السلام عليكم بنات شلونكم انشالله بخير تكفون ساعدوني الموضوع الي بقوله لكم مصيري وقررت اجدم عليه بعد عشر سنوات من التفكير سمعو سالفتي وردو علي ضروري الاتن خلال هاليومين لازم اقول هالشي .......... بالبدايه انا كنت احب واحد من اهلي وكنت صغيره وايد يعني حب مراهقه وكان من طرف واحد والشخص هذا مايدري عن هوا داري كان يدرس بأمريكا ولم رجع ما كان افكر بالزواج على حسب ما كنت اسمع من اهله انا تزوجت من شخص وراني النجوم بعز الظهر وانفصلت عنه بعد 3 سنوات وعقب ما نفصلت بسنه فجأه سمعت انه هالشخص الي احبه قرر يتزوج وحده اهوا يبيها وصار الموضوع بسرعه بسرعه مع العلم انا كنت اشوفه كل اسبوع بيمعت العايله المهم بعد ما تزوجها بشهر بدت مشاكلهم اهوا وياها وانه اهم مو متفقين واهيا لسانها طويل ما كانت اتسلم علينا ولا تقعد معنا باليمعه وبخلال هالشهر حملت ويابت بنت وبدت المشاكل تزيد اكثر وعقبها تطلقت منه وقعدت سنه ونص انا ستانست الانه اهوا ارتاح ويها رجع احسن من قبل وقلت بحاول المح له اني احبه من زمان بس ما تجرأت حاولت بس ما قدرت وبعدها 8او 9شهور فجاه عرفت اته ردها وعقد عليها من يديد ومهر يديد وانا بغيت اموت وسكت وصرت اشوفه من بعيد لي بعيد وبس واسمع اخباره طبعا اخباره كلش ما تسر ردت حق مشاكلها مره ثانيه ولسانها الطويل بس هالمره مدت ايدها على امه وهني عاد طقها وداها بيت اهلها وقرر انه ايطلقها ؟؟؟؟ الحين سالفتي انا شرايكم الوقت مناسب اني اروح اقوله اني احبه وابي ارتبط فيه او اسأله عن مشاعره ناحيتي ولا برايكم اني اذا سويت جذي اكون فهره وقليلة ادب بنات عطوني حل ؟؟؟؟؟؟انا حدي متضايقه ولازم احط حد حق الي انا فيه اهوا معاي يضحك وايسولف ويتغشمر بس ما ادري شنو بتكون ردت فعله اذا قلت له اهو كبير مو صغير عمره 40سنه وانا مو قادره استحمل اكثر من جذي شرايكم ردو علي بسرعه تكفون
حبيبتي انتي طليقته صح ..؟؟؟ لا والله ما عليج ولا تروحين ومثل ماني فهمت انه شكله ما يستحمل ما تسوه عليج يسويلج سالفه عند يسوى وما يسوى والله كريم
هلا أختي . . . أمممم مشكلة والله . . . أنزين نطري وشوفي شنو يصير ويا مرته هل يخليها وإلا يطلقها . . . أنا ما اشجع مثل هالامور لكن بقولج اكثري الاستغفار والدعاء . . . وعطيه تلميح غامض إن في وحدة جذي وجذي سالفتها هل تقول للشخص أو لا وقوليله بما انك خبرة وفاهم ودارس شنو تشور على رفيجتي لانج ماتبين توهقينها بحل وشوفي شنو يقولج خلي قصة رفيجتج بعيدة عن ظروفج وظروفه لاتخلينه يفهم انج انتي المقصودة . . .أخاف يرد مرته ويقولها وتسويلج سوالف أنتي بغنى عنها . . .خلج حذرة وحريصة وحاولي ماطيحين الميانه وياه ترى هالشي بيقلل من احترامه لج ولاتقعدين إلا بحضور اهلج أو امج وحاولي تقولين لأمج إذا كانت مقربة منج وتتفهم . . . وربج يقدم اللي فيه الخير . . .
خلي حدا يتدخل بينكم يعني اخبري امه او شخص يقول له انك تريدين زواج به عادي وكانك تخطبينه عادي قبل ما يضيع منك
حااااااااااااولي اج دايما تدخلين معاه بنقاش في مواضيع تهمه تلفتين نظره انج تحاولين توصلين تفكيره لمحي ان المراه تحب الرجل صاحب تفكير راقي وصاحب شهاده عاليه وجذي تقربي منه الله يوفقج
لالالالالالالاللا تفكرين تقطين روحك على الادمي وبعدين يعايرك طووووووووووووووووووووووووووووووووووووول العمر جد لا يطري عليك وماتدرين وين نصيبك الله يوفقك ياحي ياقيوم ويفتح لك باب رزق لكن اكثري الصدقه بنيه الزواج والاستغفار
حبيبتي انا رايي من راي اخواتي الي ماقصروو لا تتسرعين وتقولين له اخاف يردها وتطيحين من عينه او يمكن زوجته تدري بالخبر فوكليها على الله والي الله كاتبه بيصير لج وادعي ربج .. والله يكون بعونج ,,,
انا اقول اصرفي النظر عنه حاليآ ليما تعرفين نهاية علاقته مع زوجته ماتدرين يمكن زوجته تعتذر له ولامه وتتغير وتمسك بيتها وبيكون موقفج موحلو لما تقولين له ويمكن ينفتح لج باب انتي بغنى عنه..انا اقول انتظري ولاتسبقين الاحداث الا لما تحسين ان الوقت مناسب وصارت الكرة بملعبج حاولي تلمحين له عن سالفتج بس بصورة غير مباشرة مثل ما قالت أم عبدالله في البدايه..والله يوفقج..
