السلام عليكم انا توني 36 اسبوع وجم يوم ودي اولد مبجر بنات قالولي اشرب زعتر يفتح الرحم شنو اسوي بعد ابي اشياء ماتضر وادري السهاله من الله قبل كل شي بس لان اول شهر 6 عندي امتحانات الفاينل وحدي متوهقه والدكتور معطيني 25 /5 اخر موعد يعني اسبوع علي الامتحانات عفيه اللي تعرف اشياء تساعد على الولاده بدون اضرار علي وعلي البيبي وسلامتكم
الله يسهل عليج ان شالله وتولدين بسلامه شربي عشبه اسمها كف مريم دكتور سعودي مسوي عنها دراسه انها تففتح الرحم بعدين تسوي طلق مومثل الدارسين وغيره تجيب الطلق والرحم مسكر ويسبب تقلصات وينفجر الرحم عليج بالمشي وكف مريم وادعيلي وسمعت عن التوت البري يمدحونه وعلى فكره الخروع جربته بولاداتي ثنينهم اشربه ويذبحني بطني ومااولد الا بطلق صناعي سبحان الله هذي طبيعة رحم عضلاته رخوه والله يسهل عليج وتولدين بالسلامه (وع بس تذكرت الخروع لاعت جبدي)
كل شي بامر الله عز وجل ومافي شي قبل وقته لاتهورين بعدين تندمين لا سمح الله ربي يتمم عليج حملج ويهدي سرج ويسخر لج دكتور الجامعه
ام جراح مشكور حبيبتي والمزاين انا ما ابي اتهور بس اخاف من الوقت وبعدين ما اقدر امتحن والله كريم وعلى قولتج الله يسخرهم لي أمين
شوفي ياقلبي انا مثلج احاتي ولادتي والامتحانات بس انا بوقت غير وقتج اسمعي كلامي وطيعيني خلي عنك هالكلام وواتكلي حالك على الله ومن توكل على الله ماخاب يعني لاتسوين شي بس ادعي الله بالتيسير لك في الامرين الولاده والامتحانات وبأذن واحد احد راح تتيسر هذا رأيي والله يسهل لك ويهون عليك وعلى الجميع يارب
انا بعد ودي اولد وأخلص وباقي اربع ايام وادش شهري وقالولي امشي على تراب البحر يسهل الولادة حيل والله كريم
اختي نصيحة من مجربة وتعبت حيل حيل كان همي اولد وبس واقسم باللله العظيم اني تعذبت حيل حيل نصيحة لااتعبين عمرج ولااا تشربين شي خليها على الله والله يسهل عليج ان شاء اللله انا ماااخليت شي ماااشربتة قالو لي اشربي عصير برتقال وخروع ولااا فااد الرحم مسكر وقالوا لي اشربي كف مريم والله ولااا فااااد كان يجيني طلق خفيف قالوا اشربي دارسين واللله والله الشاهد علي جاني شي اعوذ باللله ماخذيت شوي الى الطلق حامي حامي واخر شي من كثر الطلق بنتي تعبت وولادوني قيصري خليها على الله انا حلفت مرة ثانية اذا الللله رزقني مرة ثانية اتعب شوي ولااا استحمل نفس قبل اعوذ بالللله اللللله يسهل عليج ان شاء اللله ويفرحج بالشوفة البيبي وتبشرين قريب انج ولدتي بس نصيحة نصيحة من اخت جربت كل هذا واالللله علشان ماتجربين الي جربة
تسلمون حبيباتي على هذي النصايح والله ادري بس احنا طبعنا انحاتيي وايد وكل هذا التعب وعيزانين ننطر هالجم اسبوع 8 اشهر متحملين والحين مو قادرين نصبر خلاص( يارب هون علينا ويسر امورنا وارزقنا الذريه الصالحه وكامله الخلقه )
