الله يجزاكم خير ابي حل بنتي عمرها تسع سنوات من يومنها صغيرة هادئه وبسن الروضه 4سنوات تقريبا عيال اختي وروها بلوتوث الكذبه الي قالوا عنها ان بنت داست على القران وقلبها الله شبه الجرذ الي في عمان كان اشاعه طبعا-ومن يومها لحد الان والله ماتروح اعزكم الله الحمام إلا احد ينتظرها عند الباب وماتروح لغرفتها او اى غرفه في البيت الا معاها مرافق الخدامه او اختها الصغيره تعبتني حتى في المدرسه ماتروح الحمام واذا صرخت عليها المدرسه بكت ما تتحمل اي شى ابي حل من امس احاول فيها ابي اوريها الصوره انها كذب لفيلم ومصوره معاها بنت صغيره تقول لا ما ما اخاف اتذكر مره ثانية والله انه توها نامت قبل شوى وكل المعتاد بكى وخايفه جزااااكم الله خير اب وحده متخصصه علم نفس بالاطفال ارجو الرد لاني والله تعبانه حدى من هالسالفه انا وابوها مو لاقين الحل
حبيبتي الله يخليها يارب وما تشوف شر اقري عليها وديها حق وحدة تقرى عليها في عيادات نفسية زينة وديها والله يشفيها يارب
اذا انا يوم شفتها مانمت والله وخايفه اتخيلها شلون الطفل يتحمل يشووف......انصحج تقولين وتبينين لها انها كذبه بأسلووب هادي مو بصرااخ تخرعينها اكثر كل ما كنتي هاديه كل ماحسستيها بالأمان ولاااااااااا تحاولين تورينها الصوره نهائياااااااااااا ولا تجيبون طاريها خلوها تنسىىىىىىى....واقري عليها واذا تبي الحمام عوديها ماتخاف بالتدريج اول مره عادي دشي معاها بعدين وقفي بعيد..والمره الي بعدها اطلعي برا وخلي الباب مفتووح وهالشكل بالتدريج ...اهم شي الهدوووووء عشان تحس بالأمان وماتخاف ....اقري عليها داايم..ولاتخافين حبيبتي شي طبيعي اكيد طفل بيخااف الله يخليها لج وماتشوف شر ان شاء الله..اذا مافاد الي قلت لج روحي دكتوره متخصصه
الله يفتحها على من تحل مشكلتي وتمر وعليها تسلمين يا حياتي ام فطوم واشكرك على مرورك والله اني قريت عليها أول ماجتها الحاله وفهمتها لما اكبرت والله من اربع ايام تناقشت معاها لاني صرت اخليها تلعب العاب باربي بالنت وقالت نزليهم لي الالعاب قالت ما ينزلون لانك انتي وامريكان ومن جميع دول العالم تلعبين قالت وع ما احب الامريكان متاثرة في انفلونزا الخنازير صديقاتها بالمدرسه يقولون انها من امريكا قلت ياماما فيه امريكان مسلمين قالت ابي اشوف كتبت بالقوقل صور اطفال امريكان مسلمين تخيلوا شنو طلع من ضمن الصور (( الصورة اللي كانت السبب في مآساتي )) ومن الربكه قامت تصرخ ما عرفت اتصرف لان الصوره حق فنان فرنسي على ما اضن مسويها بالصلصال بس حظي الردى حطتها من ضمن الصور وقلت لها ابي اشرح لك ابي اوريك الصوره قامت تترجاني الله يخليك ماما ما ابي اشوف ......وانا خليتها تصلي صار لها تقريبا شهر ماشاء الله ولا فرض تخليه لاني فهمتها في سن 10سنوات تحاسبين من الله فقالت ابي اصلي الحين علشان اتعود ولما يصير عمري 10 ماانسي ولا فرض تخاف من الله واجد رغم اني مافهمتها هذا بس اول ماتاثرت بالصوره يوم عمرها 4كانت تطالع في السماء وتقول يارب انا احبك لاتسويلي كذيييه والله على ما اقول شهيد والله اني ما ابالغ هذا اللي صاير معاها انقذونيي ابي احد متخصص بعلم النفس واله لا يوريك مكرووه في غالي
أسم الله عليك ياالغاليه :teeth_smile:يا احلى الدلوعات والله اني ناقشتها وطلبت منها اليوم اني اراوي اختها اللي اصغر منها واذا قالت ما تخرع تشوفينها قالت لا واي تنسي يالغالية الموضوع صار له خمس سنوات تعبت والله
