السلام عليكم و رحمت الله و بركاته ابي رايكم خواتي في الله اشلون اتفرقين ما بين الصداقه و الزماله خاصه في العمل ؟ لنه من طيبتي الزايده للأسف بعض زميلاتي صارو يستغلوني و ايخلوني اشتغل عنهم و اشيل مرات شغلهم و الموقف الي صار معاي من جم يوم خلاني أتاكد انه طيبتي الزايده و محبتي لهم مو ابمكانها ادري ممكن الموقف سخيف بس انتو قررو ؟ من يومين اتفقنا انا و زميلاتي في العمل الي مفروض صارو صديقات لي و عمري ما قصرت معاهم انه يطلعون و كنت واقفه معاهم و اختارو ايروحون مول ( أنا ما أدله) و قلت هي و الله بس خبرتهم انه انا ابي أحد معاي يدل أو امشي و رى و حده و رحنى نستأذن و لنه مديري بالعمل امكلفني ابشغل قلت ماراح ياخذ مني الا 10 دقايق و قلت اكيد بينطروني مادام ما راح اطول و اكيد نبي نطلع مع بعض ما اشوف لمه طلعت الا راحو و خلوني حتى ما اسألو عني و لا حتى مسج آخ .........قلت اشلون ..............شسوي .........اروح البيت أحسن و لمه و صلت البيت ما اشوف الا هذا التلفون يسألون عني وينج احنى وصلنا ........قلتلهم صعب علي اروح ما أدل و ما عندي أحد ايوديني الي تقولي اطرشلج ريلي ...........( صراحه شهل سخافه بأي ديره أحنى) انا قلت خلص ما يسوى ..............و انتهت السالفه بس حز ابخاطري الطريقه و الاسلوب لني ما قصرت تجاههم و الله شاهد انتو اشرايكم ؟ هل انا حساسه و لا اتوهم ؟
