مرحبا....... بنات الحقوني ابي حل بيتي بينهدم ومادري انا صح ولا لا بقولكم السالفه وانتو احكموا وانصحوني كان واعدني بالسوق وبعدها صارت ظروف وماضبطت الطلعه وكان باامكانه يتحاشا هالظروف طبعا صارلي كم يوم اطلبه عصبت وقعدت اهاوش وطلعنا الجمعيه وقعد يكلمني هناك وحاقرته حتى قدام الناس كنت مقهوره وابي اقهره المهم عصب ورحت لااهلي كان عندهم مناسبه وخذيت اغراضي ونمت كم يوم ولا دق ولا دز لانها قاهرته حركة الجمعيه وانا مضايقني انه مايحب يطلعني اي مكان وهذا عيبه الوحيد مو مقصر معي باي شي بس مايحب الطلعات وانا ابي اطلع وكل زعلاتنا هو اللي يبدا يراضي هالمره قلت ببدا ودزيت اني مشتاقه لله وحقر وقعدت ادز ومايرد فعصبت وطلبت الطلاق وقلت ماعاد ابيك وفيني طبع شين كل ماعصبت طلبت الطلاق ههالمره دز لي تبيني خلي المشاكل ولا نفترق من القهر قلت ماابيك قال خلاص انتهينا انا الصراحه احبه وادري انه يموت فيني بس مادري ليش يصير فينا كذا ومدري شسوي تعبت وودي احل الموضوع بس ماابي اهين نفسي لاني حاولت كثير تكفوووووووووووووووووووووووووووون انصحوني:sad_smile::sad_smile::sad_smile:
صباح الخير حبيبتي لاتزعلين مني لكن انا اشوف ماله داعي هذا التصرف منج بعدين اذا اهو بكل شي معاج زين ويحبج بس مايحب يطلع وين المشكله حبيبتي اول شي انتي عصبيه مبين عليج تعوذي من ابليس العصبيه صفه مومحببه وثاني شي عنيده والعناد مع الرجال ماينفع حتى لويحبج يبي يمل منج بعدين انتي لو تغيرين معاملتج معه بتلقينه يطلعج ويسوي الي تبين لكن كل شي بالتفاهم وحبيبتي صعب يتغير طبع اي شخص بيوم وليله انتي تبين تطلعين واهو مايحب الطلعات ؟؟؟ المفروض ماتقعدين تصرين طلعني طلعني واسمها حنه عندنا لاتزعلين بس انا ابي مصلحتج انتي قلتي لحقوني وانا بقولج الحل حبيبتي التفاهم والصبر شوي تلقينه بيتغير ويترك هالطبع ثاني شي ولاحظته من طبعج بالكتابه تقولين مابي اهين نفسي وين الاهانه ؟؟؟تراضين وتسامحين من زوجج اهانه؟؟؟ بالعكس تاسفي منه وتعوذي من ابليس دام يحبج واشتري زوجج بطيبج فهمتيني بعدها لما تكسبينه جذيه خلاص كل شي تطلبينه يصير طبعا بدون مشاكل يالله قومي الحين ودقي عليه وتاسفي منه وروحي الصالون وكشخي سوي شعرج وحطي مكياج وتبخري وتعطري وقولي تعال اخذني العصر مشتاقه لك ماقدر ابعد عنك اوكي من هالحجي بعد انتي تعرفين ودزيلي شنو سويتي طمنيني عليج وربي يهدي لج زوجج
حبيبتي الله يصلح مابينكم ان شاء الله ،،،مافي شي اسمه كرامتي بين المره وريلها انتي الي غلطانه من الاساس اعذريني على صراحتي معاج بس يالغاليه لازم انتي الحين ترجعين بيتج وكان شي ماصار لاتقولين كرامتي حتي الريال عند كرامه وانتي الي تقولين تبدين بالزعل والغلط في ريايل وايد مايحبوت الطلعه مع حريمهم بس الوحده تاخذه يالمسايس الريال مثل الياهل تساتحلينه وطيبين خاطره وتاخذين الي تبيمه منه بس تعصبين وتزعلين ماراح تاخذين شي حبيبتي روحي بيتج قبل لا تطيح الفاس بالراس الله يوفقج ويهدي سرج ويصلح حالج ويسخرلج ريلج ويهديج
