افيدوني عن القسط البحري

:71_71:القسط البحري عشبه ذكرها الرسول صلى الله عليه وسلم
منو سمع عنها ؟ووين القاها؟
واللي جربها يكتب تجاربه..........:75_75:

شدعوه مافي ولا مشاركة
شكله محد يعرفه

دشي قوقل واكتبي القسط الهندي او البحري ويطلع التجارب

اناسمعت يفيد فى كل شىءوهونوعين ابيض واسود ويعالج اوجاع الراس والارحام والاكزيماعموماهومن الى ذكرة الرسول صلى اللة علية وسلم وماينطق عن الهواء

هلا حبيبتي القسط الهندي ذكر بالسنة المطهرة انا استخدمتة
بالرقية الشرعية بس طعمة ماتقدرين صراحة يلوع جبدي مااقدر
اذا شربتة ابي ارجع < تكرمين >
صج منة نوعين وتلقينة عند العطارين
بس انتي حق شنو تستخدمينة....؟؟؟؟

مشكورين على مروركم
انا ابيه للصداع النصفي(الشقيقه)
يعالجه؟؟؟؟

أنا خلطته مع زيت الزيتون واستخدمته لكعب القدم ولله الحمد خف الوجع

هلا خواتي انا بقولكم عن تجربتي امي ورفيجتها الله يجزاهم خير يسون خلطه يحطون قسط الهندي مع زيت زيتون الاصلي ويحطونهم بطل ويتنقع اسبوعين وعقبها تستخدمين حق اي الم يعورج تحطينه براسج او اي الم بجسمج واستمري وراح يخف معاج حيييل تبارك الرحمن
تجارب الي صارت-
عمي الله يشافي في حساسيه وذبحته الزيرتك وكل نااايم من خذا القىسط ارتاح امي يوم شافته عور قلبها راحت وسوت له الخلطه وحطته بقطره خشم قديم عندها فاضي ويقطر منه كل يوم صبح وبالليل يرفع راسها ويقطر بخشمه ولله الحمد شوي احسن قام يقعد بالدوانيه قبل مايقعد خمس دقايق ومره وحده نعرفها كان يعورها اصبع رجلها الله يعز مقداركم وحطت منه وراح الالم وانا شخصيا بس تجيني الدوره اقعد ابكي من الالم يومين بس طايحه بفراش ولله الحمد من حطيته على بطني وظهري خف الالم بشكل ملحوظ يعني اي مكان يعورج حطي مكانه ودلكي اذا راسج عورج حطي براسج وبشعرج خلي فتره عادي يصير توضين تمسحين فوقه راح يخف الالم واذا تبون اي استفسار من عيوني طبعا راح تحصلونه عند الحواج والله يشافي ياااااااااااااااارب كل مسلم