السلام عليكم ..... بنات عرسي بعد شهرين ولا سويت ولا دراعه كشخه ولا بدلات ولا اعرف شئ ابي منكم تساعدوووني يعني اللي عندها بداله او دراعات كشخه او ارقام مصممات او اي شئ ساعدوووني بليــززز ...
هلابج يالغلا مبروووك والله يتمم عليج ويوفقج ويسخركم لبعض ويرزقكم الذريه الصالحه ويهنيج ويسعدكم طول العمر ويبارك لكم ويبارك عليكم و قرب قلوبكم يارب آآآمين عندج مواضيع مثبته بقسم العرووس عن المشاغل والمحلات والمصورين و الصالونات وكل ما يخص تجهيز و شغلات العرايس موووفقه
فري بالنت وشوفي الموديلات الي تناسبج,, قصي خآم وفصلي جم نفنوف ع جم دراعه ع ذوقج.. افتري ع المعارض قصي صور من مجلات أو كتالوجات وفصلي عليها تلحلحي ياحبيبتي ترا الخيايطه مو ع الكيف يوهقونج مره تعديل ومره ماخلص ومرهمايخيط زحمه والله يوفقج
ام وسيم عندها اسعار رخيصه واعرف واحد عنده مشغل بحولي يخيط دراريع فيهم شغل وايد حلو على 12 وطالع اذا تبين راسليني عالخاص
