ارجوكم ساعدوني خواتي من الكويت انا اختكم من البحرين

انا نازله الكويت بلادي الثانية كثير احب دوله الكويت كانها صدق بلدتي عزيزة علي هي واهلها

26/2/2009وبسكن بديرة السالمية اريدكم تدلوني على اماكن يبيعون فيه درارايع حلوووووة واسعارها معقوله او رخيصة للمناسبات والعزايم وحفل الاستقبال شي جخخخ شغل عدل مدل سمعت بالفروانية في مصممه تونيسية حلوة دراريعها بس وين بضبط مااعرف مكانها واريد غيرها واسعارها تكون معقوله او رخيصة ماريد شي غالي
اريدهم هدايا لاهلي وحبايبي

واريد اكسسوارارت وشغلات حلوة تنفع لي

صدق بهلا فبراير في خصومات عالمحلات التجارية الكبيرة والماركات المعروفة؟

وييتن تنصحوني ياخواتي العزيزات اروح غير الفروانية


وشو اسم المول بالفروانية الي كلها دراريع حلوة ورخيصة؟؟ اذا في اماكن حلوة ورخيصة خبروني بليز؟؟​

ممكن فتح خط الكويت ؟؟

افا والله...

ياهلا حياج الله حبيبتي بالكويت
وبتنورينا اكيد

انا مو وايد بالدراريع لكن ان شاءالله افيدج

سالي مودا (السالميه)
راويه الغانم (الجابريه)
خياط دراريع بالصالحيه يم الجره (عبدالغفور للسيدات)
شانتون (الاوقاف)
ام عبدالله الجوري (عبدالله السالم)
انسام الخلف (قرطبه)
فاطمه قبازرد (الجابريه)


هذيلى غالين شوى حق اللى تبى فناتك وشغلات غريبه شوى ..

وفى بعد عندج اسعارهم زينه ومعقوله حيييييييييييل ارخيص
مجمع العربيد خلف جمعية الفروانية

وعندج الدراريع الجاهزه اللي ستايلها اقرب للهندي في الفروانية مجمع الحمرا مول محل الاسعفه..والعربيد قاليري...


وحياج الله بالكويت مره ثانية واجازه سعيده
واسفين عالتأخير

هلا ومرحبا بج بالكويت

روحي مجمع الأوقاف فيه من الغالي للرخيص شغلات منوعة وتنفع للاستقبال فيه

وهم بعد الفروانية العربيد فيه من الغالي إلى الرخيص

وبالنسبة للإكسسوارات بتلاقين بكل مجمع فيه محل اكسسوارات

وهذا فتح خط الكويت :

00965

وأي استفسار لما توصلين للكويت تواصلي ويااانا ​

هلا وغلا والله بأهل البحرين وحياكم عندنا.....


ممكن تروحين البلوكات(سوق الأقمشه) هذا السوق تلاقين فيه أنواع الخامات وفي بعد أنواع الكلف والزراير والخرز وغيره من الإكسسوارات إللي ممكن تركبينها على الدراعه وهناك في محل إسمه التراث الهندي تختارين الخام والموديل والتصميم والإكسسوارات والخياط كله من عندهم...

روحي مجمع الأفنيوز-المارينا مول-الفنار-البستان-هذيله بالسالميه

المهلب بحولي كلهم فيهم إكسسوارات

حياج
ولو تبين اوديج انا خاضرة لان احب اهل البحرين

سمعت بالفروانية في مصممه تونيسية ؟

الله يحفظ لكم ديرتكم

رد

حياج الله يا قلبي بديرتج الثانيه

حبيبتي اذا تبين شي ازقرت و شغل عدل و الكل يتحجى عن دراريعج في مجمع بالديرة و كبير و اسعارة وااايد معقوووله عنده جميع الدراريع من دراريع البيت و استقبال و حفلات و اعراس و كل شي اما السالميه ما انصحج لان كلها مشاغل و غاااليه الصراحه و موديلات اغلب المشاغل متكررة لان ياخذون من الكاتالوج و اذا تبين ادليج اللي اقول عنه بالخاص يالغاليه

البنات ماقصرن

في الفروانية يبيعون

عطوني بعد..........

<<<<<<<<<<<<<<<<<<