شاركينا بمشكلتج أو حتى نصيحتج أو أكثر شي مضايقج بعد الطلاق وأكون طماعه لو طلبت قصتج علشان نستفيد وتستفيدين ؟ أهمالأسئله ؟؟؟ كم دام زواجك؟ هل تظنين أنك غلطتي وأنك سبب الطلاق؟ حاسه بالظلم ؟ شنو أكثر شي مضايقك بعد الطلاق؟ تشتاقين له وتتمنين تردين له ؟ شنو أكثر شي ندمتي عليه وعطي نصيحتج لنا؟ وأترك لك المجال تختارين السؤال الي في بالك وتجاوبين عليه بصوت عالي ؟ وتأكدي انه موبس المطلقات بيستفيدون من الموضوع حتى المتزوجات ممكن يتجنبون أخطاءنا ويتعلمون من تجربتنا.. خلونا نساعد بعض ونقوي بعض
يعافيج ربي يا توته موضوعج وايد حلو وعلى فكره يفيد اللي ناويه على الطلاق لا سمح الله يمكن كلام اي عضوه يفيدها ويردها عن قرارها قبل لاتندم
الطلاق يمكن خيرة لها لوتطلق ماسوت شي عيب ولا كارثة هي بس تطلقت بس للاسف مجتمعتنا حيل متخلف فاهم الطلاق معنا ثاني ربي يهديهم
انا الحين بين مطلقه وبين متزوجه.. بالنسبة لأسئتلج: كم دام زواجك؟ سنة وشهرين هل تظنين أنك غلطتي وأنك سبب الطلاق؟ نوعا" ما حاسه بالظلم ؟ من ناحيته ماظلمني كللشش شنو أكثر شي مضايقك بعد الطلاق؟ أهلــــــــــــــــــــــــــــــــــــــــي وخااصة أبوي وأمي تشتاقين له وتتمنين تردين له ؟ ايييييييي حييييييييييل ماأقول غير الله يرحم أيامه بس شنو أكثر شي ندمتي عليه وعطي نصيحتج لنا؟ اني سمعت كلام أهلي لاتخلون أهلكم يتدخلون بحياتكم
اكيد اصلا المسالة مالها داي الاهل يتدخلون ليش تربطين مصير حياتج بقرار اهلج دام تبينا حبيبتي ردي بشرط رضوة اي شي وستقري عندا ترى المرا مالها الازوجها بعد ربها نصيحة ومن اكبر الاغلاط تدخل الاهل يهدمون حيات بنتهم على حساب سعادتهم اذا مو مطلقة نصيحة ردي قبل لايطيح الفاس بالراس الرجال لاتطلق بدل المرا الف ولا مايبون مهر المرا علك ببلعوم نفسها
(راضيه بقسمتي )انا نفسج بقيت اطلق بس الحمدالله والله أني تنزلت عن اشيا واجد بس عشان ارجع ولم رجعت خذيت الي ابيه أنصحج تنازلي *
انا تطلقت مظلومه لانه خاني وبسم الله مالحقت استنس لاني عروس حسبي الله عليه زواجي دام سبع اشهر بس اهلي تدخلووو وساعدوني بالطلاق وكان هل شي لمصلحتي تاثرت واايد والله ياخذ حقي منه انشالله والله يصبر كل مظلومه من طليقهاا ويعوضنا خير
الطلاااااق نهائياا موسهل الزوجه تصبر على زوجها لوفيه بلااوي الدنيااا كلها ولوبينهم عيااال الله يعينها وانا مستغربه من الزوجااات الي يشتكون من ازواااجهم موقااادره تصبر عليه الاتفه الاسباااااااااااااااااااااااااااااااااااب تتطلق منه واخرتها تعض اصااابع الندم وتسوي المستحيل عشااان يرجعها ... الي تشتكي من زوجها الاسباااب عاديه مالها اي معنى والله والله والله اللذي لااله الاهووو تتوضي وتصلي يوميا في جوف الليل ركعتين وتدعي ربها انه يهدي زوجها ويسعدهم ويوفقهم وكل الي بخاااطرها تشكيه لرب العالمين والله ماراح يخيب ظنها وتثق ثقه تااامه انه ربي بيستجيب لدعائها ودايما تستغفر لذنوبها وللمسلمين اجمعين ...
زواجي الاولى معاااااااااناااااااااااااااااااااااااه بمعني بمعني الكلمه انا عشت فتره خطووووبه كانت ايام مثل مايقولون جنه الله في الارض طبعاا تزوجت وكان عمري 14 سنه ما دام الزواج اكثر من 3 شهوووووووور:emoticon_U: انصدمت صدمت حياتي حسيتتتتتتتت الدنيا غداره مالهااا امان وللاسف كان سبب الطلااااق من زوجي السابق وعشت فتره عصيبه اكتسبت اسم وللقب علي الفاضي قعدت سنتين اعاني من الضطهاااااااد الشرقي وللعلم كنت انا وطليقي السابق مثل الاخوان بالغرفه كان سبب الطلاق الضعف الجنسي الي ابي اوصله لكم تري بنات الحمايل مو لعبه بس انا احمد ربي انه عوضني بزوووووج نساني الي مضى كله :teeth_smile:
انا راح اكتب لكم قصتي .. وتأكدوا ان الطلاق موعيب ولاحرام ومافيها شئ بالعكس مرات يكون خير وسعادة بالذات اذا كان الزوج ماينتعاشر وحرام الوحدة تضيع حياتها مع انسان مايستاهل ويكون عندهم عيال ويضيعون.. من البداية شفتي حياتج صعبة معاه لاتصيرين ام التضحيات وتحملين لان راح يجي وقت وبتنفجرين .. انا تزوجت قبل تقريبا 6سنوات ودام زواجي 4شهور ونصها عند اهلي .. سبحان الله كان انسان قلبه متعلق مع انسانه ثانية بس اهله مارضوا انه يآخذها وماكان مابينا اي تفاهم ولاحب كل واحد بعيد عن الثاني وبصراحة انا غلطت اني ماتقربت منه لانه كان محطم ويبي احد ينسيه الحب الاولي بس انا لاني ماحبيته ماقدرت اتحمل اعيش معاه ولااتقرب منه مع اني شفته بالملجة بس ماحبيته وماكان الانسان اللي اتمناه بس الحمدلله على كل حال .. وتطلقت بعد 9شهور من الزواج وهالفترة كنت عند اهلي وبعدين سويت اضراب عن فكرة الزواج بصراحة صج الطلاق يجرح هذا وانا ماحبيته اشلون لوكنت احبه وانخطبت وكله ارفض .. لين صار اليوم وخطبني زوجي الحالي وكان قبل سنتين هالكلام الحمدلله كان الانسان اللي اتمناه والحين الله عوضني وعايشه معاه بسعادة وحب وعندي ولدي حمودي الله يخليه لي.. نصييييييييييييييييييييييييييييحة : الطلاق مونهاية العالم والدنيا ماتوقف على رجال .. ونصيحة لكل مطلقة لاتفكرين وتحسفين لان كل شي مكتوب ونصيب .. نسي نفسج ادعي ربج بالزوج الصالح اللي يسعدج وتأكدي ان الله خاشلج رزق وراح تآخذينه عاجلا ام آجلا,, شئتي ام ابيتي .. والله يوفق الجميع ويصلح حال كل زوج وزوجة ويجمعهم عالخير والحب .؟.. ويرزق كل مطلقة وكل بنت بالزوج الصالح..
