بنات هل الجوع يؤثر على الجنين انا حامل بالشهر الثاني واكل صمون وجبن واشرب ماي تتوقعون ياااثر على الجنين وشنوبب الجوع له تكفون ردو علي
هلا اختي . . . ربي يثبت حملج ويبلغج بالبيبي السليم المعافي يارب شوفي اختي المرأة الحامل تتغذى علشان نفسها اللي يقولج علشان البيبي بنقول له انت نصف غلطان لان جسمج عنده مخزون من الفيتامينات والحديد والكالسيوم وكل شي الجنين بياخذ من مخزونج على طووول إن ما حصل شي بأكلج يعني تغذي علشان نفسج وعلشان الجنين ما ياخذ كل شي منج وبعدها يصير لاسمح الله وياج ضعف دم أو نقص كالسيوم وبالتالي اسنانج تتأثر ( لانه يمتص حتى الكالسيوم منها علشان جذي لازم تاخذين كالسيوم) اتمنى اكون افدتج أختي
نصيحه التغذيه مهمه اسألو مجربه انا صار فيني ضعف لاني ما أتغذا عدل انا الحين حامل واسناني تعورني وفيني ضعف دم وحديد تغذو تغذو.................
حبيبتي ان شاءالله يتمم لج علي خير وتفرحين في البيبي وانتي وياه بصحه جيده وبالنسبه للاكل انافي كل حمال اكون نفسج علي خبز وجبن والحمدلله البيبي مافيه شئ بس للاسف انتي ينزل وزنج وتتأثرين مستقبلا مثل ما قالت ام عبدالله .......
انا كنت ببجري والثاني مااكل ولا اكل فيتامينات والنتيجه اطلع من غرفة الولاده الدم نازل واصل 8 والكالسيوم صفر والبيبي الحمدلله بصحه جيده لان الجنين اناني ياكل منج. واقعد اكل فيتامينات بعد الولاده عشان ارجع طبيعيه . بس باخر ولاده لا احتميت بنفسي وفيتامينات وحبوب كالسيوم الحمدلله طلعت انا والبيبي بصحه جيده . يعني الاكل عشانج انتي مو عشان البيبي . وان شاء الله تقومين بالسلامه وبحضنج البيبي سليم معافا
