التهاب الحفاظات

تكفون ابي علاج حق التهاب الحفاظات بنتي من تحت الجلاد احمر منصلخ بس تصيح تبكي:emoticon_U:

يالغلا روحي الصيدليه واشتري كريم سودو علبته قيمته 3 دنانير وشي
وادعيلي حبيبت قلبي ..​

حبيبتي انا بنتي كانت جذيه واشتريت كريم سودو كريم ولازم تاخذين معاه مرهم يصرفه لج الصيدلاني وتخلطينهم مع بعض وتدهنينها ومن اول استعمال بتلاحظين الفرق... وما تشوف شر ان شالله...

هلا حبيبتي . اول شيء شطفيها بالماى وبعدها رشي عالمنطقة بالنشا ( نشا الذرة كرتون اصفر ) وبعدها راح تشوفين الاحمرار راح واختفى بطريقة سحرية وعجيبة. هذي خبرتي لاني جربت مع عيالي كل انواع الكريمات حتى وصلت مرحلة شريت كريم للحروق. وبعد كل تغيير حفاظ حطي فازلين . وانا احط النشا داخل علبة البودرة وكل ما يلتهب مكان الحفاظ ارش منة بدون دهن عشان يبرد المنطقة ويخفف من الالم.ادعي لولدي ان الله يشفية . وما تشوف شر بنيتج.