ابي مجموعة بنات يشاركوني بمشروع ضروري

السلام عليكم ..

بنات اللي عندها هواية للحرف اليدويه او عندها بضاعه وحابه تدخل شريكه معاي بشقه اجارها 150 او 200 مو مهم سعر الشقه لاتخافون لانه حتى لوكان وايد راح يكون عدد الشريكات وايد وكل وحده تدفع عدد قليل مثلا لو كانت الشقه اجارها 150 د.ك اشارك اربع بنات كل وحده تدفع تقريبا 37 د.ك ... المهم راح افهمكم شنو المشروع بالضبط اللي عندها هوايه راح تعلمها بالشقه واللي عندها بضاعه راح تعرضها بالشقه مع باجي البنات سواء مع بعض او نخصص لكل وحده زاويه والاعلان علينا كلنا ومايكلف وانا عندي خبره بالشغله هذي يعني الشقه تعتبر معرض صغير او مجموعة محلات لبضائع مختلفه او مكان لتعليم الحرف اليدويه وبجذي نكون وفرنا على بعض وكل وحده لها مدخولها الخاص لبضاعتها ولما يصير عندنا **اين وايد نتوسع اكثر لحد مانوصل مستوى المعارض وعلى فكره الشغله هذي ناجحه بإذن الله لانه كل وحده راح تكون بضاعتها او حرفتها مختلفه عن الثانيه والمكان واحد ويشجع ال**اين على الحضور اللي حابه تشارك تكلمني عالموبايل لاني ماادخل النت وايد . ت : ممنوع وضع الرقم ع العام

انتي واثقه انه هالمشروع صحيح؟اشلون تفتحين شقه وتقلبينها معرض؟شنو نوع الترخيص قصدي؟

احنا في بلد له قوانينه يعني تبين رخصه وموافقه من البلديه وتصريح من المطافي ووايد خطوات

يالغاليه الكلام سهل بس التطبيق اتوقع صعب شوي

انا مع المزاين حبيبتي تقدرين تلعين ترخيص معرض وتسوين معرض بقاعات الافراح احسن

السلام عليكم

خواتي في شي اسمه رخصه عامه حق اللي عندهم تجاره متنوعه سواء الرخصه تأجير أو تشترينها والشغله الثانيه في شي اسمه تجاره في بيتج أو سرداب بيتج ووايد ناس مسوين معارض ببيوتهم من غير ترخيص وماشين ماشاالله بس هذي يبيلعها معارف وعرف ناس يستخدمون شقق ببيوتهم بأعمال تجاريه وحتى شركات وفيه جروب معروف شبابيي يسوون اعلانات بالتلفزيون وغيره ومشهورين ماشاالله وفاتحين شركه بسرداب بيتهم من غير ترخيص والله فتحها عليهم وقابلوهم بالمجلات وصرحو بهالشي وماشفنا البلديه يتهم وقلتلج الشغله معارف أو عندج مكان في بيتج وبس. والتوفيق من رب العالمين أما بالنسبه للمسكينه اللي ماتعرف مداخل التجاره بتقول نفس كلامكم وشكرا على الرد

هلا اختي والله حابه أشارك معاك
ممكن التفاصيل ع الخاص

حلوة الفكرة
افكر واعطيج خبر

فكره حلوه موفقه
فتحت في بيتي بامريكا حضانه
طبعا الصحه و المطافي لازم يجون يتأكدون من سلامه المكان ..
والرخصه عادي ..ما هي معقده ..
ربي يوفقكم ..ويفتح لكم ابواب الرزق