حبيبتي قلتيها بنفسج كرامتج فـ ما بالج زوجج وين كرامته عشان تحقرينه بمكان عام وانا برايي مافيها شي اذا الزوجه تنازلت وراضيه انتي وارجعي بيتج محد بياكلها غيرج دامه مو مقصر اقصري الشر وصالحيه والله يوفقكم ويهدي سركم.... طمنينا عنج
أختي . . . نسبة 90% من الرجال ما يحبووون فرارة السوق مع حريمهم . . . يعني هالمشكلة في كل بيت وبين كل زوجين لكن في سياسة وصبر من الزوجة . . . انتي غلطتي لما رحتي لاهلج وسويتيها زعلة ! وغلطتي بطلبج للطلاق !! ترى الشيطان شاطر ويدخل في هالامور ويزيد نارها . . . الحل : ردي بيتج . . . انسي كلمة طلقني ع الطالعة والنازلة . . . بهدوء وصبر وتمهيد طلبي منه تروحين السوق قبلها بجمن يوم . . . وحاولي تشترين اللازم لانهم ما يحبون الفرة والنطرة والأفضل روحي السوق مع خواتج أو الوالدة . . . وربي يهدي اموركم على خير
حبيبتي انا ماراح اقولج انت غلطااااانه البنات ما قصرو عندج مفتاح البيت روووحي البيت اكشخي والبسي وجيب ورد ولنطريه يعني سوي سبرابز بالتوفبق
البنااات كفوو ووفوو وكلهم قالو نفس الرااي والكلمه اغلب الرجاال جذي وكلنا نعاني من اللي تعانين منه بس الغلط انج تتركين بيتج على سبب تااافه ماله معنى .. ونصيحتي لج ردي لبيتج قبل تكبر المسااائل ومافي شي اسمه كرامه بين الرجاال ومرته بالعكس جذي بتكبرين بعينه وبيحس انج تحبينه صح وانج قادره تعترفين بالخطأ وحاولي تصلحين من نفسج شوي وتهدين وترى مافي شي يستااهل الهم والغم والهواااش .. والله يهدي مابينكم وطمنيننا عنج ..
ماراح ازيــد والبنات وفواا وقالوااا احلا كلام وكلامهم كله صحيح وعين الصواب وياعمري خلي عنج الحنه الزايده ,,,, واقولج معلومه الريال عنده حاجز كبير بينه وبين طلعة السوق مع زوجته مع الوقت ينكسر هالحاجز بس لازم يكون الصبر منا حنا يالزوجات لين تسهل الامور ,,, وربي يوفقنا كلنا للحياة السعيدة
مرحبااااااااااااااااااا حبايبي اشكر كل من رد علي ونصحني وابشركم رجعت بيتي واموري الحمدلله طيبه تدرون اشسويت؟؟؟؟؟؟؟ نفس ماقالت سموكه لبست وكشخت وخليت اخوي يردني بيتي ويوم رجع لقاني في وجهه ابتسم ابتسامة حب وشويه خوف قام ضحك وضمني تقولون له سنه ماشفني الحمدلله.. وربي يابنات اني عاقله وبالي طويل بس مرات تمر ع الانسان لحظات ضعف وزهق وضيق فما يتحمل حد واتضايق اشلون يطلع مع ربعه ويستانس وانا مايطلعني بس لا تحاتون انا وراه وراه والزمن طويل وشكراااااااااااااااا مره ثانيه فديتكم
حبيبتي بصراحه زعلج ماله داعي تطلبين الطلاق عشان سوق اذا صج تحبينا ازم تحبين عيوبه معاه مو تطلبين الطلاق عشان سوق هذا لوطاقج شتسوين الله يهديج بس
