اللى ناوية تحج هالسنة 2008 تتفضل

السلام عليكم ورحمة الله وبركاته

شلووونكم يا بنات انشاءلله طيييبييين

انا ناوية احج هالسنه

بس انا سمعت ان لازم تاحذين معاج شامبو من غير ريحة وين الاقية

ياريت اللى تعرف تقولي وين ينباااع

ومشكوررين

وعسى الله يتقبل منا حجتنا

ماني فاهمه شئ ؟؟؟؟؟؟

السلام عليكم اختى سحايب

انا بحج هالسنه بإذن الله وعسى الله يتمها ووفقنا ويردنا سالمين غانمين

إنه سميع مجيب الدعاء

انا بعد قالوا لى لاتاخذين معاج شامبو بوريحه او صابون معطر ولاتتعطرين عطر

يفوح بس ملابس نظيفه وكثرى من السراويل الطويله والدلاغات السودا

ويكون الجوتى كرمكم الله خفيف حيل وواسع مايعور ريولج

اما الشامبو بدون عطر انا لحد الآن مالقيته بس ممكن تاخذين معاج شامبو بيبى

جونسون على الاقل ريحته خفيفه

واذا الاخوات يعرفون ممكن يفيدونا وجزاهم الله خير

على العموم اختى سحايب الله يوفقج وويوفقنى وويوفق كل حاجه ويغفر ذنوبنا جميعا

اذا عرفتى شى اكتبى بهالصفحه وانا راح اشوفها قبل الحج بإذن الله

تحياتى

اختج شرقاويه

هلا وغلا بخواتي عسالله يكتبها لكم انشالله وانشالله تنكتب لي يارب واتوقع ان الشامبو هو السدر اللي مافي ريحه بس عاد تحملي لأن جاف شوي وبالتوفيق يارب ولا تنسونا بالدعاء حبيباتي اللي بتروح وانا اذا انكتبت لي ماراح انساكم انشالله

مشكوره اختى التوليب وإن شاء الله ماراح ننساج بالدعاء

والشامبو اللى تقصدينه هو شامبو سدر الايرانى الاخضر ؟

اى صح هذا يجفف الشعر وانا شعرى جاف حيل

بس اكيد فيه بديل عنه

تحياتى

يعطيكم العافية حبايبي ع المرور

اي قالولى اخذي معاج سدر

وانشاءلله اذا لقيت شي بقولكم

الله يتقبل منكم وترجعون بالسلامه والله كان ودي احج بس الظروف ماتسمح ادعولي الله يسر لي الحج واما بالنسبة للشامبو ماعندي خلفيه بس بسأل اللي حجوا من قرايبي