شلونكم بنات مشكلتي مادري شلون ببتدي فيها ابي رايكم بكل صراحه وقولولي عن الموقف اللي إتخذته صح ولا غلط أنا اشوف موقفي صح المهم بنات مشكلتي انا صارلي سنتين ملجه وريلي انسان محترم وحده طيب أحبه ويحبني أنا امي متوفيه من جم سنه وعندي خوات صغار الكبيرة عمرها 12 سنه والصغييرة عمرها 8 سنوات اخوي الكبير متزوج ومسافر يكمل دراسته اخواني الباجين صغار يدرسون بالمتوسط المشكلة اني ابي ريلي يسكن في بيتنا لاني صج مو قادرة ومستحيل اترك بيتنا واخلي خواتي يضيعون صج ابوي موجود وهم خالتي (اخت امي ) موجوده تزورنا كل يوم بس مااقدر اسكن بعيد عنهم وبيت ريلي بأخر الدنيا بعيد عن بيتنا ماقدرت اقنعه حاولت بكل الطرق بس موراضي أو بمعني ثاني امه مو راضيه كلش يقولي انتي قاعده تأخرين زواجنا وقلت له هذا كل اللي عندي وصج اذا تبي تطلقني طلقني والله يوفقك مع غيري <<<<<<<<<<كانت فيني بجوه تغرق العالم كله أحيانا القدر والظروف تكون قاسية مارضي ورفض (احنا متزوجين عن حب ) وصرنا معلقين بين السما والارض بنات ابي رايكم بمشكلتي تعتقدون بتنحل مشكلتي ؟؟
حبيبتي اولا اذا يخاف الله ويحبك لاتفرطين فيه,,,,,,, ثانيا اخواتك واخوانك ما عليهم شر ان شاء الله توكلي على الله ولا تأخرين الموضوع,,,,,,,,,, امك الله يرحمها ويغفر لها لو هي عايشه ما راح ترضى باللي انتي تطلبينه من زوجك.... انتي ما ذكرتي رايك ابوك بالموضوع وايش موقفه؟؟؟؟ حبيبتي الرجال مستحيل يرتاح ببيت مو بيته انتي قاعده تطلبين المستحيل وبعدين خالتك موجوده وين المشكله؟؟ ونصيحتي كلمي ابوك بالموضوع وشوفي رايه وكملي حياتك مع زوجك,,,,, واذا فيه امكانيه تدورين زوجه تناسب ابوك وتخاف الله وتراعي اخوانك فلا تترددين,,,,, هذي نصيحتي واتمنى اني افدتك,,,,,,,,,,
هلا أختي هونيها وإن شاء الأمور سهالة الله يرحم الوالدة -آمين يارب العالمين - اكثري الاستغفار والدعاء وادعي ربج يسخره لج أنتي بين نارين بين مسؤولية خوانج وبين الشخص اللي تحبينه لكن مسؤولية خواتج هي مسؤولية الوالد حاليا وهو مسؤول عنهم أنتي وجودج مساعدة في هالمسؤولية . . .والمساعدة يمكن الاستغناء عنها علشان تشوفين حياتج و في عندج أكثر من طريقة لاقناعه لكن الامور تجي بالتفاهم ويبيلها خطط بعيدة المدى لا تصرين على موقفج ولا تخسرينه تقربي منه أكثر واكثري الاستغفار وادعي وصدقيني ربي بيهون أمورج لانج فعلا تحبين إخوانج وتبين مصلحتهم . . . وهونيها وتهون أختي وربي يوفقج لكل مافيه الخير يااارب
انتبهي الله يعينج حبيبتي اذا يحبج وتحبينه صعب اتغيرينه صدقيني حتى لو يتقدمولج عشر مثلة صعب يعيش مع اهلج الحل اقنعيه انه ياخذلج شقة اجار تكون جمب بيت اهلج يعني جارتهم جذي تكونين ارضيتي نفسج وزوجج بنفس الوقت:wink_smile: اذا عجبج حلي ادعيلي بالزوج الصالح:49_49:
الحمدلله انحلت مشكلتي والبركة في ام ريلي اقنعتني نسكن عندهم في اول الشهور عشان خواتها وعمات ريلي يتعرفون علي، وبعدها على قولتها( اللي يريحكم سووه ) وريلي موافق انه يسكن في بيتنا لكن مو الحين أقل شي ثلاث شهور الله يصبرني ومشكورين عالتواجد والحلول الطيبة والله يرزقكم اللي في بالكم يارب وتتحقق امانيكم اكليل الجبل الله يرزقج الزوج الصالح اللي مايشوف غيرج بالدنيا ويسعدكم يارب تحيااتي لتواجدكم
اي والله يا ام عبد الله الحمدلله اللي فرجها ربي علي ويسر أمري ويفرج الله على كل مهموم ان شاءالله تحية معطره لج
الف الف مبرووووووووووكــ ربي وفقك عشان نيتك زينه وصافيه سبحان الله ربي فرجها الله يفرجها علي وعلى جميع المسلميييييييييين
