هلا..اشلونكم ياحلوات.. الحمدلله ماعندي مشكلة .. بس انا انخطبت وراح اكلم خطيبي بفترة الخطوبة يعني لمدة 3 شهور تقريبا.. عندنا جذي نسوي علشان نتعرف ع بعض يعني.. امم حبيت استفسر منكم اشلون اعرف اطباعه اشلون اتعامل اشلون افهمه .. وشنو الاسىلة اللي لازم اعرفها عنه يعني اساله اذا مر بقصة حب او او .. مع العلم اهو ريال مصلي واخلاقه راقيه حيل لما سالنه عنه وماعليه كلام.. واعرف بتقولون الريال شي في الخطوبة ةبعد الزواج شي ثاني.. بس كنظرة اولى ابي اعرف اطباعه.. اتمنى فهمتوني لاني ماعرف اشلون اوصل الفكرة لكم لكم تحياتي
هلا اختي . . . ربي يقدم لج اللي فيه الخير يارب . . . اذا تقصدين خطوبة بس حجي من غير عقد قران . . . فهالمكالمات حرام وما تجوز . . . حتى لما تملجون وما في دخلة وعرس واشهار لها وقعدتي تكلمينه لا سمح الله يمكن تتخالفون او تتهاوشون ع شي وتتفركش الزواجه لا سمح الله . . . ودينا الاسلام ما فيه شي اسمه عندنا هالعادات والتقاليد دام الخاطب لج مصلي ويعرف ربه فأكيد اهو يعرف ان المكالمات هذي حرام وما تجوز . . .
موفقه يالغاليه وكلام اختي ام عبدلله صحيح بس بالنسبه لموضوعك انا اقول لاتسبقين الاحداث وتبنين حياتك على تجارب الغير واسئلتهم لان الرجال انواع خلي نفسك عادي وعلى طبيعتك واكتشفي كل شي معا الايام وطبعا بالعشره فى بيت واحد بتعرفينه اكثر بس كبدايه معا السوالف والاخذ والعطا بتعرفينه بس هم شي خلك ثقيله وكل شي بحدود . وربي يسعدك
يعني اساله اذا مر بقصة حب او او >> آختي هذا آكبر غلط لا تسألينه عن علاقات و جذي لأن آولاً حتى لو أنه مر بهالشي بمجرد انه فكر يتزوج اكيد معناه تخلص من حياته و تجاربه السابقه و الشيء الثاني يعني من صجج يبي يقول ايه والله كنت اعرف وحده و احبها شيء طبيعي لا آنـآ ملجت و قعدت 7 شهور و بعدين تزوجت و كنآ نكلمـ بعض بهالفترهـ بسس ماعطيته مجال انه يكلمني كل وقت كنت اخلي اكثر تواصلنا مسجات مثلاً الصبح آدزله مسج آصبح عليه آو بين فتره و فتره اسأل عن اخبارهـ و إذا كلمنا بعض سوالفي معاهـ بـ ثقل و كنت آتصرف على طبيعتي علشان مو بعد العرس يقارن و يقعد يقول كنتي جذي و وين طبعج آول ....الخ و هو كان حيل طبيعي و عفوي معـآي و الرجال اذا ارتاح لج راح يقولج كل شيء و بهالفتره يكون مثل الياهل اللي يسولف لأمه عن كل شيء صارله بـ يومه بس نصيحه حآولي قد مآتقدرين تخففين مكالمات و آختصري المكالمه و بـ نفس الوقت لا تهملينه بيني له آنج مهتمه فيه بـس بطريقه غير مباشرهـ و اذا قرب زوآجكمـ على خير لاتكلمينه خليه يتشوق لج موفقه يَ الغاليه
