السلام عليكم .. شحالكم خواتي .. انا عندي مشكلة ألاحظها علي من فترة - قبل الدورة و بعد الدورة يصير عندي توسع في المهبل بشكل كبير لدرجة اني اشك ابنفسي و في فترة الدوره تنزل علي قطع كبيرة من الدم عزكم الله - شفتي المرأه لما تسقط الجنين ،جذيه و وايد اتعب من هالشئ خاصة من القطع الكبيرة تعور مهبلي وايد لما تنزل .. ( للعلم انا مب متزوجه ) .. و ألاحظ بين كل دورة و الثانية يزيد عندي هالتوسه - هالشئ يضر فيني؟؟؟ - للعلم إني كنت متينة و ضعفت الحين وايد .. و خايفة الصراحة زواجي بعد شهر:confused_smile::confused_smile:
حبيبتي روحي طبيب نساء وتوليد مافيها شي اذا رحتي على الاقل انج تسألين احد له خبره عرفتي بس لازم تروحين دامج حاسه انه كل دوره اتزيد هالشغله روحي حق طبيبة او طبيب شاطر والله يشافيج
اشحالج حبيبتي ....والله خرعتيني انا مثلج ينزل معاي قطع مع الدورة بس شلون عرفتي ان المهبل توسع بليز ابي اعرف لانج والله خرعتيني وانا غبية بهالسوالف
لا انشاله ماكو ضرر بس الم الدورة يعني احتمال يكون في هرمونات متغيرة لازم تشوفين الطبيب و التوسع ممكن يكون نتيجة التهاب قوي بس بالنسبة للزواج عادي ماكو اشكال انشاله و مبروك مقدما
يعني احسن لما ايي اتغسل تكرمين احس انه فتحت الرحم وسيعه عن اول - ألاحظ هالشئ من دوره لالدورة الثانية .. مشكورات خواتي على اردودكم الطيبة .. الله يبارك فيكم و في حياتكم .. على فكرة أنا اماراتية بتزوج كويتي .. ما تعرفون دكتوره شاكرة إ تنصحوني اروح لها؟؟؟
حياج الله حبيبتي الكويت ديرتج الثانيه في دكاتره وايد عندنا زينين اذا قصدج عندنا بالكويت بس والله الواحد على راحة نفسيته حق الدكتورة انا عن نفسي اراجع عند منال سيد في مستشفى طيبة كلينك وعندهم اذا عادي تروحين حق طبيب اسمه محمد صلاح وايد وايد وايد زين وما شاء الله دوس عليه الحريم لدرجه اني سمعت قام مو اي حالة ادش عنده وعندنا بعد وايد بس قلت لج على نفسيتج للدكتورة انا صليت صلاة الاستخاره حق طبيبتي وارتحت لها والحمدلله ولدتني في بنتي وحق سوالف التهابات بعد زينه اساسا اهي استشاريه والله يسهل امرج
شوفي حبيبتي لاتخافين هذا شي عادي المتن والضعف ماله علاقة بعدين الوحدة توسع بعد الولادة ولازم تكون ولادة طبيعية تتوسع الوحده وانتي بنوته الحين لاتخافين ولاشي ومبرووووووووووووك مقدما
