الله يستر على عيالنا .......خبر يصدم الجميع

السلام عليكم يابنات والله ان وزارة التربية رح تضيع غيالنا بمناهجها الجديدة تدرون ان السنة الجاية رح يتغير منهج الصف الأول الإبتدائي لمنهج صعب حدا جدا يمكن تسألون شلون عرفت ؟
احنا مدرستنا مطبقين المنهج الجديد كمنهج تجريبي وسمعنا من موجهتنا انه رح يطبق والله محد راح ينجح فية خصوصا انه يناسب الاطفال ذوي الذكاء الخارق تخيلو عيالنا فهمهم على قدهم وحطولهم منهج يناسب رابعة ابتدائي ما أقول إلا حسبي الله ونعم الوكيل

حسبي الله ونعم الوكيل فيهم على حظي عاد ولدي السنه الجايه بإذن الله اولى ابتدائي والله شكلي بأسسه من نص هالكورس عربي وانجليزي والله يعين يارب وانت همتكم معانا يامدرسات عطوهم رايكم ..

لا تعليق هاي للي تبها مامتنا العوده اقصد(امري

السلام عليكم جميعا عندنا بالسعودية كمان عاملين مناهج جديدة للإبتدائي حييييييييييييييييل صعبه خاصة الرياضيات كرهوا الصغاااااااااااااااااااااااااااااااااار بالدراسة بس إن شاء الله يكون من صالحهم في المستقبل

الله يستر من القاااادم

المناهج تبي دراسة من لجنة اعضاااءها يكونون فاهمين

واللي حاصل عندنا كل من هب ودب صااار عضو بالجنة علشااان الفلوس !!

أسسوا عيالكم بالحروف واصواتها القصيرة وكيفية إمساااك القلم . . .بالنسبة لمنهج اللغة العربية . . .

وربي يعينا ويعينكم يااارب​

حسبي الله ونعم الوكيل

كل سنه حاطين منهج جديد على حساب عيالنا حسبي الله عليهم يبررون فشلهم بفشل ثاني
انا اقول يرجعون منهج مع (حمد قلم )يكون احسن وييفكونا من اانجازاتهم وسخافاتهم

الصراحهه خرب مستقبل اليهال

ليش انتم متشائمين ؟؟؟؟؟؟؟

يمكن يكون من صالح اولادكم ........

ترى الصغار يفهمون اسرع من الكبار بالعكس خلهم يتعودون ع التفكير من صغرهم احسن من

انهم ينصدمون بالتغير الجذري اذا خلصوا ثالث ابتدائي تغيرت مناهجهم فجأه..........​

مو معقول هالخبر


الله يعين بس




سهلوا ولا تعسرووو

ايه والله صاروا اليهال يكرهون شي اسمه دراسه

حسبي الله عليها هي ماكفاها دعاوي العالم عليها برمضان عن العطله بعد تبي تصعب على عيالنا وقردي =====> هي لي بتعقد مو ولدها

يا جماعة تعالو شوفو المدارس الهندية بتدى ايه للولاد اللى فيها والله واحدة صاحبتى بتقولى ابنها في KG2 هو مصرى وفى مدرسة هندية بالامارات والولد ما شاء الله ولا قوة الا بالله حافظ لحد Tow hundred شفوى ولحد one hundred كتابة وحاجات كتير ما شاء الله مفيش مجال احكيها دلوقتى لعلمكم الضغط على الولاد مش زى ما انتو فاكرين بيكرهم بالدراسة بالعكس دا بيخلي مخهم يتشغل اكتر علشان يستوعب اكتر. بس احنا بس اللى بنحب ندلع ولادنا زيادة عن اللزوم علشان كده اغلب المدارس الهندية ما بتقبلش عرب ، انا شخصيا نفسى ادخل ابنى مدرسة هندية وبالفعل قدمتله في كذا مدرسة هندية وادعولى يقبل في واحدة منهم.
والله المستعان ............... ​

اللهم اجعله خيرا الله يعيننا ويعينهم ويعين اطفالنا مشكورة على الخبريه

هلا حياتي صدقيني التغير مطلوب ولاتزعلين انشالله يكون لمصلحة العيال عسى ان تكرهو شيئا وهو خيرا لكم.

