عفيه ساعدوني والله لادعيلها اللي تساعدني وترشدني ما اعرف شلون اطلب زوجي اي شي انا ابيه واستحي مع ان دايما هالشي يكون بخاطري عفيه علموني شلونمثلا اذا احتاج فلوس او اي شيء احنا تونا متزوجين حتى عيد ميلادي قرب واستحي اذكره
عسى ربي يتمم عليكم ويوفقكم حبيبتي لا تستحين عاي مثلا محتاجه شغله من السوق قولي يافلان ياحبيبي من الكلام المعسول بغيت منك اللي تقدر عليه بروح السوق بخاطري شغله او بشتريلي من السوق<<<<لاتعودين الريال انه مايصرف عالبو تستحين عرفتي لازم يتعود يعطيج من نفسه اصلن او لما تطلبين منه عرفتي وبعيد ميلادج قبلها ذكريه قوليله عيد ميلادي قرب وناطره مفاجأتك لي وومن هالحجي الحلوووووو او قوليله واي ناطره يوم ميلادي بفارغ الصبر لان اول عيد ميلاد لي معاك وراح يكون احلا عيد ميلاد مر علي >>لازم نبالغ شوي هههههههههه وقولي ناطره مفاجاتك لي
ايه تذكرت تقدرين تدزيله مسج تذكرينه قبلها بجم يوم بعيد ميلادج او اذا بغيتي فلوس دزيله مسج لما يكون بره البيت<<عشان تتجراين شوي عرفتي كتبي اللي تبين بمسج ودزيه ليما شوي شوي تتجراين وتتطلبين منه وعسى ربي يوفقكم قولي امين
انا رأي من راي اهات وانصحش انش ماتستحين لان السحى مره وحده راح تروح عليش اشياء حلوه والسحى حلو عالمرا بس بحدود واذا حيل مستحيه طرشيله مسجات والله يوفقش حبيبتي ويسخره لش
والله مشكلتج مثل مشكلتي اول زواجي بس سبحان الله مع الايام راح يتغير طبعج لوتشووفين اشلون الحين اطلب زوجي الله يوفقج على العموم
الله يوفقكم ويسعدكم انشالله شي طبيعي تستحين وهذي مشكلة الي مايشتغلون كل شوي لازم تطلب وهذا من حقج بس حلاتة معاشج بيدج وعلى كيفج بس كل وحدة وضروفها عودية انة لازم يعطيج من اسلوبج والكلام موشرط انة انتي تطلبين منة دزيلة مسجات موتصيرين رسمية خليج ع طبيعتج مع جم كلمة حلوة
حبايبي فديتكم ومشكورين على نصايحكم الوردة عواشه انا طالبه في الكليه يعني ان شاء الله اتوظف وصحيح كلامج لازم يكون عندي وظيفه فديتج
لا تستحين وطلبي الي تبينة وخذي كل شي خاطرج في فلسي بالمرا بيومت فيج واذا على راحتة مادرى عنج اطلبي طلبات اعجازية عادي عادي وكيفة يدبرلج دام هالشي بخاطرج نصيييييييييييييييييحة للسفر تطلع فلوس مادري من وين لما تطلب المرا ماعندهم سبحان الله عادي وذكري بعيد ميلادج بضحكة اذا ماجاب هدية اخذي بخاطرج علية تشرهي علية عادي عادي
حبوبه انا اقول بالبدايه حاول اذا بتطلبين استخدمي اسلوب الكروت او المسجات وكتبي ماعليج امر ولو سمحت واذا في مجال يالغالي ومن بعد اذنك بهلسلوب والله يوفقج
