استفسار من بنات الكويت

السلام عليكم بنات

فديتكم أبا اعرف عن نظام القبول والتسجيل بالجامعات والكليات الكويتيه

أنا من سلطنة عمان. خريجة دبلوم تجارة إلكترونية من كلية التقنية العليا في السلطنة.
حاليا موظفه حكوميه. ناويه أكمل دراستي البكارليوس في التجارة الالكترونية في أحد جامعات أو كليات الكويت

أستفساري :
هل ممكن يقبلوني عندكم ؟
وكيف نظام التسجيل والقبول ؟
هل عندكم جامعات أو كليات للبنات بس ؟

لأن الوزارة عندنا مابيوافقون ع دراستي الأ أذا يبت لهم الموافقة والبرنامج الدراسي من الجامعه اللي بدرس فيها.

ممكن تساعدوني بهالشي.

بجامعه الكويت يعتمد قبولج ع نسبتج الثانويه و التسجيل راح يبدا يوم الجمعه تاريخ أربعه وعشرين من هالشهر
وطريقه التسجيل للكل بالانترنت بس لازم تقرين شروط التسجيل وبحط لج موقع الجامعه الجديد بعد شوي لأن غيرو موقعهم *
وعندج معهد التطبيقي فيه كليات معتمد بالكويت حق اللي نسبهم نازله و هذا شهادته مو بكالوريوس راح تكون شهادتج دبلوم لكن خلص التسجيل بسألج وحده صديقتي باجر وأفيدج اهي تدرس هناك
وع سؤالج في جامعات خاصه بالكويت وايد وأحسنهم جامعه الخليج gust أنا دخلتها وشفتها لكن ما أدرس فيها فيها حوض سباحه وملاعب و نادي للرسم بس طبعا مو مختلط في أيام مخصصه للبنات و للأولاد

لكن المطاعم مختلط ع** جامعه الكويت
وعندج كليه بو**هيل للبنات فقط لكن شهادتهم دبلوم

باجر أحط لج كل الروابط

هلا اختي . . .


الله يوفقج يارب واختي الحلوة ما قصرت فادتج وبتفيدج بإذن الله . . .

ماقصرت الحلوه فديتهااااااااا. وه
وانت الله يوفقج يااااارب

كاهو يبتلج
رابط التسجيل في جامعة الكويت راح يفعلونة ويفتحونة بتاريخ 23/12 راح يصادف الجمعة هذي
نظام القبول الإلكتروني
وهذا موقعهم الرسمي

Copyright آ© CMTD- 2011

وهذا قبل فترة كنت مداومة بالجامعة وكانوا موزعين بروشرات
وفيها هذي الارقام مالت اتحاد الطلبة
وفيها الأتي :regular_smile:​

1. للتواصل معنا طالبات 99930053 وفي أرقام وااااايد​
2. كلية الهندسة والبترول 97416827​
3. كلية العلوم الادارية 97533680​
4. كلية الشريعة 99326344​
5. كلية الحقوق 66004868​
6. العلوم الإجتماعية 97312865​
7. الأداب 66963942​
8. كلية العلوم 99099636​
9. كلية البنات 55031397​
10. الطب المساعد 60741051​
11. التربية 60331005​
12. الطب 66118101​

انحولت و أنا أنقل الارقام تأكدي انهم 8 أرقام
بس لاتنسين فتحت خط الكويت قبل لا تتصلين

يارب ما أكون نقلت غلط الارقام
وموفقة إن شاء الله:rose:



​

عيني عليج بارده يالحلوه
ماقصرت بنت المنتدى الشاطره

فديتج والله يالغاليه .. ما قصرتي

ربي يعطيج الف الف عافيه ..