ارجوكم عاجل

السلام عليكم ورحمة الله وبركاتة

شلونكم ان شالله بخير

انا متابعة وسعيدة اني اشارك معاكم

بصراحة ماتقصرون
واسلوبكم حلو وسلس

وانا اليوم بحاجتكم عندي مناسبة حدها مهمة واختكم بحاجتكم
وعارفة ماراح تقصرون

في جم ماركة للبشرة والجسم
ابي اعرف وين احصلهم

باي صيدلية

بيتر ثوماس

بي لامينس

اهانا

سينت ايفز

سكينسكول

ديرما لوجيكال

كيرا ستاز

لبج

بوربوس

بيوري بلميش

لامير

لوكسيان

فريديريك فيكاي

هيفاك بلاس

الله يخليكم عاجل بكرة بدور
واب صيدلية تكون اكبر صيدلية فيها كل الماركات اتكون ماركات التجميل في وايد

وايد وايد حيل ماتظل ماركة مو موجودة فيها

بس تكون صيدلية

وبنات بعد عندي جم سؤال
ادري مسختها بس مجبورة

ابي فوطة لشعر مثل الي كانوا قبل يعرضونها تلي سين
وين احصلها يكون سعرها زين
تثبت على الشعر

عشان ماتطيح الزيوت الي بشعري على وجهي
بروحه مومترقع من الدهون

وسؤال ثاني شنو احسن مركز سلطان في كل شي للمستحضرات التجميل
وشرايكم بالي بالشويخ مثل الي بشرق

والله يخليكم ابي مرطب مايدهن كلش البشرة ولو نقطة

في عندنا معصرة بالكويت لزيوت الاصلية اصلية بس

وشنواحسن نادي بالمنطقة الرابهة نادي صحي يكون في سباحة وخدمة جديدة ومطورة

ادري مسختها بس حدي مضطرة اللة يخليكم جابوا على كل سؤال بالتفصيل
الله يخليكم اعذروني

ليش يابنات مارديتوا علي
طلع مني شي
والله محتاجتكم​

هلا اختي . . .

ان شاء الله الاخوات بيفيدونج أكثر . . .

صباح الخير

على ماظن بجمعية الشاميه كل الماركات

والفوطه؟؟؟مادري بس حطي الغطى حق الشعر نايلون يكون احسن شي للزيت

والنادي صراحه ماعندي فكره؟؟؟

المرطب تبين احسن شي كريم اولاي الوردي روعه ويغذي البشره

وتشربه البشره بثواني

وامري ياقلبي

يسلموووووووووووو

حبيبتي لامير جنا جنا شايفتها ابفافافوم مو متأكدة ولوكسيان بالافينيوز تحت

والفوطة والله ماعرفتها

ومراكز سلطان الحين ماقامو يبيعون مكياج ...انتي قصدج تبين طلبية ؟؟؟اي جنا فيه

والمرطب وااايد بنات يمدون كلينك الوردي يقولون يناسب كل انواع البشرة

انا بشرتي مختلطة استخدم من هيمالايا عجيب وتمتصة البشرة ابسرعة بس لا تكثرين منه
تلاقينه بالجمعيات ورخيص بعد يمكن ب300 فلس بس والله عجييب

والنادي الصحي يمدحون ذا شامبيوز اللي بالجابرية بس بالمنطقة الرابعة ماانصحج مرة اختي افترت على ملوت الرقعي مالقت واحد يفتح النفس ..........

وان شالله اكون افدتج...................

احسن نادي عندج تشامبينز الجابريه
فليكس
و باينبل حلو

حبيبتي .. أتمنى أفيدج لوكستيان بالآفنيوز مقابل بروي فظيييع كل اللي تحتاجينه موجود عندهم و عن تجربة شخصية كريماتهم كلها طبيعية و فرنسية و أسعارهم حلوة و اذا تبين كريم حق بشرتج اخذي من عندهم :wink_smile:

صيدلية فيها كل أنواع الماركات و الله ما عندي فكرة بس شوفي صيدلية بوتس Boots حيييل حلوة و فيها ماركات وااايدة و مكياجهم وااايد حلو و أحلى شي ماكس فاكتور روووعة ، عندج اللي بسوق شرق و الآفنيوز و في بالسالمية بجانب مذركير :wink_smile: ... بس الفوطة ما أدري :frown:

بالنسية حق مركز سلطان يمدحون اللي بحولي بجانب نادي القادسية

و النادي الرياضي اللي قالوا عنه البنات في الجابرية أسمع البنات يمدحونه وااايد و له سمعه طيبة

موفقة يا رب ...