السلام عليكم .. بصراحة وايد ترددت بطرح مشكلتي بس ياليت اتساعدوني انا احس اني الحين تايهة حزينة لي ابعد درجة مو عارفة اطلع من اللي سويته صحيح غلطتي بس ماتوقعت النتايج ابتوصل لي هالدرجة قبل لاتحكمون علي عيشوا قصتي حسوا بمشاعري لاتتكلمون بالمثاليات واللي يجوز ولا يجوز لاتتفاجئون قصتي اصلا مكررة بس ماتوقعت انها اتحصلي اسفة طولت بس بكتب اللي احس فيه مراح اكتب 1 2 3 بداية ونهاية اصلا مو عارفة اكتب .. انا متزوجة وعندي 3 يهال كبيرة مو ياهل وادري الي سويته غلط بس ياليت ماتجرحوني .. كنت احب واحد سنين الجامعة كلها وماحصل نصيب انه ياخذني انا رفضت لاسباب وقنعت نفسي بالموضوع كان وايد صعب بس تعايشت مع الواقع .. الله رزقني بزوج على نياته وحليو بس ماقدرت احبه لكن الواقع يقول هذا زوجي واخلصت له ويبت منه 3 ومازلت راضية فيه وابيه اصلا احس لو يصير شي بينا لا سمح الله بموووووووت من القهررر .. بعد سنين من الزواج شفت حبي الاولي وحنيت له وللاسف دقيت عليه قصدي اسلم واشوف اخباره بس الله يسامحه ماقتنع بالسلام .. مكالمة يرت مكالمة وتلفون ورا تلفون واعدته من بعيد المواعد البعيد صار قريب ولاني متزوجة خفت احد يشوفنا قالي ليش مانروح شقة واحد من الربع انا مو غبية بس توقعته كبر وعقل توقعته مايضرني هذا حب سنين مو ايام وشهور .. وافقت عشان محد يشوفنا من ثقتي العميا ابنفسي اني مراح اسمحله ومراح اخليه يشوف شعره من راسي بس للاسف السالفة صارت مثل الاغتصاب شعور الله لايراويكم شي مو طبيعي .. بدال ماعصب منه واقاطعه لزقت فيه اكثر !!! هذا الشعور اللي انصدمت من نفسي ليش مازعلت ليش ماعصبت ليش مارديت عليه ولااااكلمة بالعكس قبل لانطلع لميته !!! ودي افهم هالشعور ماني فاهمته ؟!! لزقت فيه اكثر وانا قمت ادق عليه اسولف وصارت المقابلات بارداتي!! شهور على هالحال لين حسيت اني مو سعيدة معاه ولا سعيدة مع زوجي ضعت تهت شعور مو فاهمته حياتي صارت مو طبيعيه .. مو من النوع اللي يخون ويستمتع ولا من النوع المخلص شنو نوعي مو فاهمة .. هديته مليون مرة وفي كل مرة اطالع تلفوني يارب يدق واذا دق ازفه واخليه يراضيني وارد!! مرة سويتله سالفة عشان يهدني واهوا كارهني لانه مو راضي يفج عني وصار اللي ابيه كرهني تخانقت معاه باوصخ الالفاظ محد عطى للثاني فرصة عشان انتفاهم .. بعد فترة رد يدق علي وانا حاقرته وصدقوني مراح اردله وعد وعدت نفسي فيه والحين صارلي فوق الشهرين مارد عليه .. انا ليش قتلكم السالفة؟؟ شنو ابي؟؟ مادري .. اللي اعرفه اني مو سعيدة مو زوجي عقب هالتجربة مادري شسوي ابي ارد مثل قبل ابي ارتاح مثل قبل ابي استانس مع زوجي موقادرة عقب مع جربته مع حبيبي الاولي .. اسفة على الموضوع المزعج بس كان لازم اتكلم ماعندي احد اقوله اخاف من الفضيحة اخاف من التجريح .. فرق بين زوجي وحبيبي بال .. ابي ارد استانس مع زوجي انا غلطت وصلحت غلطتي بس ليلحين مو مرتاحة مادري شسوي ..
