السلام عليكم ورحمة الله وبركاته يابنااااااااااات الحلال ابى منكم مساعدة مستحيل انساها والى تساعدني الله يبارك لها في زوجها وبيتها وعيالها المساعده انى ابى رقم استشاريه نفسية واجتماعيه بمستوى فوزيه دريع او ناعمه الهاشمي لاني بصراحه محتاجه لمسااااااااااعده .. لان وضعي الاسرى لا يسر عدو ولا صديق:sad_smile::sad_smile:؟؟ ولكم منى جزيل الشكر
ما أعرف .. بس اشكي لربج قبل كل شي وكثري من الاستغفار فهو مفتاح فرج لكل عله .. والأحوال تتغير بالدعاء وكثري من الصدقات .. الله يشرح صدرج ويفتحها عليج ويفرج همج ان شاءالله ..
ولله اختي ما اعرف بس ديري بالج من اعلانات الي بالجريده استشاره نفسيه لان مرا ارفيجتي دقت عليها وكلمتها وصارو ارفيجات وبالاخر طلع واحد يسوي نفسه بنت
حبيبتي مع احترامي لدكتوره فوزيه الفاضله روحي بكل سريه وانتي بروحج لمستشفى الطب النفسي اوكي واخذي رقم ودخلي على الطبيب وقولي له مشكلتج واذا قالج فتحي ملف قولي ماقدر بسبب ظرف خاص فيني والله شكثر من رفايجي راحو هناك وكانت عندهم مشاكل يشيب لها شعر راسج ودخلوا بكل هدوء وهناك مستشارين موثوق فيهم والطب النفسي مو معناته انه مستشفى مجانين لا بالعكس اكبرها وارقى ناس يراجعون هناك ولحل مشاكلهم الاسريه او الزوجيه موفقه يالغلا
ندور اخصائيين نفسيين نقرا نبحث عشان نحل مشاكلنا وكأأننا مو منتبهين لشي واضح قدامنا ربك لاتستهينين فيه يعني فوزيه اوغيرها احسن منه انا مو ضد ان الواحد يروح لدكاتره نفسيين بس لاتخليين اول لجوئك لغير الله ألجئي لله اول شي قال تعالي جل جلاله (وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون} ومثل ماقالت اختي بشاير الاستغفار استغفري كل وقت وانتي تشتغلين وانتي تكوين وانتي تسوين ميك اب في كل لحظه بنية اصلاح حالك يارب واصبري ان الله مع الصابرين وانتي سوي اللي تشوفينه مريح لك
وش تبغي بفووزيه الدريع استغفر الله وبس انا انصحك تشكي همك الى ربك : واسأل الله اعلي القدير انه يفرج همك وهم كل مهموووم ياارب وان شاء الله البنات افاادووك ويفيدووك
