يابنات آنه الحين بمشكلة ومو عارفه لها حل طول عمري لما اولد يكون الادرار عندي اكثر من الحاجة الا هالمرة لما صار طفلي صغير وبالحاضنة وما يصلح له الا حليبي كل يوم يقل الحليب مع اني احاول اشفط اكثر من مرة باليوم واشرب ماي كثير بس كل ماله ويقل نفسيتي قلقة واخاف ان الكمية بعدين ماتوفي حاجته ويعطونه حليبهم الي ماينبلع من الريحة الزنخة والقوام الثقيل غير انه مايساوي شي عند حليب الام يابنات شنو الاكل الي يخلي الحليب يدر ؟ واذا في منتج بالصيدلية وجربتوه وفادكم حق هالسالفة دلوني عليه والله يجزا كل وحدة بترد علي الجنة ويخلي لها من تحب
يعطيج العافيه والله يخليه لج بس نصيحتي روحي لاستشاري اللي بالمستشفى اللي موجود ولدج فيه و اساليه يعطيج نظام غذائي
حبيبتي الله يخلية لج ومثل ما ققالت اختي ارتال روحي للطبيب الاستشاري وايد احسن الله لا يحرمنا من دعواتكم الحلوة
اكلي مع اكلج حلبه اتزيد الحليب وهم حيلج بالرهش واااايد مضبوط والهرده مع التمر هالاشياء والله واااااااااايد زينين حق الحليب بلا حبوب بلا شي وصدقيني شوفي اذا ما فادوا معاج حدهم زينين
انا مثلج مارضعت بس اشفط يطلع حليب كبر الملاعقة نتفه والحين احس يبي ينشف.. والحين قاعدة اخذ حبوب بصيدلية فيهم حلبة فلت
اكلي سمك وايد زين حق الحليب وخضرا ورهش وسمسميه والحلبه والله يخلي لج ولدج ويعطيج على قد نيتج حبيبتي ام محمد
الله يخليلج ولدج إن شاءالله بس شوفي أختي ترا الحلبه صج مفيدة حييل بالنسبه لإدرار الحليب بس ماتنشرب أكثر من 15 يوم من النفاس ديري باج تشربينها أكثر من جذي لأنها تسبب رخاوة بالرحم ومثل ماقالوا البنات شوفي دكتور يسويلج نظام غذائي لأن فيه خضار معينه تدر الحليب
