ارجو الجميع الدخول للاهميه

بسم الله الرحمن الرحيم
السلام عليكم ورحمة الله وبركاته
اخواتي انا طلبت منكن الدخول حتىلا تتعرض لما تعرضت به من عملية نصب وادعوالله سبحانه ان ينتقم منها ويجعل ما اكلته مني ومن غيري نار في قبرها ونكد لها في دنياها
اخواتي طلبت خادمه من العضوة النصابه جوهرة العالم وانا اشهد انها نصابة العالم ولقد راسلتني على الايميل وطلعت على صور للخادمة وادعت انها تدرس في مصر وانها بزنس فيزا
فقلت لها كيف اطلب منك قالت لي حولي لي 1500 ريال واعطيني معلومات عن كفيلها قلت لها وطيب اخاف انك تنصبي واذا اخذتي الفلوس تتهربي قالت لي انا انسانه اخاف ربي انا من جهتي كلمة اخاف ربي كبيرة عندي وقلت لها متى توصل الخادمه قالت بعدشهر مرت ثلاث اسابيع بسلام ثم ارسلت لي رساله اختي الخادمه وصلت مصر وحولي لي 1000 ريال علشان المكتب وحولت لها وبعدها طلبت مني ان احول 1000قيمة التذكره بس انا انتابني الخوف والشك لاني طلبت صورة خادمتي وبدات النصابه بالتهرب ثم قالت لي ان الخادمه سوف تصل الرياض الساعه4 فجرا وسوف تصل منطقتي الساعه 8 صباحا وقمت بدوري بالاتصال على مطار خالد الدولي لاتاكد من موعد الرحله وكانت موعد الرحله مؤكد ولكن خادمتي لم تصل ولم يكتب لها الدخول الرياض وذلك برقم سجل كفيلها تدخل المملكةومن ثم قمت الاتصال على النصابه الساعه 10صباحا وردت عليه بعصبيه خير قلت لها بكل ادب اختي خادمتي لم تصل قالت مالي شغل انا ركبتها الطائرة شوفيها اكيد ضاعت بالمطار
وقمت بالاتصال على ادارة المطار وشرحت لهم الوضع واخذو معلومات عن النصابه وقالولي انتظري يوم كامل ونحن نخبر اذا كانت موجودة بالمطاروبعدها اخبروني باني ضحيه نصابه وتصلت بها ولم ترد وتحدث معها على الايميل فقالت لي ان خادمة انخطفت وضحكة وقلت لها اكيد الطائره خطفتها وطلبت منها تعوضي وطلبت مني يومان لتفكير وبعدها اردلك خبر وارسلت لي رساله حولي لي 1000ريال وانا ابعث لك خادمه قلت لها ابعثي الخادمه ويصلك 1000ريال قالت ومن يضمن لي ال1000ريال قلت لها كفيلي ربي ورفضت ومدة 3اشهر احاول معها استرجاع الفلوس ورفضت وقدقمنا بجمع المعلومات بمساعدت البنك والمباحث واعطوني رقم بيت صاحبة الحساب الذي كنت احول عليه المبلغ من اجل الحل الودي من غير محاكم واتضح يااخواتي
ان صاحبة الحساب لاتعلم شي عن النصب والله العظيم انها انصدمت وبكت بكل حرقه تقول لي انها تعرفة على النصابه عن طريق المنتدى وطلبت منها رقم حسابها من اجل ان زوجها يحول لها فلوس لان لايوجد لديها حساب وان زوجها بعيد عنها وكانت صاحبة الحساب تسحب الفلوس وتعطيها سائق خاص لكي يوصل لها الفلوس
تقول لي انها شكة بكثرة المبالغ وطلبت من النصابه عدم تحويل اي مبلغ لكون زوجها غير موجود
يا اخواتي احذرن اتقي شر من احسنت اليه
واتضح للاخت سجى صاحبة الحساب ان النصابه نصبة على 2 غيري ومبلغ ماسحبة للنصابه 10000ريال تقريبا
وطلبت منى التمهل حتى تستطيع تسديد المبلغ على دفعات لكن الناس رفضت واتصلت بها وتنازلت عن حقي لوجهه ولكن رفضت الاخت سجى وقالت لي سوف ارجع لك بس انتظري ايام واليوم يااخواتي اتصلت الاخت عليه وقالت والله العظيم ان جميع راتبي ذهب تسديد والناس لم ترحمني
وباقي5000اخرى تطالبها الناس
اخواتي السائق اعطوة مكافئه لو دلهم على مكان النصابه ولكن رفض يقول كنت اعطيها المال في مكان عام وانا ايقنت ان السائق متعامل معها
ولا نستطيع عمل شي لكن المتضرر سجى المسكينه
والنصابه من اهل مكه سمراء اللون المباحث سوف تعمل كمين للغبض عليها وعلى السائق
ارجو منكن الدعاء لسجى بالتفريج عنها وجزاكن الله خير
ومشكورة الاخت ام عبدالله على مافعلته معي وساعدتي وجزاك الله خير الجزاء

