_______________________________________________ في أخر أحصائيه للأدارة العامة للهجرة : أن عدد الأسر الكويتية التي ليس لديها خدم أو سائقين يتجاوز 1500 أسرة كويتية والعدد في تصاعد . سؤالي هل تؤيد أو تؤيدين وجود خادمة في المنزل ؟ سؤالي لك هل تؤيد وجود سائق أسيوي ( هندي بنغالي سيلانكي ) يقوم بتوصيل أبنائك وبناتك ؟ هل تعلم أن الشعب الخليجي والكويتي ينظر الية الغرب والعرب على أنهم مرفهون لدرجة أنهم أشتروا من يربوا أبنائهم . هل تعلم أن القوة الجسمانية والعقلية وقوة النمو خرجت من أطفال ال 1500 أسرة . أحد البريطانيين وهو مهندس معماري عمل بالخليج 33 عاما وهو Philip G. Barney فليب جي بارني عبر في أحد مقالاته أن الشعب الكويتي أنك عندما تذهب الى أحدى المولات ترى عوائل من العرب والاوروبيين والهنود والباكسانيين والاسويين وهي مكونه من أب وأم وأطفال ولكن العائلة الكويتية تتكون بالاضافه الى الاب والام والاطفال خادمه اسيويه وسائق اسيوي وبعض العوائل الكويتيه يصل فيها الخدم الى 15 خادمة اذا هذا كلام الاجانب فما بالك بالعرب أحد الصحف الفرنسية نشرت هذة الصورة This Is Family Koweït أحد الأصدقاء قال لي أن الذين حملوا أغنية جملية الهندية غالبهم كويتيين (يحبون هالهنود) والبقيه هنود وطعام الاندومي الاندونيسي أصبح من الأطعمه المفضلة لدى بعض الاسر الكويتيه سؤالي ليش المتزوجين الجدد ما يستغنون عن الخادمة خاصة مع توفر أحدث وسائل التنظيف والغسيل والاجهزه الكهربائية يعني مالك عذر تجيب خدامه صدقني عيالك بيطلعون رجال يعتمدون على نفسهم ويحفرون الصخر وما راح يخلي مهنه الا ويشتغلها وراح يكون حالة حال العرب . وتلقى كلامة أرتجالي ومار اح يغني ( يلا قومي قومي سويلي عصيرة ) وفوق هذا توفر فلوسك ( أنت قاعد تجيب خدامتين 600 و 700 وسائق على 250 ) لمدة سنتين تكلفتهم مع رواتبهم . تطلع عليك التكلفة 6000 دينار وفوق هذا صحة ونشاط لعيالك بأنهم يعتمدون على نفسهم وينمون نمو سليم . أنا والله قصدي أني أنصحكم وحنا بعمرنا ما جبنا لا خدامة ولا طباخة بس نشوف ناس تجيب خدم وعيالهم متأذين وحبيت أني أنصحكم شوفوا تعليقات الاعضاء كل الشباب اليوم ما يبي خدامه انتم شنو رايكم بالموضوع أعرف وحده تزوجت قبل شهر زوجها مو راضي يجيب لها خدامه شنو الي قاعد يصير أبي رايكم أنا عن نفسي ممكن استغني شوفوا تعليقات الاعضاء وأبي رايكم بالموضوع
يعطيج العافيه ويسعدني اول وحده ترد عليج شوفي حبيبتي هذولي شرلابد منه بس انا اقول ياليت الشباب يوعه الوحده اذا مو موظفه حتي لو موظفه وما عندها اطفال شتبي فيها لا وبنات هالوقت يقعدون بشقه 24 ساعه ويها بويه الشغاله ما تاخذ راحتها البنت والله ما انصح فيها جيبوها اذا اكثرو اليهال صار عندكم فلل والله يهديهم
الحين موضة الخدم ما دش بيت عايله ما تلقى إلا أنواع الخدم, خدم تروح السوق مع معزبينها وخدم طبخ وخدم تنظيف وخدم تربيه وسايق وصباب قهوه ومزارع وغسال سيارات.ونشوف المشاكل والاهمال اللي يصير بسبب كثرة الخدم ,طبعاً مانقدر نستغنى عنهم بسبب ظروف الوقت هذا بس لازم يكون كل شي له حدود .
الحمدالله على النعمه هذا والله من البطر والترف الزايد والواحد بينه وبين نفسه مايبيهم بس عشان الكلام والرزه بين بعض
انا عن نفسي اشوف الخدامه ضروريه بس لمن صار عمر ولدي سنه يالله يبتها مع اني كنت رافضه فكرة الخدامه نهائيا بس ماقدرت حسيت ماقدر بروحي اشوف نفسي واتفرغ يبت خدامه بس مجرد انها تساعدني مو اكثر .. يعني لمن ازور او اطلع مو معقوله بجابله واكشت بالاوادم واهوا ياهل اكيد بحوس ويتحرك وهم بالطلعه اغراضه ولويته وبسس .... الخادمه ضروريه باي بيت في ياهل وحتى الاجانب والغرب الناس العاديين منهم كل عايله عندها ناني بس الفرق بينا وبينهم انهم نفس جنسيتهم وانهم ماينامون بنفس البيت هذا الفرق .. مشكوووره حبيبتي عالموضوع
انا والله اشوفها حيل ضرورية اولأ الجهال يبي من يعابلهم وفي شئ مهم فيهم الى هو صراحة حق طلعت الزبايل عزكم الله من بيطلعها غيرهم وهم شيلة اغراض البيت وغيره عسي الله يهديهم ويسخرهم لنا ويكفينا شرهم
