السلام عليكم شلونكم شخباركم انا عندي مشكله وياليت تشوفولي حل انا من السعوديه وحبيت انسان من الكويت وهي تحبني وعلاقتنا اكثر من سنه ومتفقين على الزواج وانا والولد متفقين على كل شي ومنسجمين مع بعض وكل شي تمام بس في مشكله كبيره اني انا بلسعوديه وهو بلكويت مسافه بعيده واناا من عايله حضريه وهو من عايله بدويه يعني مابينا علاقات عائليه ولا شي المشكله كيف اخلي اهله يخطبوني وكيف اخلي اهلهي ما يستغربوا او يتسائلوا من وين عرفونا ومن هلكلام ارجوووكم يا اخوان شوفولي حل ارجوووكم
والله ما عندي فكره بس ما تقدرين اتكلمينه وتقوليله كلم اهلك عن موضوع الزواج ....ويكلمهم عنج .... و يشوفهم شنو يقولون ويقولج اي صح المساافه بين الكويت والسعوديه بعيده مشكووره ويارب البنات يقدرون يفيدونج
حبيبتي شلج بهلخرابيط لو صج انه انسان جاد خطبج بس هذا يبي يضيع وقته واحزمي امرج معاه وقوليله مايصير علاقتنا جذي صار لنا سنه بس تضيعت وقت لازم كل واحد يحدد موقفه اذا انت جاد تعال اخطبني والله يحفضج
آختــي علاقتكم صار لها آكثر من سنه يعني تعرفوون بعض من فترررره طويـله إذا هو يحبــج صج لازم تخلينه يخطبج وإذا لكم نصيب مع بعض بتاخذونه وإذا انتي مو عارفه شتقولين لآهلج سوي رووحج ماتعرفين عن شي وهو يقول لآهله انج من آهل وااحد من ربعه وايووون يخطبوونج ماحبيت امر بدوون مااحط رد وان شاءالله يصير اللي فيه الخير لج
انا عكسج كويتيه احب سعودي عايش بالكويت بس في فروقااااااااااااااااااااااات وايد بينا بكل شي خايفه ارتبط فيه وتبدى لمشاكل واهو اساسا خايف من اهلى انا بنت عايله كبيرة بالكويت بنفس وقت خاطبني واحد بيني وبينه 18 سنه ومحتاره :sad_smile: خايفه ازوج غيره وماقدر انساه وخايفه ازوجه واتندم ساعدونى
عاااادي حبيبتي قولي لاهلج انج تعرفتي ع اخته من الانترنت وهي وااايد ويااااج ... وفاااتحتني بالموضوع انه هي بتخطبني حق أخوووووها ... والله يوفقج ان شا الله .. دعواااتي لج
انا خايفه انه قاعد يلعب فيج ويتسلى قوليله اذا انت جاد تعال اخطبني ذيك الساعه دوريلج على سالفه تقولينها لاهلج اهو خل يتقدم بخطوه الاول
استخيري رب العالمين المسألة بسيطة خل يقول إنها تقرب لواحد من ربعه بالدوام وخل يروح يخطب ويتصل ويحدد موعد ويا اهلج ويروح اهو واهله لا تعقدين السالفة ولا يعقد اهو السالفة لان الجاد والحازم والمصر على الارتباط بالبنت يقدم ولا يتأخر . . .
