هلا وغلا بالكل بدخل بالموضوع على طول زواجي بعد شهرين باذن الله . ان وخطيب دوووووووم على خلاف وهواش ونقار زادت الخلافات بينا على اتفه الاسباب واذا في سبب او لا لازم نتهاوش صار عصبي وانا نفس الحاله عصبيه رغم اني كثير طيبه وحساسه... ماصرنا نتفاهم رغم ان نحب بعض من 5سنين وصبرنا على بعض ومرينا بضروف صعبه جدا لكن تحدينا كل الضغوطات ونتظرنا وتحملنا بس مدري الحين شو صار فيه كلش مايتحمل اي شي ويقولي انتى ماتحسي بالمصاريف وتجهيزات الشقه والاثاث وكل شي علي انا اتحمله وانتى ماتفكري كيف حياتنا بتكون بعد الزواج كلها ديون ومولازم نسوى حفله كبيره وووو والله كل يوم ابكي انتظرت كل هالسنين وفي الاخر يسمعني هالكلام وانا شو ذنبي انت الريال ولازم تتحمل المصاريف وانا كل لي اقدر عليه بساعدك وما ببخل عليك بس هم مايلين ويقولي ماريد صدقه من عندك والله هو يحبني ويموت في بس مادري ليش صاير كذى ادري من ضغط المصاريف لكن باسلوبه هذا صرت مالي نفس بالزواج ومحبطه وكل يوم اقول بكنسل العرس واعمل حفله في البيت وخلاص الحين صارلنا فتره ماتكلمنا ولا شوفنا بعض وكل ترتيبات العرس مادري عنها خير شر دائما انا لي اتصل وهدي وبداء بالكلام بس والله تعبت قولولي شو اسوى شو الحل كيف اتحاور معه وشو اسوى ماريد حياتي تبداء بمشاكل او زعل اتخيل وانا جالسه في الكوشه واحنا زعلانين من بعض وماحد يكلم الثاني وين احلامنا وحبنا الي كان يحكو ويضربو علينا المثل مدري شو اسوى .. احس اذل نفسي كل ما ابدا انا الصلح .. ليش مايحس فيني مثل ما انا احس فيه هل انا غلطانه ولازم اتحمله لحد فتره العرس ماتخلص ولا هو تغير وانا ماداريه عن نفسي اذا انا بديت بالصلح وكلمته بالطيب وقلت له كلام حلو ع طول يحن ويتغير وكانه ماصار شي بس والله تعبت نفسي احس اني لي خاطر عنده .اريد يحسسني اني غاليه عنده بس هو ابدا مايقدر انتظر ردودكم ادعولي امور زواجي تتيسر ونعيش بسعاده وتفاهم والله يرزفنا الذرية الصالحه يارب
انا اقولج شسوين لاتدقين عليه ابد ابدددددددد وبعد دزيله مسج قوليله خلاص عافك قلبى اذا هذا اولها موقادر تتحكم بعصابكم شلون لما تكبر عائلتنا والمسؤليه تكبر واذا دق لاتردين خليه يفكر وتركيه اسبوع عل الاقل مو تصيرين كأنج ظله ادقين هذا واجب عليه
مشكور ام فاطمة ع الرد والله حبيبتي عادي حتى اذا تميت اسبوع وماسالت عنه حتى هو مايسال عني مو شي جديد حتى قبل الخطوبه وايامنا نفس الحاله اذا صار بينا زعل مايتصل ولا يسال ولما نتراضى اساله يعني ما شتقت لي ولا كلفت نفسك تسال عني يقول انا اعرف عنك كل شي واعرف عن اخبارك مو لازم اتصل او اخذ اخبارك من عندك عنيد والله والله ودي اغير طبعه بس ماعارف شو اسوى خاطري احس بحاجته لي مو العكس انا دائما اضعف وابسط شي عندي ابكي