حبيبتي لا تصدمين البنت في الصورة عقلها صغير وغير ناضج وماراح تستوعب كلامج إن فنان مسوي هالتمثال بنتج فيها خوف وصلاتها وخوفها من رب العالمين نتيجة لخوفها إن ربي يغضب عليها ويخليها مثل التمثال المخيف دشي لبنتج من ناحية ثانية وهي إن رب العالمين يحب الأطفال ولا يمكن إنه يأذيهم ولا يسويلهم اي شي لانه يحبهم وإن رب العالمين يشوفنا ويسعد كثيرا لما يشوف بنت بعمر بنتج تصلي وربي بيعطيها حسنات لان عنده كتاب يتم تسجيل كل عمل طيب لها بنجمة اسمها حسنة وصورة هالجرذ الكريهة لاعاد تجيبين لها طاري أبدااااااااااااااااااا وإنتي لما تراوينها الصورة انتِ بتسببين لها صدمة عصبية ثانية بيتعبر عنها بالبجي اشتري صلصال وقعدي وياها وسووا شغلات وقولي لها لما تسوين وردة شفتي هذا نسميه فن وانا فنانة لاني سويت وردة وانتِ تقدرين تصيرين فنانة وترسمين وتسوين شغلات كثيرة مثل بقرة وردة ثور اى شي يكون من جنس الحيوان لكن ولا تلمحين لها عن التمثال المخيف ابدااااااااااااااااااااا هي بعقلها الطفولي بافهم بينها وبين نفسها ان اللي شافته هو تمثال لانج سبق وقلتي لها انه تمثال و ... و... والصبر أختي الصبر الخوف في كل نفوس البشر اشتري لها اضاءات في غرفتها تكون شغالة وهي نايمة ولما تبي تروح اى مكان حمام -اعزج الله - لاتضغطين عليها انها تروحله بروحها عادي روحي وياها انتظريها وشوي شوي سحبي نفسج جمن خطوة عنها بحجة انج تسوين شغلة مسافة بسيطة لاتبتعدين كثير عنها وحاولي بعدها انج تدخلين غرفة ثانية وتسولفين وياها واهي بالحمام لتأنس بصوتج وتعمدي تسكتين شوي عشان تتعود على انها تكون بروحها وانتي بعيدة عنها شوي وماصار لها اى شي . . . وماتشوف شر
أثلجتو قلبي جعل مثواكم الجنة عزيزتي ام عبدالله أشكرك وأشكرك كل من وساني ورد على والله ان ردود مثل الثلج على قلبي ريحتوني الله يريحكم ومشكوره ام عبدالله راح اجرب طريقتك والحمد لله اني ما تسرعت ووريتها الصوره معاك حق عمرها ماراح تعرف تفرق والله يجزاكم خير وجعل والديكم الجنة وماتشوفون مكروره ويجعل ايامكم كلها سعيده والله اني فرحانه بمعرفتكم ادامكم الله
الله يكون بعونج بس لاتستغربين انا على كبر سنى لحد الحين من كنت اصغيره اخاف من شى اسمه جيش حتى لو شفت احد لابس لبس جيش اخاف او اناسان ضعيف الجسم اذكر الجيش العراقى وتعذيبهم للناس
الله يعينج اختي ممكن تاخذين الامر بالحيله شلون اول شي فهميها ان هذا الشي خدعه وخلي البنات لي وروها البلوتوث او مجموعة بنات يورونها تصوير تكونين انت مصورته بتعبير انه كذبه او خدعه وريها اشياء بالتلفون حلوه وشي غير تماما عن الي شافته والله يشفيها يارب
مرحبا حبيبتى انا اختلف شوى مع آراء خواتى اللى شاركو واحترم رأيهم احنا اذا شفنا فلم رعب تصرقعنا اشلون الطفل عن نفسى شفت فلم رعب مع زوجى 3ايام ادخل الحمام مفتوح الباب حتى زوجى قعد يضحك على نصيحه لا تذكرين بنتج باللى شافته خليها تنسا وتعيش حياتها عادى الطفل بسرعه ينسا لما تحسين انها بتنام اشترى لها قصص مسليه او مضحكه وخليها تشوفها معاج وانتى اقريها راح تكون بمخيلتها ومن ناحية الحمام شى طبيعى بتخاف بس مع اللعب والقصص راح تنسا ولا تذكرينها بلللى شافته علشان تنسا وصبرى عليها كل شى راح يرد طبيعى وحاولى تشغلين قرآن بغرفتها وهى نايمه عسا الله يحفظها
اختي مابزيد على كلام ام عبدالله ماشاءالله عليها كفت ووفت لاتعيدي لها السالفة اللي خرعتها والله اذا احنا الكبار لما نخترع من شي نحاول ننساه وبالرغم من اانا نعرف انه كذب فمابالك بالصغيرونة ربي يحفظها لك ويخلصها من عقدتها انتي حاول تنسيها الموضوع ولاتفتحيه لها باي شكل واقري عليها ونحن بندعي لك ولها وابقى طمنيننا عليها