ياساتر يارب ومدرستنا كمان بتعمل نفس المنهج
​

خواتي العزيزات نحن في دولة الإمارات بدأنا تطبيق النظام الأجنبي في مدارسنا قبل 6سنوات وكانت بداية التجربة مع الصف الأول في مدرسة ابنتي النموذجية وبعد شهرين من بداية العام الدراسي ودراستهم للعلوم والرياضيات كانت باللغة العربية طبعا بعض الأهالي احتجوا خلال الاجتماع التوضيحي من المسؤليين بس نحن عجبتنا الفكرة وقلنا ليش لا وبدأ البرنامج وما بتصدقون لو اقولكم خواتي ان كلنا اصدمنا من تقبل عيالنا للمنهج الجديد واستيعابهم له اكثر من العربي وتقدم مستواهم في اللغة الإنجليزية عن المدارس الثانية اللي في نفس المرحلة وهذا جعل المسؤلين يعممون الفكرة على المدارس النموذجية بالدولة كلها وما شاءالله على بناتنا اللي الحين بالصف السادس متميزات باللغة وبالعلوم لدرجة ان معهد كامبرج البريطاني يقدم لهم امتحانات بدون دورات وكانت صدمة لهم فوز المدرسة بالمركز الأول عالميا في هذي الإمتحانات وارتفاع نسب الطالبات من هذي المدرسة
اسألوا عنها وبتتأكدون ( مدرسة الآفاق النموذجية)

يا حلو مع حمد قلم ..

الأخت\تولي

هذا موشيي جديد على وزارة التربيه،أنها تواكب العصر الحديث ،بس بالمعكوس للحين رافعين شعار((الهرم المقلوب)).على راى الوزير الراحل((د\أحمد الربعي))،أنا ولدي يدرس بمدرسه ذات نظام بريطاني،ماشفت أنهم يغيرون المنهج كل24ساعه،مثل أهنيه عندنا،غير أن طلباتهم القرطاسيه بس بداية السنه فقط لاغير ،رغم الأقساط المدرسيه بس مرتاحين،غير أن وقت الأمتحانات،يوقفون الواجبات رغم قلته،غير أن المنهج مايهلك الطالب أحفظ ولاتفهم،مثل ربعنا أهنيه ،أحفظ ولاتفهم،وتعاملهم الراقي مع ولي الأمر،موهنيه ياساتر بعض المدرسات الله يهداهم ينقلون مشاكلهم ويفشون خلوقهم على الطلبه المساكين،إلى مالهم ذنب،وخفة الحقيبه المرسيه لأن بعض الكتب مال حاجه ياخذون وياهم البيت،الله يعين عيالنا في المدارس الحكوميه وخصوصا الصغار بالمرحله ألإبندائيه ،إلى كأنه شيل شنطة كتب ورايح الجامعه،الله يعينكم.ودمتم سالمين

أم الخالدي ..
انا ما أوافقج الراي.. انتي طلعتي المدارس الاجنبية احسن ناس و 100%

ممكن اسلوب الدراسة يختلف بالمدارس الاجنبية .. وطريقتهم حلوة في بعض المواد مو كلها ..

لكن انا بنات خواتي تقريبا كلهم في مدارس اجنبية وذات النظام البريطاني .. وتعتبر أحسن مدارس اجنبية بالكويت ..
لكن الواجبات اللي تكسر الظهر موجووووووووووووووووودة ..
المدرسات النحيسات واللي الطالبات مايحبون طريقتهم ( اجانب من المدرسة نفسها ) موجوووووووووودين .
الطلبات اللي ماتوقف طووووووول السنة موجووودة .. حق يوم الماث و يوم الرياضة و يوم الهالوين و يوم ويوم ويوم وكل يوم روحوا اشتروا لبس شخصية غير .. وكل يوم من هالايام فيه مسابقة احسن لبس و احسن تفنتق .. و شفط بالفلوس ..وطبعا بنات خواتي كلا اهم اللي فايزين باحسن لبس واحسن تبدع .
صج اني تعجبني هالشغلة بالمدارس .. وحلوة مسألة تفهيم الطالب من خلال التفنتق و لبس شخصيات معينة .. و توصيل المعلومة من خلال اللعب ..

احنا راضين بهالصرف والتعب .. لكن ما ايي واقول ان مافيها صرف .. بالعكس كلها شــــــــــــــــــــــفط فلوس وتعب على الاهل ..


ماكو شي كامل ..

انا كنت مشاركة بهالموضوع من قبل .. لكن تعقيبا على كلام الاخت ام الخالدي غصبا عني رديت على هالموضوع .. ذاك أول اللي كنا نشوف المدارس الخاصة فوق المدارس .

تقبلي مني اختي .. و حياكم الله ..