انا اختكم من الامارات عندي مشكلة مع زوجي فأي خلاف ايصير بينا يترك البيت بالشهور ولا ايسويلي اي اعتبار ويوم يبغي يرجع وايحاول يرضيني وما ايناقشني في اللي صاروالحين هو تارك البيت من اربع شهور وانا صدقوني مااعرف السبب بس ادري انه في النهاية بيكون سبب تافه مايستدعي كل هذا وعلي فكره هذي مب اول مره وانا خلاص مليت وتعبت (انا الزوجة الثانية وعندي 3 اطفال)دلوني علي الحل
اختي عليج بالاسغفار هذا مفتاح للسعاده .. وثاني شي قعدي معاه حاولي اتغيرين هالشي فيه حاوريه بطريقه حلوه حسسيه انه ريال البيت واذا طلع منه يضيع .. لاتقولين مليت صبري وادعي ربج يهديه .. يمكن في شي انتي مقصره فيه حاولي تراجعين نفسج .. حاولي تطلعين معاه مكان حلو وهادي وتستانسين معاه .. الكلمه الحلوه تغير اشياء وايد والله يصلح بينكم ان شاءالله ..
هلا أختي . . . اكثري الاستغفار . . . وترى طريقته بتهلكه بيجي يوم القيامة وشدقه مائل . . . حاولي تفهمينه هو شنو بالضبط وشنو طبعه يعني بعد 3 اطفال اعتقد تقدرين تحكمين عليه وبشطارج تتعاملين وياه . . . ولما يرد من بعد شهور انقطاع لا طوفينها له لانه اخذ على هالامور ناقشيه واجبريه يسمعج وقوليله اعدل ثم اعدل ثم اعدل ترى ربي شديد العقاب واطفالي لهم حق عليك يشوفونك . . . وربج كريم
الله يعينج حبيبتي بس هذا مايرضي رب العالمين لازم تحسمين الامر واتفاهمين وياه علي كل شي وادعي ربج ان يفك كربتج
زووووووووووووووجك اكيد معه انفصام في الشخصيه او خلل في المخ او كساح لذلك مقدر يرجع امانه في واحد يغيب عن عياله اربع شهور حشى مو طبيعي اقول عطيه ركبه هاهاهاه وسعي صدرك ودوري وين الغلط وصلحيه لاتزعلين امكن ما عرفتي تكسبينه فتحي مخك واجذبي الرجل يمك وغيري اشياء كثيره في حياتك صدقيني بيرجع
انا خابره البنت تزعل وتطلع من البيت مو العكس وبعدييين بالاشهر !!!!!!!! يخليج بالاشهر بروحج انتي وعيالج ولايسال شنو تفكيره بالضبط !! والله مادري شقولج بسس لازم تقعدين معاه وتكلمينه بلهجه جاده عن السبب وشنو الحل وفهميه طريقته غلط .. يمكن يبي يوصلج شي بس طريقته غلط قعدي معاه وكلميه .. الله يعيينج ويحل امورج
مرحبا اختي ,, انا اقول الله يعينج ويصبرج بس لكل شخص نقطة ضعف انتي حاولي دورين نقطة الضعف اللي فيه ودشين عليه منها ,, وهم في ناس يحتاجون لاشياء معينه تعتبر اساسية بحياته اذا فقدها ما يطالع لاي شي ثاني انتي موفرته له , وفريله هالشي لانه هو ما طلع من البيت وبهالمده الطويله الا انه فاقده ويحاول يدور يلقاه طبعا محد بيعرف هالشي الا انتي بحكم عيشتج معاه , وتقدرين تعرفين شنو هالشي او وين نقطة الضعف من خلال ملاحظتج لتصرفاته او لاهتمامته او من طريقة سوالفه يعني لا تستهينين باي تصرف او كلمه يقولها لانها ممكن تكون مفتاح لج وبشرينا شنو يصير معاج والله يهديه ويصلح لج
