السلام عليكم ورحمة الله ابي كل وحده تقول رايها باسم (غزوه ) اول مولوده لي وزوجي بيسميها هالاسم مع العلم ان بنات اخوانه واخواني اساميهم حلوه وهو مصمم على الاسم عشان على اسم امه وامه ماتبي يسمي تقول حرام تعقد لكبرت وانا بعد مابي الاسم شلون اقدر اقنع زوجي يغير الاسم احد مر عليه مثل معناتي
والله يختى شقولج وقليله عشان خالتى ماتسمع سبتها بذنها ممكن انت او انا انسبها ومحلوه بحق خالتى وقوليله قول حق خالتى تختار لها الاسم الى تبيه
انا اقول خلي خالتج ابنفسها تقوله اذا تحبني سمها مثلا ريم دلال شوق اي اسم تختارونه بس خلي اهيه اتقوله عشان يسمع كلامها حرام شنو غزوه بصراحه موحلو كلش كئيب بصراحه
تبين الصج الاسم مو حلو بس لا تزعلين مني ومثل ماقالو الخوات احسن شي تخلين خالتج تسميها عشان زوجج ما يكون له حجه
حبيبتي قوليله الغلا والتقدير موبالاسم اذافيك خيرلها وتبي تبرها مليون طريقه وطريقه تقدر ترضي ربك بطاعة والدتك بدون ماتظلم ضناك لان من حق الضنا على الوالد وهذا معنى حديث عن الرسول صلى الله عليه وسلم انه يختار من البدايه الام الصالحه طيبة النسب وان يختار لهم اسماء طيبه مايكرهونها بعدين وخصوصا انه خالتج رافضه هالاسم ودشي عليه من باب العياره وكسران الخاطر ههههه قوليوباجر بالروضه ولا المدرسه تنحرج وتعقد وتكرهنا ولوبندلعها شنو نناديه وخلي خالتج تضغط عليه واذا عند وغصب بيسميها بيكون هذا الي الله مختاره لها وعالعموم اهو الاسم موكريه حيل بس ذكريه البر موبالاسم
اختي الغالية انا مثلج زوجي مسمي بتي الكبيرة على امة الله يرحمها واسمها جوزة بس والله مافيها شي لوقالج بسميها على اسم امج ماراح تفرحين لو كان اسم امج شنو ونصيحتي لج لاتكلمين خالتج بالموضوع مهما كنتي غالية عندها هم راح تحز بخاطرها وتعرف انج انتي ماتبين تسمين بنتج عليها
