اشرايكم بالبنفسجي مع الكحلي لغرفتي؟؟؟؟؟

السلام عليكم

حبيت اخذ رايكم ودي اغير بغرفتي الاثاث بصبغه هو بيج ابيه بني غامج
والغرفه فكرت اصبغها او ورق جدران بنفسجي

ويوم رحت مجمع الرحاب شفت ثريه عليها كرستال بنفسجي وكحلي اشحلاتها
فكرت احطها بغرفه نومي اذا غيرتها
انتو اشرايكم ينفع احط هاللونين اخاف ايي ابدع تطلع تلوع الجبد

شورو علي؟؟

هلا روان..خلي ورق الجدران بنفسجي بس لأنه حلو بروحه وأخاف مع الكحلي يطلع مو شي مو لازم تبرزين الكحلي خلي شغلج على البنفسجي ..هذا رأيي واتمنى اكون ساعدتج

هلا حياتي خلي البنفسجي مثل هالصوره الفاتح 0000

انصحج ان تخلين الجدران بنفسجي فااااااتح..
وبه نقوش بالبنفسجي الدااكن والكحلي يطلع خياااااااال..
وبشرينا عن الغرفة لما تجهز

انا بعد مع الاخت كت كاته
انا بعد غرفتى بنفسجيه وصراحه احبها ومامليت منها لما الحين واذا غرفتج كبيرة تقدرين تصبغينها كلها بنفسجى او فكره ثانيه تصبغين طوفه وحده بنفسجى غامج او تحطين فى ورق جدران والباجى بنفسجى فاتح
والغى فكرةالكحلي بالمرررررررررررررره

ما قصرتو بس حاطه ببالي هاللون عاجبني الغامق

علا قولتكم الظاهر الكحلي مو حلو
شنو ممكن احط لو مساند مو معقوله بحط كل شي بنفسحي ولا شرايكم

حلو بالعكس البنفسجي مع الكحلي بس حاولي ادورين ورق جدران يكون فيه الالوان هذه
واهم شي يكون غرفتج واسعه لان الالوان الغامقه تبي غرف واسعه حطي الي وراء السرير
وباقي الطوف مثلا ساده اما الكحلي اوالبنفسجي..
الله يوفقج...

اللونين متناسقين اه*** على ذوقج

منمكن تحطين بنفسجي فاتح معاه حطي استيكرات الجدران لونة كحلي جهة وحدة

والله ماانصحج بالشي الغامج لانه يضبق المكان والخلق
وانتي قلتي رايكم وهذا رايي
تقبلي مروري

حبيبتي غرفتي بني محروق والورق عسلي بعنابي من سيدار بحولي العنابي مشجر حطيت ورا السرير لون واحد
العنابي 3جهات عنبي فوق وبيج تحت نصين مصممه اللي سوته كل نهبل عليها وبالصدفه البرادي والزوليه مقاربين للالوان وسلامتج

اذا ما خلصتي حاضره بالي تبين ياالغلا

والله اعتقد انها راح تصير روعة غامرى والله كريم

البنفسجي يهبل بصبغ غرفتي ان شالله ... الكحلي مو حلوووو كاتم لاااااااااااااااااا


حطي بنفسجي فاتح وغامج انا جذيه بسوي

حطي بنفسجي مع فيروزي حلو ..

ما أنصحج بالألوان الداكنة مثل الكحلي لان هالالوان تجيب الكأبه خليج مع البنفسجي وأذا تقدرين تدمجين
الفضي معاه بس يكون مطفي راح يعطي الغرفة فخامه وتتهنين فيها مقدمااااااااااااااا

ديري بالج من ورق الجدران بجو الكويت ماينفع

اذا بخاطرج الكحلي خلي البنفسجي فااااتح وحطي معاه كحلي وتقدرين تدخلين معاهم لون ثالث مثلا الاصفر او الاوفوايت يطلع حلووو....الحين اكثر شي يدخلون اكثر من لون مو بس لونين


والبنفسجي حلوو مع الرمادي والسلفر هم حلوو مع البيج اللي تييه درجة الذهبي او الاوفوايت مع درجات البنفسجي...وممكن البنفسجي مع البرتقالي او الوردي انا مايعجني بس مرات يطلع حلووو

نصيحه لاتحطين لون باهت او غامج حطي الوان فرايحيه

موفقه ياقلبي

البنفسجي حلو انا بخاطري اصبغ غرفتي فيه بس لاتحطين معاه الكحلي لان اثنينهم شوي غامقه وشوي ظلمه بس حلو معاه البيج او الابيض
وشوفي اللي يناسبج
وموفقة