هذه اول مشاركة لي ... و موضوعي هو :- ليش لما الواحد يبي يتزوج وحده أو وحده تبي تتزوج واحد أهله ما يرضون و يقولون مو من مواخيذنا ؟؟؟ يا جماعة ليش التفرقة ؟؟؟ احنا كلنا كويتيين و نحمل نفس الجنسية ... و نتكلم نفس اللهجة و نتنفس نفس الهوا ... ليش الأهل دايما رجعيين بهذي الشغلة ؟؟؟ يعني شنو راح يصير اذا تزوجنا من عايلة مو من مواخيذنا ؟؟؟ راح نكفر ؟؟؟ او ان اهما من عالم و احنا من عالم ثاني ؟؟؟ يا عالم كلنا بشر و كلنا عبيد الله ... أرجوكم فهموني ليش صاير معانا جذي في الكويت ؟؟؟؟؟؟؟؟؟؟؟؟؟
انت تقولين هذا الحاصل فى الكويت لاننا ما نقدر نخترق العادات والتقاليد الموجوده فى عالم الرجال وهم وحدهم يتحكمون فى هذه الاشياء والزمن غير بعد طبوع الناس وما نقدر نتجاهل هذه الشكليات ولا ما حنا بعرب ..ومشكوررة
بصراحة الموضوع شدني أنا أأيد انزعاج البنات الكويتيات من هذي الشغلة لأنها تخلي البنت نفسها تشك بأن ناقصها شيء للأسف ما نقدر نسوي شيء لان الموضوع مو بايدنا أحنا
shokran 3la el rad ... bs 3ndy so2al ... y3ny elwa7d ytzawaj mn bara yakh`dla wa7da ma ydry shno swat-ha w bs l2an ahla qalola ekh`dha ha`dy mn mwakhe`dna...aw yakhe`d wa7da mn derta w 3arf a9elha w fa9elha w swalfha klha ????? yalla rdaw 3lay
حبيبتي طولي بالج .............في عادات وتقاليد بالمجتمع صعب انج تكسرينها او تتجاوزينها مع انها بالاصل تافهة ومامنها فايدة لكن المجتمع يفرضها علينا واللي يتجاوزها يطلع غلطان وراح تلاقين نفسج اطبقينها باجر على عيالج لان العادات والتقاليد دوامة ندور فيها ونتعب لكن مانقدر نطلع منها
ma atwaqa3 eny ra7 a6abqha 3la 3yaly (ha'da e'da ana tzawagt) l2an ma 3ndy hl 3n9reya w kel wa7d lazm yrta7 b7yata w ytzawaj ely y7ba 3lshan ma y3eesh bhal denya mo3a'dab l2an hl denya ma tswa . oooofffffffff 3eny dam3at ... Plz ed3oly eny akhe'd ely a7eba l2any wayd t3bana .
الله يعينج يا فرح .. شكلج تحبين واحد مو من مواخيذكم ... هههههه سامحيني ولا تزعلين مني بس حبيت اقولج انا خواتي ثنتين تزوجوا رياييل مو من مواخيذنا .. أول سنة سنتين حياتهم اوكي ..بس مع الأيام والعشرة تبين الإختلافات يعني الناس ما تسوي هالشي عادة بدون سبب؟؟ ولا اشرايكم بنات؟
elmshkla ena 6yab3hom nafsna...w nas mt7a`9reeen...bs 3aylat-hom ghair ... b3 en fe wayd mn rab3hom makh`deen mena
انا اول كنت نفسج..اقول ليش وليش بس بعدين بتحسين فيها ينو واي؟ الكلام سهل عن النسب ومدى اهميته لكن الواقع صعب تطبيقه كل وحده ودها ان يكون زوجها معروف اهله ونسبه ومعروف وضعه في المجتمع لان ذالك له علاقه بالابناء مستقبلا بتوضيح اكثر يعني الابناء يتاثرون بما يسمعونه حولهم عنهم صحيح الحب والتفاهم يكفي ولا كن الواقع صعب
موضوع حساس فرح صاجه انه يعور القلب لو بناخذه من موضوع الدين بتلاقين كل اليسر والسهاله بس احنا مهما تطورنا وتعلمنا بنبقى متخلفين بموضوع الزواج الحين احنا بزمن الله يعلم شلون صاير يعني انا اللي اشوفه الاهل اذا شافو الولد ماسك وظيفته وسمعته زينه مو من اصحاب السوابق واهله طيبين خلاص يزوجونه ليش يطولون السالفه احنا بزمن الانحراف فيه اسرع من الماي لما نبطل الحنفيه سواء كان للبنت او الولد حتى الزواج بين العايلات او بين مذهبين مختلفين او قبيلتين عندي احسن لانهم اهل الديره يعني الولد يروح ياخذ له اجنبيه ولا اسيويه اللي باط جبدي لما تشوفينهم بالسوق ولا اي مكان يتمشون تنقهرين لالها مله ولا دين هذي السنعه هذي الزينه هذي اهيا ام العيال يعني لو بنت ديرتك ومن عايله ثانيه مو ابرك له عالاقل من ديرته دينه لهجته عاداته وتقاليده تذكرت على هالموضوع قصه قديمه تاريخيه بس ماذكر منو اصحاب هالقصه انه عيال قاعدين يسولفون مع امهم وابوهم الابو كان حاكم والام جاريه العيال قالو لابوهم انت اسأت لنا لانك تزوجت جاريه اللي اهيا امهم والعيال اشكرو امهم عشان تزوجت من حاكم ودمتم سالمين
شوفوا .. انا قلت اني لازم احط أمل ولو بسيط .. و دايماً اقول توكلت عليك يا رب العالمي .. ان الله على كل شيء قدير .. و ان شاء الله الله راح يغير من هالطبايع الي صايرة تكسر قلب البنت و الولد .
