خواتي بنتي وهي بكري عمرها الحين اسم الله عليها 7 سنوات ووزنها 13 كيلو وقصيره حييييل حتى في المدرسه يضحكون عليها البنات وبالفن الشعبي مايدخلونها والسبه بنيتها مسكينه وتصدقون تلبس جوتي الله يعز السامع مقاس 28 حتى هي ضايق خلقها من نفسها مسكينه بس والله أنا يوم جبتها كانت روعه والله من كثر ماهي متينه جبت خدامه مضطره بس عشان تساعدني في شيلها وأنا من النوع إلي ماحب عيالي يطلعون من البيت وهم صغار المهم في العيد وهي أول وحده عندي يوم كملت سنه و نص لاتشوفون حجمها شكبرها لدرجه وحده من خواتي تقول لو نظربها بالطوفه راح تنكب علينا أكل مثل ماقلت لكم أول طلعه لها بالعيد في بيت حمولتي كل من فز فيها لأن أغلب حمواتي بناتهم بعمرها مسكينه ومن يومها بنتي جتها نزله معويه تنومت معاها في المستشفى أسبوع ومن يومها وهي ضعيفه حرام تنصحوني أوديها عياده تغذيه أسويلها تحاليل ولا شنوا ؟؟؟؟؟؟؟
ياحياتي الله يشفيها لج شكلها صابتها عيين اقري على اعياالج كل ماطلعتي المعوذات ماتدرين اقرب الناس يحسدون حتى الواحد من غير لا يدريي يحسد اعياله ياحياتي كثري اكلها ورااقبيها ووكليها فيتامينااات وخليها اتعلقق يعني حطيلها عصايه على البااب وخليها اتعلق والله هالطريقه اطول بنت عمي عمرها 17 وطولها 177 من هالطريقه صج والله يعني وحااولي اتوكلينها الاكل اللي يمتن عيش وجذي واذا مانفع وياها ودييهاااااااا لعيادة تغديه وان شاء الله تمتن وتشوفينها عروسه
حبوبة انا بنتي عمرها الله يسلمها 11 سنة واللي يشوفها يقول عنها 7 سنوات تصدقين مرة دخلتها الطبيب واول ما شافها جان يضربها ضحكة ويقول هي دي عمرها 11 سنة دي بعد كم سنه حتصير آنسة ازاي طبعا انا احتريت وزنها 22 كيلو اهي ناقصه عن الوزن الطبيعي 13 كيلو وعن الطول الطبيعي تقريبا 10 سم وعجزت وانا اوديها الاطبا وعملوا لها تحاليل هرمونات وكل شي والحمد لله طلع طبيعي قالت لي الطبيبة يمكن لما تبلغ تطول فجأه عليج صج بالعصاية والتمقط يعني توقف على اطراف اصابعها وتمد ايدها فوق راسها جنها تتمقط والاكل عليج بكل شي ممنوع عنا يعني البطاط الشبس المقلي زيت الزيتزن مع اللبنة السكر والملح وغيرها والله يعافي بنتي وبنتج
الخميره المحضره طبيا وهي مشتقه من الأعشاب وعسل النحل ، وتباع في الصيدليات . ولانها غير مستساغه وطعمها غير مقبول فيمكن أضافتها للعصائر أو اللبن . 2- العسل الأسود و فيه قيمة غذائيه عاليه فهو يحتوي على نسبه كبيره من فيتامين (ب) المركب ، الذي يساعد على فتح الشهية و هدوء الاعصاب. 3- البليله و يحتوي طبق البليله على العديد من العناصر الغذائيه المهمه و الضروريه لاطفالنا و خاصه ناقصي الوزن . فهي تحتوي على فيتامين (ب) المركب و فيتامين ( ه) و نسبه من الحديد والكالسيوم ، وغيرها . و كلها عناصر يحتاج إليها الأطفال النحاف لفتح شهيتهم و زيادة نموهم . و تحتوي أيضا على الكالسيوم و الفسفور و الدهون وهي عناصر تساعد على نمو الطفل و زيادة و زنه . 4- غذاء ملكات النحل ويعتبر هذا الغذاء غنيا بالفيتامينات المختلفه و البروتينات و نسبه من الدهون و المواد الكربوهيدراتيه وكذلك الأملاح الهامه . ويعتبر غذاء جيد للباحثين عن الشهيه المفتوحه و زيادة الوزن . و يتناول الغذاء مع عسل النحل مع عدم الأفراط في تناوله ( 5 جرامات على كيلو عسل) ويكفي ملعقه واحده للطفل يوميا
هلا اختي انتي شخصتي حالة بنتج وهي عين لما تتجمع حمولتج اخذي من غسالة فناجينهم وزيده ماااي وشربي بنتج وسبحيها بالماااي اذا عين ماراح تروح الا بهالطريقة والرقية بعد وما تشوف شرح قبولة وربي يسلمها يارب
