السلام عليكم ورحمة الله وبركاته كيفكم اخواتي عندي سؤال مهم ويمكن مايخطر على بالكم وهو طريق الغسل بعد الجماع وهل تاثر على تاخر الانجاب لاني قريت في منتدى ثاني ان في زوجين تاخروا في الانجاب ويوم تاكدوا من كل شي وفحصوا عرفوا ان السبب في عدم الحمل وهو تنظيف المراة نفسها بعد الجماع فحبيت اسال الاخوات اللي سبق لهم الحمل ان يشرحون طريقة الغسل الصحيح حتى يصير حمل وما نخسر الحيوانات المنوية على الفاضي(عذرا على بعض الالفاظ لكن للضرورة)ياليت يكون فية رد سريع والله يوفقكم ويسعدكم جميع اختكم في الله
حبيبتي بعد الجماع يفضل انج تنامين على ظهرج ساعه بس انا الدكتور قالي نامي من ليل لحد الصبح ولمه تقومين الصبح تسبحي طبعا تنامين على ظهرج او تنامين من ثلاث ساعات الى ست ساعات ما يصير تقومين بعد الجماع على طول تغسلين
بس اختي سوي الفحوصات شامله وتأكدى انا نفسج سويت فحوصات انا وزوجي ومافينا شي ومن دكتور لي دكتور وكلهم نفس الكلام واخر شي رحت حق دكتور سوالي اشعة الصبغة وطلع عندي انسداد انابيب
اي حياتي بعد الجماع نامي على ظهرج وحطي تحت مقعدج مخده عشان ترفعين ظهرج شوي 00 ولازم تسوين فحوصات مثل ماقالت الاخت والله يرزقج يارب باسرع وقت ويرزق كل محروووم0000
منو قال لازم تنسدحين ساعة و3ساعات وليلة والله هذا الكلام ماله شغل بالحمل لأني انا عن نفسي اقوم على طول واغتسل لأني اتضايق من نفسي وما أرتاح حتى اغتسل والحمد لله حملت 3 مرات وهذي المرة الرابعة بس بالنسبه للغسل اختي تقول انها اذا ماتبي تحمل كانت ترش الماي حيل داخل بالدش المهبلي بعد الجماع وماكانت تحمل الا بمزاجها
والله يابنات مو شرط انها تنام على ظهرها ثلاث ساعات هو بس منوي واحد بس والله اني الفترة الي حمل فيها بنتي كنت اقوم على طول واغسل بسرعة وقبل كان زوجي مايقومني وتعبت من النومه على الظهر والله مااراد ويوم صرت اغسل الحمد الله حملت ببنوتي وكل هذا من رب العالمين اذا رزق رزق وادعي ربج انه يعطيج الذرية الصالحة وانسي ترى الظغط النفسي اثر حيل صدقيني
ماادري احسة كلاام بس لاني واللله يااابنات وربي اني كنت بعد الجماع زوجي مايخليني اقوم حتى ظهري يعورني وماااكتب ربي وبعدين صار عندنا عرس بالسعودية وانا وزجي مساجرين بالفندق والله بس يخلص اروح بسرعة انط وروح اتسبح والله انقز من مكاني وبعدين كان عرس اخوي والله وانتو تعرفون عرس الاخو غير لازم توقفين فية واحس بظهري بينكسر وغير طريق السعودية ماااشااء الله والحمد الله حملت ببنتي وقبل عرس اخوي 6 ايام انا غاسلة من الدورة وحملت وان شاء الله مفكرة احمل ادعولي اني احمل بالهشهر
يفضل بعد الجماع انك ما تغتسلين على طول لا بعد الجماع ارفعي الجزء الاسفل من جسمك ورأسك وصدرك على الارض وكوني على هذي الوضعية من عشر دقايق الى ربع ساعة ثم قومي واغتسلي ولكن ليس من الداخل مرة اي دش مهبلي لا لانه يأثر على الحيوانات المنويه فقط من الخارج وهذي الطريقة من الاسباب التي تؤدي للحمل بأذن الله من تجارب اخوات اعرفهن طبقن هذة الطريقة فحدث حمل والله يرزقك ويقر عينك بالحمل وكل محرومة