أنتي شلون رضيتي تطلعين معاه بشقه ما خفتي أنه يكون مصورج ولاسمح الله يمكن سواها صدقيني إذا سلمتي هالمره صدقيني مراح تسلمين منها مره ثانيه، ما أقدر اكمل بس هذا واضح أن علاقتج بالله ضعيفه علشان جذي أنت مو حاسه بسعادة شي ما أقول إلا الله يهديج ويستر عليج
انا مع الاخت ارجوان فى كل كلمه قالتهااا .. لا تردين عليه امكن هاا المره الله سلمج منه .. حافظى على بيتج وزوجج محد بينفعج بعدين خااصه انتى متزوجه عندج اسره اذا عرف زوجج رااح تهدمين اسرتى بايدج .. غير رقمج .. حاول تتقربين من ربج استغفرى .. الله يهديج ويستر عليج
يعني ماشاء الله كبيره بروحج قلتيها منتي ياهل يعني كل شي سويتيه بارادتج ومو غصبن عليج اذا صج ناويه تتغيرين غيري رقمج وانسي رقمه ومسحي من ذاكرتج وتقربي من الله ترى ماكو احسن من الله اذا الله سبحانه وتعالى احن على العبد من الام واستغفري وتوبي توبه نصوحه وخافي ربج بريلج وعيالج والله يهديج
لاحول ولاقوة الا بالله اكيد اللي صار معاج نزوة وكنتي بهالفترة بحاجة للعاطفة وماجرج لهشي الا الشيطان تقربي من الله واقري القران وان شاء الله الله يستر عليج ويفرج همج وضيقة صدرج
هلا حبيبتي الواحد حلو انه يحس بغلطه 00000 وحبيبتي انتي خليتي الشيطان يدخل بعقلج ويوزج بس فكري بزوجج شلون عينج تصير بعينه000 حنا يالحريم لو نتحلم مجرد حلو انه زوجنا يخوناااااا نقعد نموت من الحره شلون انتي خنتيه وانتي قلتي حب الجامعه يعني حب طيش000 المهم الحين اللي صار صار لازم تتوبين لله وتستغفرينه بكل ثانيه والله والله مافيه احلا ولا احسن من الحلال وانتي بنفسج قلتي ودي ارجع مع زوجي مثل اول مع مع زوجي هذا انتي ماتحبينه واجد0000 المهم استغفري ربج ولا تخلين الشيطان يلعب بعقلج والشباب شنو يبون غير الاشياء الموزينه اعوذ بالله000 الله يهديج وخلج متمسكه بصلاتج ودينج 000والله قال بكتابه الحكيم(ان الصلاه تنها عن الفحشاء والمنكر)000 الله يهديج ويهدي المسلمين والمسلمات000
الحمدلله انج رجعتي لعقلج وعرفتي الصح من الغلط .. الردود اللي تبي تجيج فيهاا الجاارح وفيهاا اللي ينصح وماالومهم صح والا لا واللي اهني كلهم خوااتج ويبووون مصلحتج وانتي حطيتي موضووعج وتبين النصيحه .. انا بعطيج خطووااات وبأذن الله تسااعدج للتغير للاحسن .. اول شي غيري خطج اللي عندج عشاان هو مايدق عليج وبجذي هذي اول خطووه صح سويتيهااا اذا ناويه صج تتركينه .. ثاانيااا صلي صلواااتج بوقتهااا وتقربي من الله اكثر واكثر وخصوصاااااااا بالثلث الاخير من الليل من بعد الساعه 12ونص لي صلاة الفجر حددي لج وقت بين هالوقت اقري فيه قرأن وصلي قيام الليل والشفع والوتر واختميهاا بدعاااء مع بجي من قلب صااااااااااااااااادق ان ربي يسخرج لزوجج ويبعد عنج ابن الحرااااااااام ويبعدج عن الحراام ويخفظج لعياااالج .. ربي ستر عليج هالمره ووعااج قبل فواااااااات الاواااااااااااااان وربي سبحاانه يستر على العبد بس لماا يشووفه يطغى يفضحه شر فضيحه .. والخياااانه ترى صعبه واذا عندج بناات صدقيني حتى نصيبهم رااح يتووقف اذا لا سمح الله انفضحتي حتى عياالج محد يرغب في صحبتهم زوجج طيب وحبيب ويحبج وربي رزقج منه باعياال بصحه وعااافيه ومازااال يستر عليج هذا لانج بنعمه كبييييييييييره لاتضيعين هالنعم اللي فيج بنزوتج مدامج عرفتي غلطتج توووبي لله توبه نصوووووووووووووحه وغيري من حياااتج وتقربي من الله اكثر واكثر وشوووفي شلووون السعاااده الحقيقيه بتكووون لان اللي ربي يرضى عليه يعيش بسعااااااده الله يهديج ويسخرج لزوجج ويهديج لعياااالج ويكفيج شر الواااطي وفعلااا هو واااااااااطي << اسمحي لي بهالكلمه لانه لو حبيب ويحبج صج جان ماسمح لج تمشين بهالدرب اللي يحب يضحي لاجل حبيبه لجل يشوووفه مرتااح ومتهني مو اناني ويشووف وين رااحته ويوجهج لهااا .. افتكي منه هالذئب البشري وربي يصلح حااالج وان شاء الله مايجيج منه اي ضرر ..
