السلام عليكم ورحمة الله وبركاته بنات اكتبلكم المشكله وانا متضايقة حددددددي لاني طقيت ولدي طق مو طبيعي خلاص فقدت اعصابي ماعاد اتحمل ولدي عمره 3سنوات وعندي قبلة بنت بس شنو شيطاااااني ماتصدقون فظيع كله يكفخ في اللي جدامه كبير والا صغير ..مايرد علي اذا ناديته ويطق الخدامه ويطق عمته ومأذي العالم الكل يشنكي منه صار الكل يكرهه اذا انكسر شي قالوا اكيد خلود ..والله فشلني اخته موجذي عكسه هااااديه ومؤدبه وكل اللي حولينا جذي مادري اهو يقلد منو مافي احد نفس شطانته حاولت بالمدح ماكو فايده صاير يقولي جب والحين بديت افقد صيري والله انا ما اطق وعمري مامديت ايدي على اخته بس شسوي ذبحني حتى ابوه صاير يطقه خذاه مرة لدوانيه قط القلاص على ولد صاحب الدوانيه بغى يسوي فيه عاهة ونبتلش!! ومنساع قتله نام موراضي حاولت اقوله قصة مايبي ولما طلعت لقيت هاجم على اخته وجلب في شعرها ماقدرت اهد ايده لدرجة ناديت حماتي انا افج ايده واهي ماسكة بنتي والله لوتشوفون الشعر اللي بيده ماتصدقون فقدت اعصابي ومسكت النعال وكفرت فيه لدرجة طقيته على اصابعة بالنعال وقعدت يبجي ليما نام بنات تكفون لاتجرحوني بكلامكم ادري غلطت بس موبيدي والله لما اطقة ابجي بس غصب عني فقدت اعصابي ماعاااااد اتحمل صايره عصبية احس اني ام فاشلة ياخوفي بعدين يطلع ولدي نفس هالصبيان اللي موصاحين اللي مهما تطقين فيهم مايأثر انا مدرسة هالنوعيه من الصبيان تكفون شلون اغير شخصية ولدي قبل يكبر على هالشي؟ في استشاريه نفسيه حق الاطفال؟ وادري طولت عليكم سامحوني...
حيااتي انتي الله يهديييه يااارب أميي انتي حااسه فيييج مرات ياااربي والله ماتبين تطقين بس شتسوين يحدج .. انا جذي مرت عمي تسدحهم بالارض تكفر فيييهم شيااطيين عندها توأم و مشالله شااايلين الارض وقاعدين الله يهدييهم عندج أخصاائية عفاف الرومي بالجابرية ماشالله الكل يمدحها روحيلها تعلمج شلون تتفاهمين معاه عشان لاتخلينه يكرهج الطق ما اييب نتيجة حرام بعدين يتعقد و يكرهج حرام توة صغير و تلاحقي عليييه و ادعي الله يهديييه حرام عورتي قلبي و اهوة بعد مسكين لاتطقينه مرة 2 بس حرمييه ولا هدديه قوليله ماكو كاكاو ماكو العاب جذي ترى ياهل مردة بعقل و الله يهدييه ياارب ..
حبيبتي المستبده انا قبل اطق ولدي بس مو اجرامي لكن نصحتني امي وقالت لا تطقينه وتخرعينه بكره ما يقدر يفك نفسه من الصبيان تلقينه على طول خواف ديري بالج ياقلبي
مشكورين حبيبات قلبي على المرور قاعدة احاول اتغير مثلا اذا عصبت عليه اقعد استغفر وادور شي ثاني يشغلني وفعلا سلطانه زماني على شطانته لما امس وديناهم الالعاب ولا لعبة ركبها من الخوف!!