الله يهديه لج يااااارب وانتي اصبري على زوجج اذا من الحين مو قادره تصبرين على الحاله الماديه الضعيفه اللي عنده شلون بتصبرين اذا جبتي بيبي ومحتاج التزامات لازم توفرونها له الحفله الكبيره مو شي اساسي في مثل يقول >> مد رجولك على قد لحافك يعني ليش الفخفخه والمظاهر اهم شي راحة البال والحب والتفاهم وغيره كل شي يهون والرجل اذا حس انه مقصر مع زوجته يتضايق واي كلمه تنرفزه وحسي فيه انتي وحطي نفسج مكانه وسلامتج والله يوفقج يااااارب وتعيشين في سبات ونبات وتخلفي صبيان وبنات
أولا استخيري ربج . . . ثانيا دااائما اقول هالمكالمات بين المتزوجين قبل الدخلة تزيددددددد من المشاكل والانفصال . . . حاولي تراعين ظروف زوجج لانج ادرى الناس فيها ولا بعمرج كله تعرضين عليه المساعدة فلوسج لج واهو مو محتاج لها ولا ترسلين لا مسج ولا تتصلين وان اتصل تعوذي من الشيطان وكلميه عادي وخلي الرجال في حاله يمكن ظروفه المادية مو قوية
مادري بس لا تكلمينه ولا تدقين عليه لانه متوتر وخايف انه يقصر معاج بشي والسبب ضروفه الماديه يمكن ما عنده أو كان تفكيره غير ما يبي يقط فلوسه كلها على عرس يمكن مفكر انه ياخذج بشهر عسل تستانسون فيه ؟؟ أو انه يفكر ان ماله داعي هالبذخ وهالكلافه على عرس ويمكن يكون حلو ويمكن ما يطلع حلوو ؟؟ وتبين الصراحه حرااام لا تخلينه يضغط على نفسه وياخذ ديون عشان بس عرس ويمكن تستانسون ويمكن لاء ويمكن يعجب الناس ويمكن لاء ماتدرين ؟؟ نصيحه قوليله خل يخش فلوسه ويوفرها حق شهر العسل انتو أولى بهالفلوس عشان تستانسون فيها مع بعض مو تقطونها على شكليات مالها داعي سوي عرسج بصاله او بالبيت شنو تفرق القناعه حلوه ... بعدين حراااام تبدون حياتكم بديون من اولها عشان خاطر الناس وعرس كبير وفخم وعلى حساب انج تدمرين حياة حلوه ما بديتها مع الانسان اللي يحبه قلبج ؟؟ اقولج شغله زوجي دايما يسولفلي عن ربعه اللي متزوجين بهطريقه انهم قطو كل ما عندهم من فلوس على عرس وخذو ديون وحالتهم حاله عشان ليله ويقول والله اغلبهم يقولون حياتنا مو حلوه من بدايتها ديون وما يكفينا شي من المعاش وبعضهم يحلفون انهم للحينهم يسددون ديون والقروض اللي ماخذينهم عشان عرس ... واللي ما استانسو بليله عرسهم وصارت ليله مو حلوه بدل ما تصير ذكرى حلوه يتذكونها بحياتهم .. حلاته الشي كل ما كان سهل وبسيط وربي يطلع كل شي حلووو دام انكم ما تقطون فلوسكم بالهبل على ولاشي .. سوو اللي يرضي الله ويرضيكم وانشالله بتكون ليلة عرسج حلوه والكل يتكلم عن جمالها ببساطتها ولو ان الناس ما يعجبهم العجب ولاالصيام برجب ..
مشكوووووووووووووووووووورين الف شكر على كل من قراء ورد على مشكلتي والله انا حاسه فيه واعرف انه متضايق بسبب المصاريف بس انا منزعجه من طريقة معاملته لي اليوم رسلي مسج يسال عني واخير تنازل ورسل وسال عني وانا عني رسلت وكلمته بزين هو ماكان يبي نسوى حفله عرس ابدا كان يبي نروح شهر العسل بس اهله ولا اهلي راضين كلهم يريدو حفله عرس وبالاخير هو اقتنع بس الحين يمكن شاف المصاريف كثرت عشان كذى تضايق انا اريد يعاملني بحنيه يحس فيني لا يرمي كل شي يضايقه فيني انا قولولي كيف اخليه يحس فيني كثر ما انا اموت فيه واتالم بمعاملته القاسيه هالايام