عسى الله يثبتج يارب .... وحمدالله انه عرفتي انج انتي غلطاانه ... واهم ما عليج زوجج والريال هذا الحب الاول خليه يولي مالج شغل فيه واذا دق عليج غيري رقمج او قولي حق ريلج ابي فواتير او ابي خط كروت وارحمي نفسج وارحمي ريلج اللي يبيج واهم ما عليج اسرتج وعيالج الله ارزقج 3 عيال اهم ما عليج عيالج ... دربالج عليهم واستغفر ربج اكثرر واكثرر وعسى الله يثبتج يارب ... ودربالج ترى مو كل مرره تسلم الجررررره
استغفر الله ياربي الله يغفرلج ان شاء الله ويهديج ويستر عليج يارب الحمدلله انج عرفتي غلطتج خلج قويه وغيري رقمج وغيري حياتج وانسيه وارضي بنصيبج مستحيل تعيشين مع شخص ماتحبينه دوري على حبج لريلج باعماق قلبج صدقيني راح تلقين انه حبه اكبر من كل شي واهم شي عيالج حطيهم جدام عينج وقبل لاتسوين اي شي تذكري انه اهما الضحيه الله ستر عليج بالمره الاولى ديربالج ولاتكررين الغلط لاتخلين الشيطان اكبر منج ويغلبج بصراحه مع احترامي الشديييد لج بس من اللي صار معاج اتوقع انج مو قريبه من الله وايمانج ضعيف اسمحيلي على هالكلام بس الحين عندج فرصه يديده لاتضيعينها تقربي من الله حرصي على صلاتج بوقتها دايما اقري قران استغفري ربج وذكري الله بكل وقت اذا الدنيا تغفرلج فوقج رب العالمين اهوا اهم انه يغفرلج
الله يهديه ويغفر لج . . . ما اجتمع اثنان إلا ثالثهما الشيطااان . . . صار اللي صار لكن طووول عمرج بتحسين بالذنب . . . لو زوجج مصبحج بطراق ومسيج بطراق كانت عرفتي شلون تموتين فيه عدل . . . اهو زوجج تزوجج وحط اسمه وعرضه وشرفه بين ادينج وانتي سوالفج سوالف وحدة مراهقة للاسف . . . اللي كاسر خاطري مو انتي اللي كاسر خاطري هالمسكين اللي كنتي تزنين ويا رجل ثاني واهو مادرى عنج . . . وياريت حسيتي بالذنب انتي تقولين حاسه بشعور الضياع والتياه !! يعني غلطتي وارتكبتي خطأ فادح وهم شعورج مو واضح تجاه المصيبة اللي سويتيها بحق نفسج وحق زوجج . . . والحقير اللي كنتي تحبينه اول ما تمكن من وحدة متزوجة زنا فيها وعاد وزنا وزنا فيج . . . ياريت تصحين من الوهم اللي معيشه نفسج فيه هالحقير حقير واستغلج وانتي سمحتي له . . . ادري كلامي قاااسي لكن تستحقينه ع الاقل اصحي يا ام ويا زوجة واستغفري ربج وتوبي . . .
انا مع البنات كل كلامهم صح الله يبعد عنج ولد الحراام بس انتي الي رحتيلة مو اهوا الي جاج الله يهديلج زوجج ولا تكبر المسالة
الله يكون بعونج لان الشعور بالندم مثل الموت البطيء بتتعبين واجد بس لوفكرتي زين حبيبتي ترا الله يحبج، تدرين ليش؟ لانه ستر عليج وما فضحج وهو سبحانه قادر على كل شي صح عشان جذي لازم تفكرين بمستقبل عيالج وماتحطينهم بموقف يأذيهم طول عمرهم، وترا زوجج اذا عرف لاقدر الله بسهوله يحذفج وياخذ ثانيه ماعليه عيب بيكون العيب بوجه اهلج وعيالج. ((اسال الله العظيم رب العرش العظيم انه يفك كربتج ويفرج همج))
اختي عندي تعقيب بسيط على كلامج انتي تقولين لما صار الى صار مازفيتي ولا زعلتي منة وما تدرين ليش لاو لميتية قبل لا تطلعين تدرين ليش لانج انتي كنتي تبينه اكثر ماكان اهوة يبيج ولاتضحكين على نفسج وتقولين مايقدر يسويلج شي انتي رحتي معاة وانتي اتمنين هذا يصير وللاسف اختي تقارنين زوجج مع حبيبج بال....... تدرين ليش شفتي حبيبج افضل لان الشيطان زينلج المعصية اتمنى ترجعين لله وتتوبين توبه نصوحة اختي والله وبالله وتالله انه الى سويتية من الكبائر لاكن اسال الله ان يرزقج التوبه الصادقة ويتقبل منج ولاتعتبرين كلامي تجريح او تقليل من شخصج لاوالله بس من حرصنا على بعض وسامحيني على هالكلام..................................
