بسم الله الرحمن الرحيم يسعد مساء كل الكروشات الحلواااااااات اللي مثلي >> بما ان الولاده قربت الله يسهل على الجميع حبيت الكل يستفيد من هالمعلومات الجيده واللي عندها معلومه حلوه ياليت تحطها حتى تعم الفائده على الكروشاتok27 **** خلطه لازاله الكرش **** بمقدار متساوي كل من : زنجبيل مطحون+شاي اخضر+يانسون+نعناع+كوب ماء الطريقه : يغلى جميع ماذكر مده 10 دقائق ويترك 10 دقائق ايضا ويصفى ويشرب والافضل يوميا قبل الاكل بنصف ساعه *****عشبه الارطه للغسول **** تغلى بالماء مع المره ولما تصير دافئه تغتسلي فيها واللي يبقى لا يستعمل مره ثانيه يعني كل مره تستعمليه كله في وقته ****التبخر ***** تتبخر الوالده بعد مايصير لها 20 يوم (قشر البصل + مره ) طبعا ماتنسون فوائد الحلبه فتره النفاس ولكــــــــــن نوقف استعمالها بال10 ايام الاخيره لانها ترخي الرحم وماتستفيدي منها الفائده بالفتره الاولى ... **** عباءه السيده ****** هذي العشبه العجيبه اللي الكل يتكلم عنهاوفائدتها تشد الارحام وتضيق بعد طريقتها * تاخذ ملعقه مه كاس مويه حار مغلي وتترك 10 دقائق بعد كذا تتصفى وتشرب مرتين باليوم ولها مده معينه ماتتجاوزينها اللي هي 20 يوم فقــــــــــــــــــــــط يعني احسبي لنفسك من اول يوم بورقه وقلم افضل *****للمولود اللي يعاني من المغص والغازات ***** يانسون وحلوه مقدار ملعقه في كوب ماء واغليها ولما تبرد حطيها بالرضاعه تخفف عنه المغص باذن الله *** لازم بنات الوالده تحط مشد بعد الولاده ( الولاده الطبيعيه طبعا) وفي عشبه اسمها (كاثه ) مطحونه تخلط مع فقس ويدهن بها البطن ويوضع عليه المشد ماشالله ماراح يطلع لك كرش ****للخطوط الناتجه من الحمل ***** زيت المراميه يزيلها باذن الله مع الاستمرار طبعا ***اكل الرشاد **** ينزل الدم المحتكر ****شرب الكراويه الزهورات**** يمنع المغص ***اكل اللحم **** طبعا موب لحم هارديز والا كنتاكي والا برجركنج والوجبات السريعه لا لحم بيت ذبايح بعظمه احسن فوائده انه يبني اللحم على الجرح ويلتأم بسرعه ****من الصيدليه ***** بيتادين مطهر هذا روعه للجروح الناتجه من الولاده وايضا مرهم ميبو للجروح بعد يخفف كثير ويساعد على التئام الجروح طبعا العنايه يابنات مهمه في هالفتره حتى ترجع اجسامنا مثل قبل وعموما تحتاج فتره مو بسيطه حتى يروح عنها تغييرات الحمل واتمنى اكون افدتكم واللي عندها معلومه تفيدنا فيها ok10