السلاام عليكم ,, أختي حبيبتي ,, دخليه حضااانه وربي اهو فيه طااااقه زااايده يفرغها بالحضانه واللعب صدقيني والله ولد خالتي الصغير جذي لما كان عمره 3 ونص اسم الله حرج ,, فدخلته حضانه وفرغ كل الطاقه اللي فيه باللعب وهناك بالحضانه الخاصه فيه التيجر (( المدرسه )) اهي اللي تتعامل مع البيبي والله والله أحسلج ,, وبعدين وربي حرام عليج ترا يتعقد ويسير خواف ويحط حرته بإخته ,, نصيحه من اختج والله عليج بالدعاء له ان الله يهديه والحضانه سامحييييني طولت عليج تقبلي مروري : مـ ع ـزوفة حز*زن. :::::::::::::::::::::::::::::::::::::::::::::
السلام عليكم شوفي حبيبتي الولد بها العمر تعالي معاه بالتشجيع والمدح يعني حطي لك لوح بالبيت وكل ما يسوي شىء جميل حتى لو بسيط جدا وعادي مثل الاستئذان منك شجعيه بستكروحاولي تغيرينه للافضل بالتشجيع والمدح والعقاب خليه عقاب بسيط يناسب سنه واختي صدقيني اسالي نفسك هو ليه شقي وعدواني راجعي طريقتك في التعامل وحاولي دائما تحضنيه وتحسسينه انك تحبينه موب دائما تضربيه وانك تشكين منه قدامه عند زميلاتك او أهلك او حتى قدام ابوه احتوي الولد وراح يتغير والله يهديه ويهدي عيالنا والمسلمين آمين يارب
نفس ولدي بس حاول تمسكين نفسج وعاقبيه يعني ماكو طلعه ولا فيه العاب مره مرتين وراح تشوفين تغير شجعيه وامدحي فيه جدام الناس حتي لو ما سوا شي وراح يعقل والله يصلحه وصدقيني فتره وتعدي
شوفي ياقلبي الصبيان بهالعمر اغلبهم شيااطين وصج مرات يطلعون الواحد من طووره مو بس انتي تطقين 90بالاميه من الامهات يطقون شوفي هالعمر تقدرين تحرمينه من الاشياء اللي يحبهاا اذا سو شي مو زين يعني مثلا اذا طق اخته او سب احد قوليله راح اشتري حق اختك هديه وانته لا هذا كانذار اذا كرر الفعل سويها صج وروحي اشتري حق اخته هديه ولا تشتريه وبطلي الهديه جدامه عشان يحس واذا سو فعل زين دايما عطيه مكافاه بس انتبهي لاتعودينه على المكافاه الماديه خلييه يتعلم حتى على المكافاه المعنويه مثل المدح والكلام الحلوو او طلعه على البحر ويلعب بالتراب على كيفه خليه ياخذ راحته حتى لو يوصخ نفسه...واذا سو شي مو زين واخته كان تصرفها زين اخذيها بحظنج وبوسيها ومدحيهاا جدامه بس لا تبالغين عشان لاتشعلين الغيره بينهم وهم اهوا اذا احسن التصرف لميه وبوسيه ومدحيه جدام الناس وممكن تسوين حركه تخلينه ينام عندج او انتي تنامين عنده اليهال يحبون هالشي ومثل ماقالوا البنات سجليه بحضانه خليه يختلط مع اليهال واكتشفي الاشياء اللي يحبها واكتشفي هواياته وخليه ينشغل فيهاا مثلا اذا يحب الرسم خصصيله مكان مناسب يرسم فيه ووفريه الخامات والالوان انشالله اكون فدتج والله يهديلج وليدج
والله الطق حل من الحلوول انا عن نفسي لما كنت اعاقب عيالي بالطق محترمين وهادين ومالهم صوووت لما غيرت اسلوبي ولجأت للعقاب والصراخ اللي بيجيب لي الغده صاروو شيااطين وشاقين القااااااااااع وانا من النووع اللي مافيني صبر ومااحب احد يتكلم على عيالي او يتضايق منهم .. ومثل ماقالت سلطانه الطق يخلي الطفل خوااف والله صح عيالي خواافين .. الرسول صلى الله عليه وسلم يقول فيما معناه لاتضرب الوجه ولاتقبح الوجه .. والله الطق مايضر بس مو بالراس او الظهر يعني ع الايد قرصه مثلاا بس مو طق قوووي .. والله يصلحهم ويعيننا على تربيتهم ..
اختي حبيبتي ابي اقولج امي دارسة علم النفس تقول اكبر غلط انج تقوليله يا الشيطان اهو ياخذه فكرة انه صج شيطان قول ليه الله يهديك و انا مرة شفت في mbc سوبر ناني كان في حلقة اصبي وايد شيطان لدرجة يطق امه و يرفسها على ويها على ما اقتعد ما يباعد عن ولدج الله يحفظه بس اتبعت معه اسلوب الكرسي العقاب لين خف و قام يتعذر من امه و الله يصبرج و يعقل ولدج
انا ولد اختي شيطان شريتله لوحه كبيره والوان قلته ا\ا تبي تعصب شخبط بالوحه ما ابي اسمع صرا خك و حاولي تشوفين شنو هويته تنمينها ولد اختي يحب يرسم اعلق لوحاته بغرفتي مستانس الله يوفقه ولدك صغير حرام ينطق اغير انتباه اشتري هديه كل يايسوي شيء زين يحط ستكرز على لوحه وايد عطيه الهديه ومدحيه جدام الكل ان اهوه صار شاطر
مرحبا اختى/// انصحج وانصح اخواتي بالمنتدى بالإستشاريه التربويه(هيام الجاسم) واهي لو اقول عنها وامدح فيها ما اوفيها حقها وبرنامج واحة المستمعين بأذاعة القرأن الكريم يوم الاحد يستضيفونها وهذا رقمها (55575597). وتقبلي مروري وشكرا...
ياحياتي لاتطقينه صج الوحده منا تفقد اعصابهااا بس اذا تبين تطقينه على ايده بس مو بوجه ولا اماكن ثانيه حرام هو صغير ومايفهم وكل ماطقيتيه ولا صرختي عليه يعاند 000 حاولي تقرين عليه اذا كان نايم وتدعين الله يهديه 00 يذكرني بولد اختي يوم كان بعمره نفسه وزياده لدرجه كرهنا اختي تجي والسبه ولدها وازعاجه ومن كثر ماتتطقه خلاص تعود جلده عالطق قام مايفيد فيه والحين ماشاء الله رجال عقل 0000 ادعي دايم الله يهديك ياماما وعلميه هذي اختك حلوه وانت بطل القوي مايطق ومايصير شيطان من هالكلام الله يحفظ يارب ويخليه لج000