لا حول ولا قوة الا بالله
عشان كذا نقول التعاما مع المكاتب اظمن للحقوق

التعامل مع المكاتب اضمن

الله يعوض عليج انشالله

حسبي الله عليها كنت بطلب منها خدامه لامي والحمدلله سبحان الله امي منعتني انشالله الله بياخذلج حقج منها ولا يلدغ مسلم جحر مرتين انتبهي يا اختى ..

هلا خواتي . . .

لهالسبب منعنا اي موضوع لجلب عمالة بأرخص الاسعار . . .

النصابة عبالها شطارة اللي سوته عموما وراها حساب وعقاب في الدنيا وفي الآخرة يعني لا تستانس بجم فلس

اللي حصلته من ورى جم عضوة . . .

واعتقد انها بتحاول تدخل بنك ثاني لكن بتنصب بسلع ثانية اخذوا حذركم . . .

الله يعوض عليج انشالله وحسبي الله ونعم الوكيللللل عليها هالنصابه

حسبي الله عليها والله يفضحها عاجلا غير اجل

حسبي الله عليهاااا معقوله في ناس جذي ما تخاف الله .
عشان جذي ريلي ما يرضى اشتري شي من النت وكل ما احصل خداامه واقوله يرفض يقولي المكااتب اضمن ...؟

الله يعوضج خيييييييييييييييييير انشاالله ادعوا لها بالهدايه لان الدعوه ترد علي صاحبه

اللة لايوفقها وعوضج خير

ياربي لي هالدرجه

والله هالزمن يخووف والله يعوضج انشالله

حسبي الله عليها شلون تحط راسها على المخده وتنام ماعندها ضمير كلش

يارب لهدرجة في ناس تحب المال حتى لو كان حرام ؟؟؟؟؟؟؟؟

حسبي الله ونعم الوكيل

انزين انتي ليش تطلبين بالطريقه هذي !!!! في شي اسمه مكتب والقانون ما يحمي المغفلين عفوا


الغلط منج انتي ترا مو منها اهيا غاسل مخها الشيطان وهذا ذنمبها انها اتبعت خطوات الشيطان ، لكن الذنب عليج انتي بالاول والاخير انج سمحتي لوحده ما اتعرفينها ولا في اوراق رسميه بينج وبينها انج اتعاملين معاها شلووون!!!!!.

احنا لي رحنا المكاتب ودفعنا دينار واحد انطالبه بالوصل ولازم يكون الوصل واضح ومختوم ومعترف فيه وانتي تقولين قاعده احولها من غير لا تشوفين صور !!!!! بالله هذي سالفه اتسوينها ؟؟؟؟؟

السالفه كلها مو داشه راسي

شلون عرفتي اتدشين النت وما عارفه القوانين الي مثل هذي


ضغطت عليح بس الصراحه الي سوييتيه مو داش راسي

حسبي الله ونعم الوكيل


الله يعوضج خير

اعوذ بالله الله يوقعها بشر اعمالها قريبا ان شاء الله