السلام عليكم هذي اول مشاركه لي واتمنى تساعدوني في حل مشكلتي انا صارلي 7 سنين متزوجه وعندي 4 عيال انا ساكنه بيت اجار مع خوات ريلي ومشكله اهيا اخت ريلي عمرها 40 ومومتزوجه مشكلتها بس تداحرني وتقط حجي تتدخل بكل شي وكل مشاكل وكل مشكله اكبر من الثانيه ريلي يدري انا اهيا سبب المشاكل يقول شنو اسوي لها حلها انه تتزوج تتدخل حتى بعيالي بس صراحه اهيا لمن ما نكون مو متهاوشين تعاملج معامله زينه وتحب عيالي بس انا من بعد كل هوشه ما قمت اتقبلها وخصوصا اخر هوشه تعيارني بزوجي وسوالفه كنت قبل اقولها ريلي يخونني ودي امون بروحي معزوله عنها بيت بس مانقدر لان ريلي مجبور فيها وهم اقول اهيا يتيمه وحرام اللي مافي خير باهل مافي خير بناس اهي قلبها طيب بس تعقدت من حريم اخوانها جنه تقول اتغدى فيها قبل لاتتعشى فيني ابي حل ساعدوني؟؟؟؟
دام انها تعقدت من الحريم لا تلومينهاا وتحمليهاا شتسوين بعد واذا ماقدرتييقولي حق زوجج انها تعايرج بسوالفه وخليه اهو يتخذ قراره معاها ويوقفها عند حدهاا واذا استمرت على هالشي منتو مجبورين فيها حتى لو يتيمه واتوقع انها مو صغيره بالعمر عشان تسوي جذي........
اختي انتي تقولين هي قلبها طيب وخوش بنت لكن متعقدهـ من سوالف حريم خوانها طنشيها اختي والله ماتنلام وصلت لعمر 40سنهأ وماتزوجت ربي يكون بعونها يارب انتي اعتبريها طفلهـ صغيرهـ وعامليها على هالاساس البنيهـ يتيمهـ ومالها إلا ربها ومن بعدهـ اخوها يعني وين تروح ماتدرين يمكن هالشي مضايقها إنها ما لها احد غيركم دائما ابدي بالخير وياها وقعدي وياها وقولي لها انا معتبرتج اخت لي وحتى الخوات يصير بينهم مشاكل لكن تصفى الماى بينهم بسرعهـ وربي يصلح اموركم
والله اني موقادره اتحملها قاعده بيت اهلي من سوالفه وريلي معاي شنو تقولين يدري وقالته هذا سوالفك وتعايره اشكره جدامه عندها خوانه رالثانين بس قالت حق ريلي انتا مجبور فيني شقول بعد ادعي ربي بس تتزوج
اهيا متعقده من حريم اخوانها منها هم اهما مومسويلها شي صدقيني انا معاملتي ويها زينه حتى امي ما اعاملها مثلها حتلى بعيد الام اشتريلها هديه حالها حال امي انا اقول الله يهديها
هلا اختي ربي يهدي الامور بينكم اذا اهي مو متوظفة خل تتوظف وتشغل وقت فراغها بوظيفة تلهيها عن كل شي واما اليتيم فلا تقهر . . . وسواء هاليتيم كبير او صغير ترى القهر صعب والبنية ما جالها نصيبها فخلتكم انتوا محور اهتمامها وشغلت نفسها فيكم مثل ما قلت لج خل تتوظف وان كانت شهادتها مو ذاك الزود خل تدخل دورات في معهد يعني خل تقضي وقتها بشيء يسليها وربي يصلحها ويصلح الحال بينكم يارب
انصحج بالاستغفار لانه مفتااح كل رزق ويجعل من كل هم فرج ومن كل ضيق مخرجا واهم شي الدعاء في الثلث الاخير من الليل والدعوه بين الاذان والاقامه لاترد والله يساعدج ويسعدج:rose:
اف موظفه ولها خلق اتدور مشاكل المسكينه يمكن البنات عندها بدوام يقهرونها انها مو متزوجه فجذي اتحط حرتها فيج يعني تحتر منج انه عندج زوج وعيااال واهي لا بـــــــــــــــــــــــــــــــــــــــــــــــــــــــس الله يرزقها برجل الصالح يارب
هلا حبيبتي تشتغل وتدرس العصر وعندها دخل ثاني بعد لوووول حظي اقشر اعرف رفيجها ذهبه وحبوبين اه ياقلبلي مشكوره حبيبتي