ما شاء الله البنات ما قصّروا وكلهم بركة أزيد عليهم انا .. دام ان نيتج صافية وتبينه بالحلال .. استخيري رب العالمين وصدقيني اذا من نصيبج بتتزوجينه لو عنده مثل هالزوجه ألف زوجه بويهه وبتتسهّل الأمور وتصير مثل الماي الصافي .. وبتحسّيــــــــن براحه عمرج ما حسّيتيـــــــــــــها واذا مالج نصيب .. رب العالمين برحمته بيصرفج عنه وبينسّيج اياه والله يوفقج لا تنسينا بالدعاء و ناطرين منج الأخبار الطيبه
شوفي حبيبتي أنا من رايي أنه تنطرين لما تشوفين شي يصير على وضعه وعلى أساسه تقررين لانه اهو معرض باي لحظه يرجعلها واذا شفتي الولد كلش مو باغيها حاولي تلفتين انتباهه لاكن بدون ماتحسسينه انج تبينه لان الريال مايحب المره الي ميته عليه والجريئه وماتدرين وقته اذا قلتيله احبك شنو ردت فعله بعد فحاولي بذكائج تجذبينه وخليه اهو الي يبدي مو انتي
الله يوفقج انشالله ان ربج كاتبلج معاه نصيب بتاخذينه انشالله بس انا رايي لا تقوليله احسن نطري وخليها على الله وشوفي شصير يمكن ما يرجع لها كلش وتلفتين انتباهه ذيك الساعه ... بشرينا حبيبتي بالاخبار الحلوه
الله يوفقج وآنا رايي من راي البنات أنطري عليه وبعدين العبي لعبتج معاه لمحليله لاتقطين نفسج عليه ديري بالج وكثري من الأستغفار مع الدعاء والله ياأختي آنا جربت الأستغفار بكذا شغله والحمدلله ربي ماخذلني
انا اقول شلي من بالج ابرك لج وشوفي حياتج لاتضيعن معاه راح تتعبين وانشالله الي اي لج احسن منه بووااااايد هو لو فكر فيج جان رد لج مو رد لها لان فكر عنده بنت ..
تبين نصيحتي خلج ثقييييييله ترا الرياييل ما يحبون الخفيفه يحبون الغامضه التكانه ... وكثري الدعاء من رجا الله ماخاب.. وظبطي امه عشان تمدحج عنده والي الله كاتبه بيصير اذا لج نصيب بتاخذينه...
السلام عليكم ورحمه الله وبركاته ... قد تختلف نسبة الحب من شخص لآخر ... قد يكون الحب عند البعض بأنه أجمل مافي الكون... والآخر يصف الحب بجنون... ومهما اختلف نسب الحب لدى البعض يظل الحب جميلاً والأجمل من ذلك عندما يكون الحب متبادل من الطرفين ولكن..... كيف يكون الحب متبادل من الطرفين إن لم يعترف الطرف الأول لطرف الثاني بحبه وبالبوح بما في قلبه قد يحصل بعض الصراع في النفس تررد أأعترف أم أنتظر؟؟؟ إلى متى سأنتظر؟؟؟ سأجد الصد أم القبول؟؟؟ قد يٌألم هذا الصراع ويتعب النفس... ماذا لو كان في حياته أحد غيرك ؟ ماذا لو كان من المتباكين على الأطلال وممن يرفضون الإنعتاق من الماضي ؟ وماذا لو ؟؟؟؟؟؟ ألف سؤال قد يطرح نفسه في مخيلتنا وليس المهم . أن نعترف فى بعض الأحيان لا نحتاج للاعتراف لان مشاعر تقودنا الى ذلك القلب الحب لغة متقنة لا يتقنها إلا من فهم هذه اللغة بإتقان تام ..... والحب أيضاً لغة الصمت .... ربما نحاول أن نعترف بذلك إتجاه من نحبه بإخلاص ..... ولكن عندما اخرج هذه الكلمة هل هي في محلها أم أنه مجرد شعور في حينه فقط .... لذلك دائماً أقول ليس كل حب هو حب حقيقي .... الحب الحقيقي أن تكون فيك هذه الصفات : 1) الصدق 2) الوفاء 3) الأمانة 4) التضحية 5) العطاء فربما نجد القليل من تنطبق عليه هذه الصفات بأتمها وأكملها ....
صعب اتحبين شخص هو مادري عنج لو بالبدايةتقربتيلة لما انفصل عن زوجتة الحين هو ردها يعني حرام اتخربين حياتة مو شرط اذ مشاكلهم واحد مايحبها ما عليج بالضاهر هو عندة بنت ويبي يستقر في حياتة حاولي انج انتي بعد تبتعدين ماتفكرين فية اللة باجر بيعوضج بالزوج السنع
طمنينا عليج ياغالية...وقولي شيصير معاج امانة وانا رايي من راي اختي ام عبدالله وليلى االانصاري...اولا صلاة الاستخارة
