خواتي صار لي الحين 5 شهور تقريبا واني اعاني من تكيس وابي احمل وللحين الله ماراد لي بحمل على العلم انه عندي ولد بس اي اجيب له اخ او اخت اللي عندها حل عشان زوال التكيس بالاعشاب تفيدني اني اخذ كورس علاج بالحبوب لكن ابي شي طبيعي وادعو لي احمل يارب
اختي انا عالجت عند دكتوره وهي احسن شي للتكيس بس قبل لا ازوج وبعد تقريبا اربع سنوات تزوجت وحملت على طول رغم انه فيني تكيس ماراح==
السلام عليكم اختى مجبوس الله يرزقك بالذريه يارب انا مثلك عندى تكيس بس اهو انواع فى تكيس ماى واخذت ابر من الدكتوره ماجده اليتامى وللحين ما صار شى
حبيتي علاج التكيس هو الرجيم وتخفيف ماعلى بطنج من شحوم زايدة وانا اقولج هالكلام عن تجربتي الشخصية كنت ناوية اسوي انابيب من كثر ماتعبت من الادوية والعلاج وروحة الدكاترة ونطرة المواعيد بالساعات ........... قررت واشتركت بمركز سلم اند دايت اللي عندنا في الدوحة واكيد عندكم مشابه لنفس المركز ....وقطيت 8 كيلو .... وكان فيني تكيس بعد الرجيم رحت اسوي فحوصات عشان ابدأ العلاج مع الدكاترة وتفاجأت بعدم وجود التكيس ولله الحمد قررت اني ما استعجل واسوي الانابيب ..... قالت الدكتورة سوي اشعة الصبغة وسويتها وهي عبارة عن ابرة زيتية تسلك قناة فالوب اذا في التصقات لانه الالتصاقات من اسباب تاخر الانجاب ..... المهم سويتها وسبحان الله في نفس الشهر اناحملت الحمدلله رب العالمين ولاتنسين ان هذا الشئ بفضل الله والدعاء الدائم وقيام الليل والصدقة بنية الحمل ... وهذا انا اليوم في حضني البيبي والفال لج ولجميع من تمنى ودائما ادعي بنية الحمل الطبيعي والله يرزقج من فضله لأن ربي كريم ومافي من اكرم منه دائما اطلبيه وادعيه واصري في الدعاء وابكي وصلي الليل واستغفري لان الاستغفار يجلب الرزق ويدفع البلاء واستحسني الظن بالله واهم شي خلج متفائلة ولا تضايقين من شئ ونصيحة من اخت لج كل ما تفشلين في الحمل قولي الحمدلله وكل ماتنزل عليج الدورة قولي الحمدلله وقولي الدعاء التالي اللهم اجرني في مصيبتي واخلف لي خيرا منها ... بعد هالدعاء ربي بعوضج برزق وخير ماتتخيلين شلون وكيف ؟ وراح يبنيلج بيت في الجنة لانج حمدتي ربج على المصيبة وصبرتي عليها ومايأستي منها... وتوكلي على الله في كل شئ سوي اللي عليج وخلي الباقي على رب العالمين... وربج هو المدبر .... ودائما خلج مبتسمة ... واي حد يقولج ليش ماحملتي قولي الله ماكتب ولا تضايقين من هالسؤال لأن طبيعة البشر جذيه حب الاستطلاع والفضول ... وذا احد قالج شدي حيلج حملي قوليلهم الله كريم وادعولي .... تحملي تزعلين من شي ... لانه بأثر على نفسيتج ... المهم قلت هالكلام لأني حاسه فيج ومريت بنفس ظروفج بالضبط لكن ايماني بالله خلاني احسن الظن فيه واقول ماصار شئ هالشهر بصير الشهر الجاي والحمدلله على كل حال..
تسلمين ياعمري خلود على هالنصيحه اللي ريحت بالي وبحاول انزل وزني وافتك من العلاج بالحبوب لان تعبت وكل مافي فايده بحاول انزل وزني وانشاء الله احمل يارب
الله يعينا على ما اصابنا انا مثلج والحين اتعالج وترى الاخت خلود صاجه الدكتوره اللي انا عندها تقول اذا تبين التكيس يروح لازم اتسوين ريجيم لان سببه الوزن الزياد وقبل كل شي الدعاء بنيه الحمل والكثره من الاستغفار و الشي هذا ترى ان شاء الله انه خير الله رايده لنا والله ان شاء الله يرزقنا ويرزق كل وحده تبي تحمل اللهم اميييييييييييييييين
أختي مجبوس مبروك شفائج من التكيس ماشاءالله تبارك الله ,وإن شاءالله تكونين ::::::::حامل ::::::::: إختي أنا أعاني من التكيس وأخذت إبر تنشيط لكن ماكتب الله إني أحمل وإنتي تقولين أخذتي كورس حبوب لعلاج التكيس شنو إسمها وشلون إستخدمتيها الله يعافيج
يارب ما تحرم اي انسانه من انها تشوف طفل انا عكس الاخوات عندي ثلاثة اطفال لكن ابني الصغير الان عمره ست سنوات ولم انجب بعده واتمنى ان يرزقني الله واياكم الابناء الصالحين وراجعت الدكتوره وقالت لي ان هناك اكياس على المبيض وقرحة وللان لم يحدث حمل واخذت علاج للاكياس وعملت كي لعنق الرحم وحبوب ديان وان شاء الله ربنا يرزقنا بالذرية الصالحة.......... وآخر مرة جاءتني الدوره قبل يومين وتعبت نفسيا واسودت الدنيا في وجهي لكني فيما بعد حمدت الله وشكرته لانه " عسى ان تكرهوا شيئا وهو خير لكم " ودائما الله يختار الافضل للانسان والله قادر على كل شيئ يارب لا تحرمنا من جنتك وغفرانك ......... حسبي الله ونعم الوكيل
وان بعد مثلكم في تكيس ومتزوجه صارلي سنه ومازال عني ادعولي يابنات الله يزوله مني ويرزقني الذريه الصالحه
انا معاي تكيس وما عندي شحوم انا ضعيفه ... عندي بنتين الله يخليهم قبل لا حمل في بنتي الثانيه حاشني والله لا يوريكم شكثرهم اكياس صغار بس وااااااااااااااااايد جنهم بنك والحين انا اعالج عند الدكتور احمد الانصاري والله يشافيج ويشافيني ويشافي كل المتكيسات بعد عمري
انا كمان عندى تكيس رحت للدكتور واعطانى حبوب وقال لازم وزنى ينزل ونزل وزنى حوالى 7كيلو وراح الكيس ونزلت الدورة واخدت التنشيط وحصل حمل ولكن لم يقدر الله تمامه فلم ينزل من قناة فالوب للرحم ثم نزلت الدورة واخدت تنشيط تانى ولكن زاد وزنى 2كيلو تانى ورجع الكيس تانى .المهم بعد كل هالقصة الطويلة اناعايزة اقول لكل واحدة عندها تكيس الحبوب والحقن لوحدها ماتجيب نتيجة لازم لازم لازم الوزن ينزل لانى كنت معتمدة على الادوية واعتقدت انها تكفى ولخبطت فى الاكل فضاع تعبى وفلوسى على الفاضى وانا الغلطانة والله يعين زوجى ودكتورى على. وادعولى كلكم وزنى ينزل وربنا يكرمنى بالحمل