يايمااااااااه الله يعينج صج موقف صعب .. يبة والله مالج الا القران .. اقري عليها .. صدقيني مع السنين انشالله تنسى المصيبة انها الله يخليها لج صغيرة حاولي تنسينها بالسوالف والضحك حاولي تغيرين جوها بالطلعات .. عشان ماتفكر خليها ماتروح الحمام وانتي بكرامة الا واهيا خلاص كانت قبلها تلعب او تضحك او تسولف .. حاولي تقولين لها انتي كبيرة .. وانتي قوية .. والله يحبج حيل لان انتي تحبينة والله مايضر اي احد وتذكري ان الله وياج وين ماتروحين وماراح يصير فيج شي دام الله يحميج <<< حاولي توصلين لعقلها هممممممم ما ادري حاولت اساعدج .. وانشالله تستفيدين .. الله يخليها لج .. والله حالتها صعبة .. دعواتج
والله حيييييل ودي أساعدج بس ما عندي أي حل لأن انا لما كنت صغيرة كنت نفس نظام بنتج و طولت على هالحالة ما تحسنت إلا قبل جم سنة و للحين نادراً ما تروح عني هالمخاوف و على فكرة الخوف كان من شغلات و أماكن محددة بس تشعب والله مو قصدي اخوفج بس لأني حاسة بالمعاناة بس ديري بالج لا تسكتين لا تخلين عيادة نفسية و لا استشارة و لا مشايخ كل مجال حاولي فيه و ادعي لها على طول ترى اذا كبرت على هالحال راح تحملكم الذنب و راح يكون علاجها اصعب
اخر اخبار بنتي وخوفها جزاكم الله آلف خير كل من رد على وشاركني الله لا يحرمني من حلووولكم اللي انا محتاجه لها أشوف راى الاغلبيه كان بطرقه ام عبدالله الله يجزاها خير من غير قصور بكل وحده ردت على والله اني استفدت ردت من قبل اسبوع تقريبا لرامز ولقيت فيه كرتون صغيره لعبه بطريقه على ما اضن انه صلصال مرسوم علي الكرتون سمكه -بنت-وحش-وغيره كانت هي معاي وقلت شوفي حلو واخذت من كل نوم الا طبعا الوحش ما رضت وسويت معاها بالبيت قالت ماما اعرف اسوى خواني ما يعرفون قلت لانك فنانه كل واحد يتقن العمل بشي (الي تقول بنتي صغيره ) بنتي عمرها ألحين 9سنوات راح تكمل 10 بشهر 12 تروح للصف الخامس يعني الازمه صار لهل 5 سنين =الله يعين وقريت عليه هذا رد للخوات اللي قالو لي بس باقي دكتور نفسي لاني قررت اوديها بس اللي تعرف دكتور زين لاتنساني قولي لي الله يجزاكم خير لان الموضوع طال وتاثرت فيها اختها الصغيره صارت تخاف على انها كانت جريئه بس لما سمعت اختها تصرخ وتشنجت على من اسبوعين لقيت تنفض بالسرير وهي واقفه على طولها وزرقت ( هذى بنتي اللي فيها الحاله)تقول شفت شي تحت سرير اخوها طبعا تهيئات طولت عليكم بس هذي اخر اخبارها الله يعينكم على الاطاله عورت راسكم السموحه
اي علاج نفسي يعالجه ضرب المؤخره صدقيني والله انا نص رفيجاتي الي يصيرون لهم ناس فيهم شي اعالجهم بالضرب على المؤخره خل اقولج الطريقه : اخذي بنتج ووديها غرفتها قوليلها انا بطقج على وره بس مو حيل كل يوم لمده شهر او شهر ونصف بس لا تقولين حق احد حتى ابوها اخذيها كل يوم لمده شهر ونصف او شهر ييبي عصا خيزران وضربيها على مؤخراتها بس لاوم يكون الضرب غير مبرح والله العظيم واتكون وقتها لابسه بجامه كل يوم ضربيها بس مو حيل على الخفيف وشكرا
شكو ضرب المؤخره بالخرعة؟؟؟ مو قالوا تأدييب؟؟ اختي روحي حق دكتور عبدالله السيوحي بالمركز الاسلامي بحولي اهو استشاري >> اخصائي نفسي و مقرئ بنفس الوقت اكيد يفيدج خوش ريال واسلوبه روعة
الله يعينج بس طولي بالج انتي عالجيها بطريقتج وشغلي القران عندها على طول ورافقيها باي مكان ان شالله الله يفك ازمتها
مشكورين حبايبي على المرور واقتراحاتكم الله لايحرمني منكم يا خواتي ......................... وأبشركم فيه تحسن على انه بسيط بس الحمد الله
