقولي ساعدوني بنات انتوا حسبه خواتي مادري سشوي نصحوني الله يسخرلكم ازواجكم ويه***م
يا قلبي الله يعينج وانتي ما سويتي غلط بس لا تسويين نفسج مو مهتمه اقعدي معاها وحاجيه ليش طالع معاها مع انهم مطلقين انتبهي والله يكون بعونج ويعطيج علي قد نيتج
اهو طالع معاها يبي يردلها على قولته عشان ولده بس اعتقد يعني لو عشان ولده جان فكر بمصلحه ولده من زمان مو الحين يمكن طليقته حلت بعينه الحين ومن شوي صكرت الاب وقعدت اتفاهم معاه عباله انا ياهل والا على راسي تنكه دهن يقول انا بردها عشان ولدي وعشان ابي اكون عايله فيها عيال وايد يكونون سند لي وانا وحده هالحجي مااقنعني عشان جذي قلتله اقعد مع نفسك وشوف منو فينا الي في قلبك واختار بينا
او سوري تقولين حملتي بس ماكتب بعدين ماقدرتي تحملين قد مرة فكرتي تروحين عند مراخة لان يمكن عندج الرحم صاد وماقدرتي تحملين بس لما تمرخج راح انشاءالله تحملين لاني اعرف ناس ماحملو وحملو على الله ثم على يدد المرة المراخة اا تبينها ادز رقمها لج ترا هي بالسعودية وساكنة بالجبيل
انا لو منج اقوله انا وافقت عليك يوم خطبتني عشانك مطلق مو متزوج وعلى ذمتك وحده ولو انها على ذمتك ما خذيتك بس حسبي الله عليها ما حلا بعينها الا لمه تزوج قطيعه وغلطتج تخلينه يكلمها وسكتي حتى لو عشان الولد ما يجوز هذي وين اهلها
هلا أختي . . . حاولت اقرأ اللي بين السطور اهي محاولة وانتي ادرى بالامور . . . زوجج ما يهمه الطفل والدليل قعد وياج سنة وانتي تحنين عليه علشان يشوف ولده ! الان الوضع تغير شلون ؟!! الطليقة الله يسلمج ما حلى طليقها بعينها الا لما تزوج !! حكايتج تكرر بنفس السيناريو لاكثر من وحدة اعرفها تنجب وتطلق . . . ويتزوج طليقها وبعد ما يتزوج يرد طليقته علشان الياهل !! استخيري رب العالمين وقوليله لا تعتقد انك لما طلقتها وبترد لها بينصلح حالكم مع بعض انت ما طلقتها الا لما عجزت منها وعافها خاطرك ولا اهتميت لولدك وطلقتها . . . وبعد ما تستخيرين رب العالمين لا تطلقين . . . لان الخطوة الثانية للطليقة انها تجتهد علشان يطلقج مستقبلا وان طلقج بيستمر مع طليقته جمن شهر وبعدها يحن لج ويندم على طلاقج وانه رد طليقته الاولية هذا اللي بيصير وان ما صار مثل ما نصحتج الاخت لذة شقاوة روحي لمعالجة شعبية لان يمكن عندج ميلان في الرحم والميلان ما يكتشفه امهر طبيب وسبحان الله يعرفونه المعالجات الثقة اذا تبين رقمها راسليني
حبيبتي المراخة تمرخ لج البطن اذا عندج ميلان او انسداد هذا طب شعبي اذا تبين راح اعطيجيها بس ترا بالسعودية ولنشاءالله من بعدها تحملين
هلا اختي . . . استخيري الله وصدقيني اهو ما طلقها الا وصل وياااها لطريق مسدود استخيري رب العالمين . . .
انا استخرت وماطلع الطلاق خيره بس شسوي اهو خلاص ماعدت انا اطيقه شلون يجذب علي ويلعب من وراي واشوف الجذبه جدام عيني تكبر وانا لمن تزوجته كان مديون منها ومن الي سوته لمن خذيته على قد حاله وانا بنت ناس اصل وفصل وعز ومال تحملت فقره وديونه وعدلت اموره موعشان اهلي لايتحجون عشان راحته الحين يروح يردلها بعد الي سوته فيه مااراح اقدر اسامحه
هلا اختي . . . طيب انتي تحبينه ؟ اذا اي هاتي ورقة وقلم واقسمي الصفحة نصفين : نصف لحسناته الحقيقية نصف لسيئاته وشوفي شنو اكثر . . . وهم بعد سأليه قبل كل شي انتي طلقتها لاسباب معينة . . . وقوليله الاسباب وسأليه هل تضمن وتظن انها تغيرت ؟!! وصبري وزعلي جمن يوم وشوفي ردة فعله . . .
هلا اختي اي والله احبه بزينه وشينه وكلمته يقولي ولدي عندي اعز من الف مره تخيلي عمره ماعايرني عن موضوع الانجاب الحين يقولي لوفيج خير ترسي بطنج وييبيلي نفسه عشان مااتزوج شنو تتوقعين اقوله بهالحاله اهو مايبي يطلقني بس لمن خيرته بيني وبينها قال اختار ولدي يعني اختارها بس باللف والدوران يعني واحد يعايرني بشي انا مالي ايد فيه شسوي معاه شنو اقول؟
حبيبتي حرااام تتطلقين بس عشان قال ولدة يحبيبتي روحي مثل ماقلتلج بدون مايدي ومرخي لان الرجال مايحبون الا العيال عشان يشلون اسمهم عشان انتي ماحملتي قال خليني اروح ارجعة الله عشان تجيبلي عيال يسندون ظهري وهذا مافيها شي مثل ماقلتلج احملي وشوفي ونااااسة ويشيلج فوق راسة جربي ماراح تخسرين شي لاتهدمين بيتج عشان رجعلها خلي عقلج براسج وفكري زين ماراح ينفعج احد غيرة بعد عمر طويل اهلج مودايملج ولاتكابرين اتمنى ماتزعلين من كلامي ؟؟؟
كلام ام عبد الله يكفى ويوفى .. واللى دقت عليج حبيبتى رفيجتها .. علشاان تصوى فجوه بينكم وشوى شوى تكوووش ع الرياال ..قعدى ولا كانج شفتى او سمعتى حريييهاا وخليييج باااردة مع انى ادرى بفتح ييوفج بشووف بركاان ..قووولىىىى.. يااامقلب القلوووب ثبت قلبى على دينك والله المستعاان