مشكورين خواتي .. ادري موضوعي مزعج تخيلوا الفترة اللي طافت كل شي فكرت فيه حتى الطلاق من زوجي فكرت فيه قلت يمكن جذي ارتاح بس فكرت فيها عدل .. زوجي بيموت قهر لانه مو مقصر .. عيالي بيضيعون .. اهلي بيصدون عني .. اللي شجعني اني اهده مو لاني قوية لا لانه اناني مايفكر الا بنفسه لما قتله هدني وخاف ربك فيني وخر عن طريجي اللي انسويه حرام جان يقولي تطلقي واخذج الثانية واكيد قصده بالسر!!! يبيني اتخلى عن الحياة الطبيعية اللي عايشتها واعيش معاه بالسر انا احس اساس مشكلتي اني انا ابيه ولما ردينا حق بعض انصدمت من اسلوبه معاي بال .. حسيت اني ماكنت عايشة حياة زوجية طبيعية حسيت اني زوجي مايفهم ولا شي بال .. حسيت اني انا وحبيبي حيل طابجين على بعض احنا الزوجين اللي مفروض انصير .. استغفر الله استغفر الله اسغفر الله ضيعني مع زوجي عقب ماجربته .. انا باخذ بنصايحكم وانا اعترف انا مو ملتزمة بصلاتي وبالنسبة لخطي ماقدر اغيره قلت حق زوجي بغير خطي مارضى لانه يديد مابي احن عليه وايد اخاف يشك وبالنسبة حق حبيبي الاولي وايد خافة اتصالاته وانشالله مايدق كلش الله يسامحه ويسامحني .. اسفة على ازعاجكم بهالموضوع بس والله ارتحت اشوي لما كتبته وكل الكلام اللي قلتوه فااااهمته عدل يارب اتريحني وتفج عوقي يارب اتهديني وتفرحني مع زوجي والجميع امين ..
الله يهديج ويستر عليج .. وزوجج اذا تقربتي منه اكثر واكثر بيصير افضل من الواااطي واتمنى ماتمسينه حبيبج لان هذاا عدووج مو حبيبج حبيبج الصجي هو زوجج فقط لا غييييييييييير والله يهديج له .. بعد ماتتقربين من ربج وتتغير حيااتج للافضل .. في مواضيع للاوضااع ال ... اقريهااا انتي ويااه هذا اذا تبينه وتبين علاااقتكم تتطور للافضل واحمدي ربج على النعم اللي انتي فيه وتقربي لله بالصبر والصلاااه وربي يهديج ويحنن قلبج لزوجج ويكرهج بعدوووج .. اسأل الله لج الهداااايه والابتعاااد عن الضلاااااااااااال
الحمدلله اللي حسيتي بالندم<<<اللي صار صار ولاتلتفتين للماضي دام ندمتي"خير الخطائين التوابين" غيري رقمك+خلي القرآن24ساعة يقرأ في بيتك+حافظي على صلواتك+أهم شي تقربي من زوجك وشوفي ايجابياته وطلعي معها ودام مايقصر سافري مع زوجك وعيالك
لاحول ولا قوة الا بالله طيب افرضي انش حملتي وثبت حملش ساعتها شنو بيصير فيش الله دوووووووووم يستر على عباده استغفري ربش ليل نهار والله الغفار
اهم شي انج عرفتي غلطج ترى باب التوبه مفتوح ومن اسباب قبولها ان الواحد يوقف عن الذنب يعني خير شر ما تردين عليه واحمدي ربج انج ما متي عنده الله يستر عليج وتمسكي بصلاتج واحمدي ربج انه ارزقج بزوج حنون وعيال واسترج وما بانت فضيحتج ولا تخيلي ان احد طاح عليكم؟؟تخيلي موقف اهلج وزوجج وعيالج قدام الناس؟؟فكري مره تدعين ربج بصدق انه يصده عنج ويهديج ويسخر لج زوجج والله يستر عليج دنيا وآخره.....
لا حول ولا قوه الا بالله انتي زعلانه علشان زوجج غير حبيبج !! خفتي من الفضيحه و من الناس انزين و ( رب العالمين ) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حسبي الله على ابليس عسى الله يهديج وكل ضال
اللهم عفوك وغفرانك اللهم لاتواخذنا بما عمل السفهاء منا انك انت العفو الرحيم وعلى قولة ام عبدالله لومصبحج زوجج بطراقات كان تعدلتي القهر تدرين وين انج ماذكرتي الله ولا استغفرتي وكل همج انج تايهه وشلون ماتتوهين وانت بعيده عن ذكر الله شوفي انت تستاهلين بلشرع الرجم وحنا بكويت ماعندنا الرجم يعني انت مالج الا التوبه النصووووووووحه اتاستغفري ربج وارجعي لذكر الله وحطي بالج كل خاينه لها يووووم لازم ينفضح امرهاو الله يبلاها بعمرها او بعيالها
