السلام عليكم ورحمه الله وبركاته حبايبي اتمنى تقبلوني ضيفه وعضوه يديده عليكم بالمنتدى الموضوع ومافيه ينقسم الى 3 جزئيات بيت حمولتي وعلاقتي مع زوجي بيت اهلي حبايبي انا ساكنه بيت حمولتي عندي شقه في بيتهم ونيظام بيت حمولتي يعني انا الخامسه وقبلي 4 متزوجين وبنفس البيت نيظامهم مافي تجمعات الا بالعيد الفطر والاضحى والمناسبات الاجتماعيه المعروفه وطلعات البر في تجمعات بس اما باقي الايام سواء عطله او مو عطله حتى بالعطله الكبيره الصيف مافي تجمعات ونيظام خالتي ام ريلي اغلب الوقت طالعه وانا نيظامي مااحب الوحده او الانعزال طبيعتي اجتماعيه يعني يضيق خلقي اذا كله قاعده على التلفزيون او اشوف دي في دي ولمن انزل تحت نادرا نادرا ماحصل خالتي وخزني واخزك ولا سولفت ولا اقترحت جنهم مستغربين مع انهم اهما اهياته 24 ساعه يعني وقت الفراغ سوق طلعات بالنسبه لعلاقتي مع زوجي طبيعه زوجي بعد هيانه 24 ساعه يرد من الدوام يا ينام ولا قعد يروح لربعه او من ردته من دوامه رايح لربعه واذا ناقشته بموضوع الهياته والطلعات يقعد يسويلي سالفه ونقاشات وكلام مالها داعي ويقولي تتحكمين فيني ومن هال نيظام انا مليت والله ونادرا مانطلع مع بعض انا وزوجي وحتى لو اقترحت عليه مطعم يوديني بس كل يوم باجر او ياجله شهر واذا لاعت جبدي وماجبت سيره جاب الطاري بنات لاتقولون العيب مني انا اسوي كيك واتكشخ واغير من نيظامي وطريقه لبسي واسلوبي بس هو يقولي انا طبعي جذي اهياته وبالنسبه لعطله نهايه الاسبوع يروح الجاخور ينام فيه ويقول مستحيل اقعد بالعطله وماكو دوام وحتى لو قلت ماابي اروح بيتنا بنام في شقتي امل ازهق اقعد اجابل الطوف وانام بالغرفه انا وبنتي لصغيره شاللي حادني ولو نزلت تحت نادرا ماالقى احد وبالنسبه لي اهلي كانو توهم رادين من السفر اخذو 11 يوم مسافرين وانا قعدت في بيت اهلي عند اخواني وخواتي وراده بيت زوجي صارلي يومين ويوم الاربعاء بعد باجر 24 - 2 زوجي بيروح البر مع عيال عمه وربعه وبيرد يوم الاثنين العصر يعني تخيلو بس قعدت عند زوجي 2 والثالث رديت بيت اهلي مو شيء يحبط هالشغله هذي وبالنسبه لهلي احس انهم يقولون اغلب الوقت عندنا وحتى يقولولي اكيد هالعطله عندنا زوجي بيروح بر بنات ابي تفسير وتوضيح شلون اقدر اقلل من هياته وعد طلعتنا مع بعض ووضع الحموله اللي شبه ساكنه بشقه بروحي وغلقه وملل وروتين
حبيبتي الله يعينج انتي كلميه شوي شوي يعني قوليله انا بعد لي حق اني اغير جو معاك مثلا يوم لي توديني مطعم سينما او حتى تتمشون ويوم حق بنتي نوديها العاب شي جذي ... واذا ماكو فايده انتي طلعي مع اهلج او خواتج او رفيجاتج زوري لا تقعدين بالبيت مدام ماكو احد لاتحكرين نفسج اخذي بنتج وطلعي روحي كل مكان يمكن اهوا بعد يفقدج شوي اذا تميتي على هالروتين يطلع ويرجع وانتي مثل ما انتي ما راح يحس بالفرق ... عرفتي انشالله اكون فدتج شوي
مثل ما قالت ام عبودي اطلعي مع خواتج بس اشغليه بطلبات البيت مثلا قولي ابي اشتري لبنتنا ملابس صيفيه ضروري البنت ما عندها ملابس كبرها ولما تروحين السوق اطلبي منه يشتري للصغيره على ذوقه وخليج مرحه بلسياره ضحكي سولفي ولما تردون اشكريه على الوقت الحلو اللي قضاه معاكم انت والصغيره حتى لو كان لاوي بوزه طول الوقت (كبري عقلج ) الشي ما يجي بمره او مرتين
