-------------------------------------------------------------------------------- السلام عليكم شلونكم شخباركم عندي استفسار وابيكم تردون علي . انا ولله الحمد عندي بنت عمرها سنتين صار لي سنة قاطة حبوب المانع وماحملت رحت للدكتورة وكان التبويض زين بس طلع عندي خمول بالغدة الدرقية سببت لي ارتفاع بهرمون الحليب خذيت كلوميد وابر تفجيرية بس ماصار حمل واللحين ودي اسوي تلقيح صناعي اللي عندها خبرة بالتلقيح شنو شروطة ولازم اكون مسوية اشعة صبغية للرحم قبل التلقيح يعني شرط اساسي انا بصراحة ماودي اسوي اشعة ودي اسوي تلقيح على طول ابي اعرف كل اللي سوا تلقيح صناعي لازم قبلها يكون مسوي ت اشعة والله يجزاها خير اللي ترد علي ويرزقها الذرية الصالحة عاجلا غير اجلا يارب
هلا اختي اول شي سوي تحليل لهرمون الحليب لان ارتفاعه هو اللي مسويلج مناعة ضد الحمل والتلقيح الصناعي بسيط ومايبله شي خطواته كالتالي : ثاني يوم الدورة تروحين تسوين سونار داخلي او رابع يوم تكتب لج الطبيبة ابر لحث المبيض على التبويض وفي طبيبات يعطون ابر وحبوب بعد لمدة خمس ايام بعدها تسويلج سونار داخلي علشان تشوف كم بويضة انتجت مبايضج وبعدها تعطيج ابر لتكبير البويضات ان كان حجمها صغير وبعد جمن يوم الابرة التفجيرية اللي اهي هرمون يحث البويضات على النزول استعدادا للتلقيح بتطلب منج عينة من زوجج اخذي منها الغرشة البلاستك لان في رياجيل ينحرجون يروحون لمركز الطبيبة لاعطاء العينة وسيده ودها للطبيبة علشان تنشط السائل وتنقيه وتكلفته بـ65دينار وبعد ساعتين تردين لها وتاخذين عينج زوجج اللي بتكون داخل ابرة موصلة بأنبوب بلاستك طويل تاخذيها وسيدددددده تطلعين للطبيبة توسع الرحم عندج بالملقاط اللي يسمونه البطة وتحط السائل وتنامين ع ظهرج نص ساعة وثاني يوم نفس العملية تسوينها والدكتورة تاخذ 30 دينار وبعد لا تغفلين عن الجانب الطبيعي وهو معاشرة الزوج لج وربي يرزقج الذرية الصالحة
ليه التلقيح وانتي كل شئ معك كويس .... الغدة يبليها علاج بسيط وبمجرد انتظامها بيصير حمل ...الله يرزقنا الذريه الصالحه
اختي اذا بس هرمون حليب مرتفع معاج روحي لدكتوره مي بدار الشفا او اختر تعطيح حبوب تنزل هرمون الحليب وتحملين باذن الله انا سار معاي نفس ماسار معاج واخذت حبوب ونزل الهرمون والحين حامل بولد هذا شهري
اختي اولا ياربي يرزق اخوك بالذريه ويرزق كل محروم امين يارب العالمين امانه عليك وصي اخوك وزوجته بالاستغفار والاكثارمن الدعاء والصدقه وربي قيام الليل ومناجاة الرب شي جميل العبد يشكولربه ربي يستجيب دعوة الداعي اذادعاه يشكوضعفه وحاله الشكوه لغير الله مذله سمعت قصة واحد نفس حالت اخوك لدرجه الدكتور قاله اذا الجدار ينطق انت تجيب عيال الدكتور مايدري ان ربي قادر على كل شي وان ربي الرزاق الغفور الرحيم الرحمن الرجل جاب بنت وثلاث اولاد يارب لاتحرمه من الذريه وجميع المسلمين
انا والله ما اعرف شي بس الي اعرفه ان هرمون الحليب يتعالج ولما ينزل يصير حمل باذن الله وانا كان عندي هرمون الحليب وايد مرتفع رحت للدكتورة عطتني حبوب ونزل بس ما صار حمل لان زوجي مسافر ادعي لي ربي يجمعني بزوجي واحمل
مو محتاجة تلقيح كثري من الاستغفار والصلاة على النبي ففي حديث بمامعناه ان الرسول صلى الله عليه وسلم يقول اجعل دعائك الصلاة علي
اختي اوصيج على دكتورة فعلا شاطرة وامينة واسعارها مناسبة وغير عن بره آنا بحكم تجربتي معاها اسمها الدكتورة خيرية السالم بعيادة رويال كلينك نهاية الدائري الرابع مقابل مطافي السالمية رقم العيادة 256511060 روحي لها واخذي معاج كل التحاليل وان شاء الله خير
