اللوعة والقيء عند الحمل عندي لكم الحل النهائي باذن الله

السلام عليكم ورحمة الله وبركاته

​

خواتي عندي لكم الحل النهائي للوعة الحمل والقيئ ومجرب على نفسي ...​

​

​

طبعا هالحل ما كشفته الا بالحمل الخامس .. لما قالت لي امي انت جربي تشربين عصير الليمون الحامض ( العصير الايراني الحامض)​

فقالت لي اشربي هالعصير مخفف بالماي لى الريق ... قلت لها زين ..​

​

​

في البداية بديت بكمية صغيرة لاني قلت ما بتحمل على طول جبدي بتلوع وبرجعه ..​

اول 3 ايام شربت كميات صغيرة من هالعصير بدون ما اضيف له سكر ... بس اخففه بالماي ..​

وعقب 3 ايام لاحظت فرق فزيدت الكمية ...
تحسنت واختفت اللوعة انتوا تدرون الحامل لما تكون تعبانة تحس انها في عالم ثاني تعب وهلاك ومحد يحس فيها​

​

​

بس ريلي قالي يمكن يكون مضر بالجنين انت استشيري طبيبة ..قلت زين.. وطبيبتي قالت ..الي تسوينه ممتاز​

عصير الليمون فيه فيتامين سي .. وهو مفيد مش مضر ..​

​

​

آسفة بنات على الاطالة .. أتمنى تجربونه وتردون على هالموضوع .. ​

​

​

وبالتوفيق لجميع الحوامل بصحة ممتازة :smile:​

محد رد على موضوعي

انا ارد عليج افا عليج يالغاليه

اشكرج على المعلومات الحلوه وأسأل ربي العظيم ان يتمم على كل الحوامل ويرزقهم بالذريه الصالحه ياااااااااارب

مشكوره يا ام سالم صح كلامك فترة الوحام صعبه واتمني البنات اللي جربت طريقة ام سالم تقول لنا

مشكوره يا قلبي على المعلومه و الله يرزق كل محروم الذريه الصالحه

مشكووووووووورة يا ام سالم على هالمعلومة بس ابى استفسر على عصير الليمون الايرانى وين القاه وشكله ؟ وهل هو الليمون العادى

مشكورة وما قصرتي . . .

سبحان الله بس صح يمكن معلومه مفيده بس وين نلقا هاليمون بالعطار؟؟؟

مشكووووووووووره